تعالوا نصلى الفجر وندعي لهم

ان الله لا يغير ما بقوم حتى يغيروا ما بانفسهم

طول عمرنا عارفين الكلام ده وبنردده ايه رايكم دلوقتى ننفذه

بما ان الاحوال بره وجوه بتتغير من سئ اى اسوء

طبعا كلنا شفنا او سمعنا اللى بيحصل فى غزه وكمان عارفين ان حتى لو اتبرعنا لهم المساعدات مش بتوصل

يبقى الحاجه الوحيده اللى فى ايد اى حد مننا هى الدعاء

طب ما احنا بندعى

سمعت عن حمله القيام لصلاه الفجر

ايه رايكم لما كلنا من بدايه العام الهجرى الجديد نقوم سوا نصلى الفجر فى المسجد او البيت وندعى بكل قوتنا من جوه القلب

اكيد مننا اللى بيفوته الفجر بس عايزين نتغير مش نفوته تانى

لما تبقى كسلان افتكر ان لو حد بيطاردك كنت هتقوم جرى

لما تحس بالبرد افتكر ان نار جهنم اشد من البرد

وان فيه ناس مجروحين ومصابين واطفال مرمين فى الشارع فى عز البرد وربنا عفاك من اللى هما فيه

الدعوه دى ليا قبل اى حد فيكم

ياريت نفكر بعض نشجع بعض كل واحد يرن على اصحابه يصحيهم

وياريت لو نصوم كلنا بكره

ياريت لو نصوم كل اتنين وخميس على قد م نقدر

صدق النيه اكيد هيخلى حاجات كتيرتتغير

ولو متغيرتش الدنيا كفايه انت تتغير

مفاجاه لكم....ولى

هو المفروض انى اقولكم عشان بحس انكم عيلتى التانيه الجميله اللى اخترتها واختارتنى

واحبها تشاركنى فى كل حاجه

بس بصراحه كنت مكسوفه ومش عارفه اقول ازاى لكن سلوى طوق الحريه قالت هتذيع

وكمان موناليزا امه الله ذاعت

ربنا يباركلى فيهم وفيكم وميحرمنيش من صحبه الخير دى ابدا

فقلت اجى بقى اعرف اللى معرفش وافتح الباب للى جاى يبارك وعايزه دعوات حلوه كده من القلب

وعقبالكم جميعا

اه نسيت اقولكم هى ايه المفاجأه

انا اتخطبت يا جماعه

حيره

اشغلنى الفكر وارهقنى

*
ليل ونهار ارقنى

*
لا ادرى راى فى مسالتى

*
والحيره تقسو وتغلبنى

*
وجاء الهاتف يلهمنى

*
ارضانى همسه واسعدنى

*
لبيت امره من فورى

*
وفوضت للخالق امرى

روح

لقد حان الوقت كى اطفو فوق ملامحى،ان اكون طيفا هادئا لا يراه البشر

،لا يشعرون بسكونه وحركته، لا تمله العيون، لا يخشى احد
يترك اركان الخوف والفزع يطير الى عالم منير من الارواح الهائمه التى
تبحث عن الحقيقه ،حقيقه الكون وملكوت الرحمن، عن المعانى وليس ما تعنيه
ان اصبح موجه فى بحر الدنى واتوه بين الوجوه ولا اكون سوى..... روح

*

*

*

ادعوكم ونفسى لحسن مصاحبه العشر المباركه

كل عام وانتم بكل الخير

كيف استطاع ان يفعلها؟؟؟

زوج

تزوجها زواج تقليدىكما يدعونه، لكن بعد الزواج كانت قصه حبهما الشهيره على كل لسان. كان يعاملها كملكه مما يثير حفيظه الرجال وغيره النساء. تاخرت فى الانجاب وهو يصاحبها فى كل خطوات العلاج يخفف عنها ويخبرها انها تكفيه ويبعد كل ما يعكر صفوها .اصبح لا يحب الاما تحبه ،يكرر كلماتها ويتحمس لرايها فى اى امر وكانه ظلها عشر سنوات كامله

وقبل ان تخبرها انها اخيرا حامل

اخبرها انه تزوج باخرى منذ شهر

*

*

اخ

هى:اخشى ان تتغير بعد الزواج

هو:لن افعل

هى :الجميع يقولون ذلك

هو:الا تثقين بى

هى: لا اثق ان احدا يبقى كما هو

هو :سترين

هى:اتمنى ذلك

بعدفتره

هى:لم اعد اراك

هو:الا ترين كم انا مشغول ؟ من اين اتى بالوقت؟

هى: ربما تمنحنى ن الوقت بعض ما تعطيه لاهل زوجتك

هو: لاادرى تاخذنى قدماى لهناك

هو:..........................

هى:...........................

لم يعد هناك حوار فقد تغير كثيرا جدااااا

*

*

*

*

اب

قالت له ابنته الوحيده:ابى لا اريده زوجا

قال: وهل سالت عن رايك؟

لقد قررت وقرات الفاتحه اعرف مصلحتك جيدا

قالت:ابى ولكن انا.......................ا

قال:انتهى الامر سيقدم الشبكه غدا والزفاف بعد اسبوع

وبعد 3 ايام من الزفاف

الطبيب: صدمه عصبيه شديده تبعها انفجار شريان فى المخ ادى للوفاه

مسكينه تلك العروس

خواطر المطار

عندما نودع الاعزاء نعتقد انه الفراق لنكتشف ان كل ما فعلوه انهم ازدادوا توغلا فى القلب

*

*

رايت صديقان احدهما اشقر والاخر زنجى يتبادلان الحديث والود لاجد الروح تهتف سبحان مؤلف القلوب

*

*

سالنى احد الغرباء هل ستبكين الان، اندهشت وابتسمت (لا)وكانى انفى عن نفسى تهمه الاحساس

*

*

ما اقسى ان تكون مطالب بكفكفه دموع الاخرين وانت تشتهى البكاء

*

*

وداع ولقاء-دموع وابتسام انه المطار وانها الحياه

*

*

حتى هناك ظلت عيناى تقلب فى الوجوه على اجد وجه مالوف ،رغم انى لا اعلم ملامحكم

*

*

مره اخرى اكتشف انى قويه-حتى ولو ظاهريا،فلله الحمد

م

اللقاء الاول

لاول مرة اجد نفسى اتعامل مع من اقابله للمرة الاولى بتلك العفوية.. نعم اعرفها من على المدونة لكنه اللقاء الاول الذى يكون له دائما وقع اخر لكن مع منى لم اشعر بذلك وكأنى اراها كل يوم... وكأنى اعرفها منذ سنوات... نعم.... فاجأتنى بتهورها الطفولى اللذيذ لكنى بكل سرعة وجدتها جزء من ذاكرتى واصبحت الان من صديقاتى المقربات، ولقب صديقة له قدسية كبيرة عندى ولكنى بكل ثقة وسعادة امنحه لك يا منى

اللى عايز يقول حاجه يقولها هنا

http://sometimes-good-bad.blogspot.com/

همهمات مبعثره

لست ملاكا ولم ادع ذلك يوما فلا تحاسبيننى على ما لم ادعيه

*

*

اللهم اجعل الموت راحه لنا من كل شر

*

*

يا الام النفس ابتعدى عن روحى وعن جسدى

*

*

ما اقسى الجرائم التى لا يعاقب عليها القانون

*

*

مددت يمناى وتسلمت العهد فهل استطيع ان اوفى؟؟؟؟

*

*

لم اتحمل وحشه القبر وحيره المصير دقائق،فكيف ساتحمل للنهايه؟؟؟

*

*

انتى طيبه اوى يا مى يا ريتنى اقدر اعمل لك اى حاجه

*

*

عندما ترى دموعى فلا تشغل بالك بالامر ربما يوما اكون سعيده

*

*

افضل حب لحد ما قلبك تصبح فيه ازمه سكان،بس يا ترى هتقدر توصل المرافق لكل السكان؟؟؟؟؟؟؟

*

*

ريما.. عرفتك شهرين وافترقنا من سنه وشهرين ولسه وحشانى وكلكم وحشينى يا ترى لسه فاكره جين اير؟؟؟؟

يا ريت نتقابل هناك ويا ريت نوصل هناك

*

*

ما ايسر ان نكون سعداء

*

*

عندما يصفق لك الجميع فليس بالضروره اعجاب ،ربما لا يريدون سماع انينك

حبيبتى احاسيس

التورته دى لكل المدونين اعتقد هتكفى

انما دى انا هشيلها فى التلاجه عشان اللى هيجى متاخر يلاقينا
سايبين له حقه

فى مثل هذا اليوم منذ عام ولدت مدونتى الحبيبه فى نفس شهر ميلادى وكانى معها اولد من جديد

بدون تخطيط منى او قصد

وارسم خطواتى فى عالمى الافتراضى اختار منه افراد اسرتى الالكترونيه بكل حريه

هنا وصلت لنظريه او سؤال_هو احنا صحيح ورق كوتشينه؟؟؟

كل منا يوجد منه اكثر من نسخه تماثله فى العدد لكنها تختلف فى بعض الرتوش وكل منا يبحث عما يماثله او يشابهه كى يشعر بوجوده بين البشر

او لنقلها بطريقه اخرى الارواح جنود مجنده ما تالف منها ائتلف وما تنافر منها اختلف

وبدلا من هذا الكلام المرسل اسمحوا لى ان اكتب ما اريد من خلال اجاباتى على تاج التدوين فهو اكثر ما يعبر عن هذه المناسبه

شكرا ل

المصرى

sometimes

ونبدا التاج

بدأت تدون من امتي ؟ و دخلت العالم ده ازاي

بدات التدوين زى ما قلت من سنه والمدونه دىاول بوست فيها بتاريخ 23 اكتوبر

ودخلت عالم المدونات عن طريق اتنين اولا اخويا اللى كان بيلح عليه ويقولى المدونه اكتر حاجه تناسبك بس ورانى كام واحده اتخضيت وقلت له لاء ،وبعد كده سلوى طوق الحريه كلمتنى عن مدونتها كذا مره ولما شفتها عجبتنى وبدات فعلا اعمل مدونه واخويا ساعدنى

وبالمناسبه بشكر سلوى انى بدات اعرف الناس من عندها لان ده ساعدنى اعرف ناس محترمين جدا

وحتى لما بدات اعرف ناس بعيد عن سلوى الحمد لله برضه ناس احسبهم على خير

ايه كان انطباعك في البدايه؟

متلخبطه ومكسوفه جدااااا وفرحانه زى العيال بحاجه جديده

مين اكتر واحد بتهتم بتعليقه علي بوستك الجديد؟

والله كتير ويمكن كل بوست ببقى مستنيه راى حد معين يختلف من بوست للتانى حسب الموضوع وساعات بتوقع رد ناس معينه او ابقى حاسه ايه اكثر جزء هيلفت انتباههم فى البوست، بس لما اكتب بوست جديد بحس زى اللى عامل حفله ومستنى اهله وزى ما بيفرح بوجود اللى حضروااوى بيزعل اوى لما حد فيهم ميجايش لانه فعلا عايز يشوفه صحيح بحاول اعذرهم لكن برضه بيوحشونى

ايه أهم حاجة اتعلمتها من عالم التدوين؟

انى ممكن اعمل حاجه بحبها واقضى وقت بتكلم فى الحاجات اللى شاغلانى واسمع افكار جديده وان الواحد يقدر يعبر عن نفسه ويلاقى اللى يشاركوا بفكره او نصيحه او نقد يفيده او كلمه طيبه ترفع معنوياته

وبعدين فيه طريق طول عمرى بحلم اعمل فيه حاجه والحمد لله بدات وكان التدوين بطريقه غير مباشره هو السبب ادعو لى ربنا يثبتى ويقوينى

واتعلمت كمان ان العالمالالكترونى ده عالم بجد فيها الحلو والوحش والحزن والفرح وانى اذا كنت بحس الدنيا اللى بره صعبه وكتير بحس فيها بالعجز، فانا هنا بمر كتير بنفس الحاله ويمكن بتبقى اصعب لان اللى حواليه خارج عالم التدوين بيشفوا ده غريب وبحس انى خارج المدونه لوحدى

ايه أكتر حاجة كرهتها ؟

انى شفت ناس سهل اوى تغلط فى غيرها وتاذى لمجرد الاختلاف فى الراى وناس شايفه ان الحريه مالهاش حدود ولا ادب واصول وناس انانيه وناس قاسيه اوى

حاسس ان التدوين له تأثير ؟

هعتبره سؤال شخصى وهقول
عندما اراكم فى احلامى

وتؤنسنى اطيافكم طول نهارى

واستشعر وجودكم فى كل احوالى

الا يعنى ذلك الكثير؟؟؟

امك ثم امك ثم امك

زى اى اتنين متجوزين جديد كانوا بيتمنوا يبقى عندهم اولاد لكن مكنش فيه حمل بيكمل وبدؤا رحله الدكاتره والعلاج واللى يقول الموضوع صعب واللى يقول انتى عمرك ما هتخلفى انسى الموضوع احسن ،كانت بتوافق تعمل اى عمليه مهما كانت خطيره
وفاتت سنين
قالولها روحى للشيخ فلان تقول انا هطلب من رب الشيخ وهو اللى هيدينى من كرمه
جوزها اشفق عليها من الاجهاض المتكرر والعمليات الصعبه وقال للدكتور اكتب لها حاجه تمنع الحمل خلاص مش عايزين اولاد
رفضت وقالت هستحمل التعب واملى فى ربى كبير
اول حمل كمل وولدت ولد زى القمر كان كل اللى يشوفه يتعجب وهى كانت بتخاف عليه من نفسهاوتخيلوا فرحتهم بيه وبعد 3 ايام صرخ ومات
انهارت بس ايمانها كان اكبر من المها
قالولوا لها قولى يارب ولد يجيب الغاره من اخر الحاره
قالت انا تعبت اوى عايزه ولد صالح يعوضنى مش يعذبنى ومش كتير على ربنا كرمه واسع
وتانى مره الحمل يكمل والدكتور متابعها يوم بيوم
قالها لازم تولدى هنا عشان الرعايه لو ولدت بالدايه زى المره اللى فاتت المولود هيموت تعالى ومش عايز منك فلوس
وحدد لهم ميعاد الولاده وجهزوا الادويه والحاجات المطلوبه للام والجنين
بس الولاده جت فجاءه وبدات تصرخ ومفيش تليفون ولا وقت للدكتور طلبت من اختها تنادى للدايه اللى جنبهم رغم تحذيرات الدكتور لكن مفيش وقت وقبل ما العربيه اللى هتوديها للدكتور تيجى وقبل ا الدايه ما توصل
وصل المولود لوحده بالسلامه قصدى المولوده اللى هى اختكم منى انا يعنى زى النهارده من 28سنه
وفرحه ماما وبابا والعيله اللى كانت بتستنى اول حفيده هى الحاجه اللى محسسانى ان

وجودى له قيمه لحد من البشر

وكمان بقى عندى اخوات ومن غير علاج ولا عمليات
معلش دخلتكم فى تفاصيل بس حاسه ان ماما دى رائعه وان اليوم ده عيدها هى ربنا يكرمكم ادعوا لماما تبقى دايما بخير وادعوا لى ابقى انا السبب فى حجها زى ماهى بتتمنى وانى ابقى ابنه باره بيها وبابا
معلش غصب عنى مفيش تورت بس ادعوا المزاج يتعدل و ان شاء الله ربنا يدينا العمر والصحه و هعوضها لكم يوم 23 اكتوبر مناسبه حلوه برضه للى هيجى بقى
تحياتى

ولدى الذى لم اراه

ايا طفلا تغمر دموعه عينى فى المراه

فارى حزنا وصدرا تشقه الف اه

ارى جرحا وجسدا نحيلا واه

هون عليك فالعمر لم يبلغ منتهاه

*

*

دعوت الله فى الفجر وفى العصر

ينجيك من كرب ومن قهر

يطهرك من ذنب يعذبك

ويهديك الخير والبِشر

*

*

ايا ولدى والحبل الود يربطنا

الا تشفق على ام تعذبها؟

ففى قلق عليك وفى الم

فعد سريعا معافى كى تسعدها

وا آسفاه على يوسف

قال رجل لنبى الله يوسف : انى احبك

!

1

فاجاب عليه السلام: وهل اوذيت الا من المحبه؟؟؟

احبنى ابى فالقانى اخوتى فى الجب وصرت عبدا

واحبتنى امراه العزيز فلبثت فى السجن سنين

*

*

*

...فاحذر ان تكون سبب فى شقاء من ينتظرون منك الخير

صفااااء

عندما تصفو النفس وتصبح كغلاله شفافه غير ماديه لا يستطيع احد الامساك بها او ايلامها او التاثير فيها او بها

سوى بالطبع ربها.حينذاك،ترى السعاده كما لم ترها من قبل،تشعر وكانك طائر اسطورى حريرى الريش تسبح فى ملكوت

ربك وعينيك ملأه بالفرح الالهى فقد تخلصت من قيود الدنيا واحقاد البشرواصبحت مجرد طيف وقد امتلا قلبك بحب الله

تقول سبحان الله كانك تراه ووعندما يضيق بك صدرك،

فتقلب بعينيك فى ملكوت الخالق لترى ما لم تكن تراه من النهر الازرق للنبته الخضراء تخرج من جوف الارض السوداء

الى السحابه الرماديه فى السماء تبكى من خشيه وحب ربها

تسديد ديون

اربع تاجات مره واحده قلت اخلص ديونى قبل رمضان

شكرا للى بعتوها وشكرا للى هيستحملوا ويقروها

وكل عام وانتم بالف خير

تاج الصور من الفارس الملثم

ما اسمك؟

حيوان أليف تملكه؟
اوصف شكلك؟

الحلوى المفضله
ماذا تقود؟

الحاله الاجتماعيه

الحاله المزاجيه

المطرب المفضل

الفرقه المفضله

محل الاقامه

محل العمل

عملت ايه امبارح؟

هتعمل ايه النهارده؟

البرنامج المفضل؟




تاج النجم القادم

ماسبب مضايقة الشاب للبنت في الاماكن
العامة؟

محاوله جذب الانتباه ليشعر ان له وجود ولا يدرك انه يعطى عن نفسه صوره مقززه

هل تعقدين ان الشباب هو من يبدأ في مغازلة البنات؟

اه طبعا
ما الداعى لتبرج البنات وعدم احتشامهم؟

اهتمام بالمظهر على حساب الجوهر واحيانا بيبوظ الاتنين
هل تعقدين ان الإنفتاح على الغرب هو سبب ظهور هذه الفتن
مثل الكليبات والفضائيات الهابطة؟

يمكن ده خلى الموضو ع ا سهل وتلاقيهم بيقولوا عادى كل البنات بتلبس كده

هل تدخل اسرتك في انتقاء ملابسك يضايقك ويقلل من شأنك
ويسلبك حريتك الشخصية؟

بصراحه هما مش بيدخلوا اساسا فى لبسى انا بلبس اللى يرضينى ويرضى ربنا ويعكس شخصيتى
فى رايك ماهى نظرة الناس للفتاة المتبرجة

لو تقصد اللى لابسه ضيق وملزق وقصير او مكشوف والكلام ده انا شخصيا باشعر بالغثيان من المناظر دى
مامدى تاثير اصدقائك على طباعك وشخصيتك؟

طبعا بياثروا جدا خصوصا فى مرحله المراهقه وتكوين الشخصيه لكن بعد كده بتلاقى نفسك تنجذب للناس اللى قريبه من تفكيرك واخلاقك

والحمد لله اصدقائى بفخر بيهم واهلى دايما يشيدوا باختيارى
*********************************************




تاج الصفات
من مدحت محمد
1 صريحه
2خجوله لكن وقت اللزوم اسد معرفش ازاى
3كسوله احيانا عندما يكون امر يخصنى
4دقه قديمه
5نفسيه جدا
6اجتماعيه
7هاديه غالبا
8كتومه
9 ثرثاره احيانا
10قلوقه جدا على الناس اللى اعرفهم
12 صبوره
13 قارئه جيده
14 موضوعيه
15بيقولوا رومانسيه
16 برضه بيقولوا حنونه

تاج الاسرار من رفقه عمر
1بقدر اتحكم فى نفسى لكن لما الضغط يزيد وانفعل بيبقى اعصار ربنا يعافيكم
2 بهتم بالابتكار فى الاكل
وتقديمه لكن باكل قليل جدا وبقلق من الناس اللى بتحب الاكل وبتاكل كتير
3لما بمر بموقف يثير اهتمامى سواء حصل معايا او غيرى بياخد منى وقت وتفكير وتحليل كتير قد يستمر العمر كله حتى لو مش اعرف ابطاله
4لما اشوف او اسمع عن اى حد مصاب، اتكعبل او اى موقف زى كده او حتى اسفه يعنى لو حيوان اتعور غصب عنى بقول بصرخه كده اه..يا حبيبى او يا حبيبتى حسب الحاله
وبدوب من الكسوف بعدها الحمد لله محدش غريب سمعنى لحد دلوقتى بس انا بقولكم من دلوقتى عشان لو شفتونى عملت كده محدش يضحك عليه
5 بحب امشى على قضيب السكه الحديد او اى سور صغير كانوا بيقولوا زمان منى المفروض تبقى لاعبه جمباز او باليه لكن ربنا ستر ودلوقتى عشان كبيره يعنى معدش قدامى غير شباك السرير بمشى عليه احيانا
6 عندى احساس دائم انى مزعله حد من غير ما اقصد وببقى نفسى اعتذر بس اخاف يكون الحد ده مش زعلان ولا حاجه اقوم انا اخليه ياخد باله ويضايق

وعند ربك خيرا كثيرا

تحديث

لا احب تفسير ما اكتب لاعطى لكل فرد حريه التفسير وكثيرا ما تاخذنى تلك التفسيرات لافاق جديده لم اكن لأطئها وحدى ،لكنى الان اجدنى مضطره لتغيير كلمه فى اخر فقره واعتقد انها تكفى ،لان الامر لا يخص بشر عادى واخاف الاثم على نفسى وغيرى

فعذرا لمن علق قبل التعديل واسعدنى جدا تعليقكم على الحال السابق

دعت بدعوه سيراها البشر مستحيله لذا لم تخبرهم، لكن الله استجاب فلا مستحيل عنده

*

*

*

حرمتها من اشيائها بقسوه ،فتركتها وصبرت لتجد الله يحرم الاخرى التمتع بتلك الاشياء

*

*

*

خافت على نفسها المشقه وترددت كثيرا ،وفى النهايه قررت ان تبتغى مرضاه الله فهالها ما وجدت من خير عظيم

*

*

*

كان يشعرها ان كل ما تقدمه هو واجب ولم تؤده كما ينبغى فاهداها الله من يشعروها باكثر مما تستحق

*

*

*

كانت اقسى لحظات العمر،لكن عندما مرت ،ايقنت انها كانت السبيل الوحيد للنجاح

*

*

*

.....راتهم جميعا الا هو فذهب الكليم يناديه وهاهى تنتظر منذ سنوات

دعواتكم بالله عليكم

احدث تحديث

الحمد لله بابا بقى كويس وكمان هيام ورشا بقوا احسن كتير وبالتالى انا كمان بقيت احسن

حاسه ان كلمته شكرا ليكم دى كلمه ضئيله اوى بالنسيه للمعنى اللى اقصده

ومش لاقيه كلمه تعبر عن اللى جوايا

ربنا مش يحرمنى منكم ابدا يا اجمل من عرفت فى حياتى

ويمن عليكم دوما بالخير والرضا والسعاده

وليكن لقاءنا فردوس الجنه مع الحبيب المصطفى

تحديث

الحمد لله بابا عمل العمليه والحاله مستقره صحيح تعبان شويه لكن ماشاء الله احسن من العمليه اللى فاتت كتير

والله حاسه ده من فضل ربنا بسبب دعواتكم والله حاجه غريبه وهو فى العمليات كنت حاسه بسكينه غريبه ولاول مره افهم كلمه _كنت حاسس بدعواتكم_اللى بقراها كتير فى المدونات فعلا حسيت حاجه مش عارفه اوصفها رهبه وسعاده رغم حاله الخوف كانى سامعه اللى بيدعى وحاسه باللى حاسين بيه

بابا جنبى دلوقتى وقلتله انكم بتدعوله

وطبعا فرح بس انا اكتر

كملوا جميلكم بقى واستحملونى ومتنسوش رشا وهيام من الدعاء

مكنتش عايزه اتكلم عشان محدش يشيل همى او حد يضايق منى

لكن لقيت انكم ممكن تفتكروا انى انا اللى اهملتكم وكمان محتاجه اوى دعواتكم

انا فى ازمه شديده

اكثر ناس بحبهم فى خطر شديد وانا عاجزه قدامهم

ومش قادره احكى ولا اتكلم

لسه لحد دلوقتى واقفه على رجلى بس مش عارفه لحد امتى

ادعوا لبابا ورشا وهيام

ادعولهم اوى بالله عليكم

بابا هيعمل عمليه النهارده

خليكوا معايا بدعواتكم

واعذرونى ربنا اللى يعلم بحبكم اد ايه وبخاف عليكم اد ايه

واسفه لو تقلت عليكم

بس مش مستحمله انتم كمان تزعلوا منى عشان كده حكيت

مش عارفه هقدر اكتب تانى امتى

اول لما اطمن شويه هاجى جرى اقولكم

ادعولنا بالله عليكم

واللى زعلته فى اى وقت بقوله

ارجوك سامحنى

وما ربك بظلام للعبيد

سالنى طبيبى بصوت رحيم

وقال: بنيتى .. اين الالم؟

اجبت بشجن وقلب حزين

وقلت آلهى هو الاعلم

***

طبيبى الكريم ..ارهقتك معى

سامحنى واغفر لى سيدى

فرغما عنى تآبى الجراح

ان تندمل ..او تنطوى

***

سالت دموع الحنان بعينه

وقال بل انا مقصر

فلم استطع مداواه رروحك

ولا على جراحك ان انتصر

***

ايا سيدى.. هون عليك

فليس بيدى ولا يدك شئ

فرغم الامى الجسام وضعفى

فرحمه ربى وسعت كل شئ

احاسيس

قالت بالم:لماذا لم اعد اراك رغم انك دوما امامى

اجاب وعينيه تفترسان الجريده:ربما تحتاجين نظاره طبيه

*

*

عندما رايته فى الحلم بحثت عنه بلهفه،

وحينما لم اجده ايقنت انه شيطان،فعاقبته بشده المته

*

*

ان تكذب فهذا طبعك

ان تخون ليس غريب

لكن ان تتهمنى..... فذاك كثير جدا

*

*

عندما ابكى، اعلم انى احبك بشده

*

*

الخل الوفى ليس مستحيل ان استطعت ان تكونه اولا

*

*

لا تشغل بالك من يحبك منهم

يكفى انك تحبهم جميعا

*

*

ارجوك.. كف عن ايذائى

اخشى ان ياتى يوما ولا استطيع ان اغفر

تاج الحبيب

لو سالك غير مسلم عن نبى الاسلام فبما تجيب؟

حديثه وعمله شاهد عليه

فانظر كيف يعامل الخدم

ومن مثله يسابق زوجه

وهى الشابه وهو الهرم

وكيف يداعب طفل صغير

وكيف يؤلف بين الامم

ماذا اقول وفضله كبير

فاقرا كل ما قال وفعل

ستجد الكرم حين الباس

وتجد الرقى حين الالم

لو اتيحت لك الفرصه لرؤيه النبى صلى الله عليه وسلم فى مكان تريد ان تلقاه؟
وهل لى راى فى لقاء الحبيب
فهو يامرنى وبالحب اجيب

وماذا ستخبره

ياحبيب الشوق زادنى لوعه
وافاض قسرا المدامع
يكفينى منك فى الدنى رؤياا
اصبر بها واقنع

وماذا ستطلب منه

ادعو لى الله يمن على بصحبتك
واكون هناك من صحاباتك
اعوض ما فاتنى فى هذىالدنيا
بصحبه جميله ورفقه بهيه

مقوله تمنيت ان يقولها لك

كان رسول الله صلى الله عليه وسلم لا يكاد يخرج من البيت حتى يذكر خديجة فيحسن الثناء عليها، فذكر خديجة يوما من الأيام فأدركتني الغيرة فقلت هل كانت إلا عجوزاً فأبدلك الله خيراً منها، فغضب حتى اهتز مقدم شعره من الغضب ثم قال: لا والله ما أبدلني الله خيراً منها، آمن بي إذ كفر الناس، وصدقتني إذ كذبني الناس، ورزقني الله منها أولاداً إذ حرمني النساء، قالت عائشة: فقلت في نفسي لا أذكرها بسيئة أبدا
وخديج والله ما ابدلنى ربى خيرا منها للابد
امنت وصدقت ومنحنى الله منها البنت والولد

احب الاحاديث الى قلبك
لا يؤمن احدكم حتى يحب لاخيه ما يحب لنفسه

جمعت حسن المعانى فى بضع كلام
تحبه لنفسك فحبه لغيرك
اصبت الحقيقه يا خير الانام

كيف تعرفت على سيره الرسول صلى الله عله وسلم

شفى الله ابى الذى اخبرنى عنه

وكل صاحب كتاب وقلم

وكل من اهتدى بهدى محمد

فعلمنى كيف يكون البشر

اذكر صفه واحده تدل على عظيم خلقه والاستدلال بموقف

الرحمه

حينما تم اسر العباس ابن عبد المطلب مع الكفار فى بدر وشدالمسلمين وثاقهم فكان العباس يأن والنبى سهران يتالم لانينه

فلما علم احد المسلمين بذلك ارخى وثاق العباس رحمه للنبى فلم علم النبى امره ان يفعل ذلك بالاسرى جميعا

وكيف للكريم ان ينام

وبضعا من رحمه يتالم

ان كان للحنان لسان

فباسم محمدا يتكلم

هل هناك تاثير للرسول على شخصيتك او حياتك او بيتك اذكر مثال لكل واحد

وعلى خطى المختار احبو و اكبو

وانت ياالهى المعين العفو

صديقتى دائما

ش كما طلبت ان ادعوها صديقتى منذ سنوات وحتى الان صداقتنا محل الحديث والحوار بين من يعرفونا رغم اننا لا نتقابل الانادرا ولا نتحدث فى التليفون كثيرا وللعلم نختلف فى الكثير ،ولا ادرى لما تذكرت هذه الايام المره الوحيد التى حدث بيننا خلاف

رغم انه لا يصح ان اسميه كذلك ،فلم تفعل احدانا مايسئ للاخرى لكنهم الاخرون

لم نتشاجر بالطبع كل ما جرى انها لم تجلس بجوارى كالمعتاد وتركت المدرسه دون ان تودعنى كما تفعل دائما ولكم ان تتخيلوا حالتى وقتها

نسيت ان اقول اننا كنا فى تانيه ثانوى

لن اطيل عليكم لكنى ساعرض لكم ما كتبناه عندما ذهبت كل منا لمنزلها

ش

كيف تعاتبين وانتى قاتلتى

انتى القاتله والسكين

فكيف تسالين

اراك بين ثنايا الحياه

تختفين

اراكى تبتعدين

وتلوحين

اردتك سندا فى غربه السنين

لكنى مللت الوهم والحنين

**************

اما انا فكتبت

يتهادى الحزن الى قلبى

يترائ الدمع فى عينى

لكن الكبر يلملمه

يمسح بيديه المى

ويظل الصفح يتباعد

يامر قلبى كى يبكى

ما اقسى لحضات الضعف

ما اقبح ان تحيا حياه

قائمه على الكذب

وفى اليوم التالى لم تتخيل باقى الصديقات اننا لسنا معا وبدا يتدخلوا فى الامر وساعتها لم استطيع ان اتحكم فى نفسى فانفجرت فى البكاء

ش كيف طاوعك قلبك ان تبتعدى ؟كيف استطعتى ان تقسى ؟كيف تستمعين وتصدقين دون تسالينى، لو تحبيننى حقا ما تركتنى

ولا ادرى ماذا قلت ايضا

ورغم اعتذارها الا اننى لم استطيع ان انسى بسهوله

حتى جاءتنى ش بهذه الكلمات

قد اقسو وقد ابدو بعيده

احتوينى بعيناك الدفيئه

دموعك تجعلنى غريقه

انتزعينى من دموع حزنك العميقه

والا ساكون شهيده دموعك البريئه

نظراتك اللائمه تجعلنى اتوه

لملمينى ايتها الصديقه

اهدينى اليكى

والا ساضل الطريق

ومن يومها ولله الحمد لم اغضب منها ولا هى فعلت

نتخذ لبعضا الالاف الاعذار ليس مهم من يتصل اكثر من يسال اكثر من يحب اكثر

المهم اننا اصدقاء

لعله يعود

تخبرنا انك عاقل

رايك راجح

وانك انسان سامى

تدرك اصل الكون

تعرف معنى الحق

اسمح لى..انك واهم

الفاضل حقا لا يكذب

لا يحمل اكثر من وجه

يسمو بخلقه وبنفسه

تدعونا معك للمجد

الا تدرى

انا نملكه دونك

خبرنى اين رقيك؟

هل فى مجونك؟

ام فى نظرات عيونك؟

انظر ما خطته يداك

اى جمال فى جسد مدنس عار؟

اى رقى فى مشهد يثير الغثيان؟

انا لن اجادل بالكلمات

لكنى اسال..هل انت سعيد؟

هل عصيانك كل ما تريد؟

لا ابغى منك اجابه

فلتبحث داخل نفسك

وربك دوما ينتظرك

لو كان بايدى

لاول مره اكون محضره كذا موضوع ومحتاره انزل ايه وفجاءه النت يفصل من كام يوم

والحمد لله عندنا سيبر بنات فى بلدنا قلت اشيل ورقى واروح هناك اقرر هاكتب ايه

وشاء الله انسى كشكولى فى البيت وافتكر الكلمات دى

اللى لقيتنى قمت من النوم فجاءه بدور على ورق وقلم عشان اكتبها

لو كان بايدى

111

كنت ازرع الكون ده كله ورد وزهور

1111

111

وازين كل الدروب المظلمه بالنجوم

11

11

واضم اليتامى فى حضنى وافيض عليهم من حنانى بحور

1

11

والم شمل كل حبيب وحبيبه سوا فى النور

1

واطير حواليهم اغنى سعيد وكان انا عصفور

كان الله فى عونهم

تحديث

،اعزائى.. الامر ليس احزان شخصيه ولكنى استشعر ذلك الحزن حولى فى عالمى الواقعى او عالم المدونات الحبيب وفى نشرات الاخبار وعندما ارهقنى الاحساس بالعجز عن مد يد العون رايت ان ابكى معهم بكلماتى

ولا ادرى ان كنت على صواب ام انه جانبنى .فمعذره

من اعلى جبال القهر

تتهادى دمعه

،تنحدر

،تسقط فى شلال الحزن

تحكى على الضفاف حكايه رمز

.تروى لاناس جلسوا عن يوم الوعد.

تقسم ان القلب الاخضر لم يخن العهد.

يبكى من يسمع حكايات الدمع

لكن

لا احد يرسل لى رد

لم يجرؤ احدا ان يقف بينى وبين الحزن

لم يجرؤ احدا ان يرسل لى احدى فروع الورد

لم اسمع عن بشر جال فى اركان الكون

يبحث لى عن حل

تاج وتاج وتاج

تاج المصرى

تخيل نفسك رئيس جمهوريه
1_أول خمسة قرارات ستأخذها .
1هطلب بيانات بمرتبات موظفيين الدوله كلها من اكبرهم لاصغرهم واحاول احقق عداله فى الاجور

2 هخلى وزير فى مجال خبرته يعنى وزير التعليم مثلا لازم يكون مدرس

3هسمع كل واحد من افراد الشعب ومش استكبر ان اخد برايهم

4اطبق الدستور والقانون على الجميع

5 اوقف سياسه الخصخصه فورا
2-من هم أول خمسة وزراء ستعزلهم فور توليك مقاليد الحكم.
لو بنتكلم عن مصر فالمشكله مش فى اشخاص المشكله فى سياسه عامه الكل بيطبقها فاكرين المهندس الوزير السابق احمد الليثى اللى كان وزير زراعه واول قرارته وقف استيراد المبيدات الخطيره المحرمه دوليا وفورا اتعزل بتهمه بلبله الراى العام3

_ما هى أول خمسة أماكن ستزورها عندما تصبح رئيسا للجمهوريه.
مدن الصعيد المنسيه
الوادى الجديد
شلاتين وحلايب
اراضى شباب الخريجين الخريجين
الواحات

4_كون جمهوريه لنفسك ومن وزير الداخليه ومن وزير الخارجيه ومن وزير العدل ومن وزير التربيه والتعليم ومن وزير التعليم العالى (سواء من أصدقائك أو أقاربك).
وزير الداخليه نجوى صاحبتى
وزير الخارجيه خالتى
وزير العدل ماما بس نسميها وزاره العدل والرحمه
وزير التعليم بابا

5_من هم أول خمسة رؤساء ستقطع معهم العلاقات الدبلماسيه
مش هقطع علاقاتى مع حد الا فى الضروره القصوى
بس هحاول احسسهم ان العلاقات دى مهمه وان اللى هقطعها معاه هيبقى خسر كتير
6_من هم أول خمسة دول ستنول عطفك واهتمامك ومساعدتك "باعتبارك دوله غنيه"
مصر
السودان
الصومال
فلسطين
وكتير من دول افريقيا

*************************

تاج النجم القادم

لوأعطيتك ثلاث وردات من هم الثلاث الأشخاص اللى هتهديهم الورد اللى معاك
ورده لماما
ورده لبابا
ورده لخالتى اللى معندهاش اولاد وبتعتبرنى بنتها

لو أعطيتك ورقة بيها 3 سطوروقلت لك أكتب فيهم اللى أنت عيزه هتكتب إيه
بحبكم
سامحونى
ادعولى
ما هو هدفك فى الحياة
ادخل الجنه
إن شاء الله بكرة هيكون أحسن من النهارده"ِهل تصدق هذه المقولة ؟؟ ولماذا
ايوه عندى امل فى ربنا
من المغنى اللى بتحبه أوى و إيه أحلى أغنية ليه بتحبها ؟؟
مشارى العفاسى بحس انه وجه من الجنه وخصوصا كليب طلع البدر علينا
غزة" تمثل لك إيه فى حياتك
وجع وجرح لا يندمل
ومش غزه لوحدها
لو تزوجت و أنجبت بنتين و ولدين أى الأسماء تختار لهم ؟؟
انا جاوبت السؤال ده فى تاج قديم
المهم يبقى فيهم عمر وابوهم حر فى الباقى

لو أتعرض عليك رشوة كبيرة و انت فى زنقة ماليه هتعمل إيه
هقول لنفسى اوعى يا منى من يتق الله يجعل له مخرجا
قول 3 صفات ب 3 كلمات بس توصف بيهم شخصيتك

مش عارفه
اول مرتب ليك وكان كبير يكفي تجيب اغلى هدايا هاتجيب لكل فرد في عيلتك ايه؟لو كبير اوى يعنى
لماما عمره لو ينفع
لبابا كتب
لاخواتى موبايلات جديده
ايه المجال اللى غير دراستك وشايف نفسك فيه قوي ؟
اللى بشتغله وبعمله دلوقتى
بتحب السفر؟
جدا ولو ان مش دايما بقدر عليه
طب دلوقتى حالا ايه المكان اللى نفسك تكون فيه
الجنه
ولو لازم الدنيا
يبقى قدام البحر

**********************

تاج الاحلام

من مدحت محمد ورفقه عمر والمستنصر بالله

اذكر خمس احلام من ماضيك وتحلم فيها بتغيير اشياء ماذا ستعدل وماذا ستترك؟

الاجابة
1 كنت بحلم يكون عندى فلوس كتير بس عرفت ان الفلوس مهما كترت لو ربنا مش امر لى مش هقدر احقق بيها اللى انا عايزاه
2 حلمت اكون صحفيه وعملت محاولات كتير واتصلت بصحف وسافرت لكن بعد ما حطيت رجلى على اول الطريق حسيت ان الخطوه دى مش مضبوطه وانى مش مرتاحه نفسيا للصحيفه دى والمسئول عنها فاكتفيت انى ابقى اراسل الصحف زى اى قارئ
3اتمنيت لو اتجوزت فى الدنيا اتجوز معاق من اصحاب الحالات القاسيه اللى صعب يلاقوا فرصه للزواج مش شفقه واحسان لكن كنت بقول لنفسى ان كل واحد عنده حاجه معينه ممكن يسعد بيها غيره وانا اعتقد ان لحاجه الوحيده اللى املكها وممكن اسعد بيها
هى انى هكون مهتمه جدا بمشاعره لكن اكتشفت بعد ما كبرت شويتين ان النيه الطيبه لوحدها مش كفايه
وان الواحد فى الحالات دى بيبقى محتاج بجانب الحنان زوجه ذات قوه نفسيه وبدنيه شديده تقدر تساعده دايما لان عجزها عن مساعدته فى اى وقت هيعذبه اكتر ويحسسه انه حمل تقيل عليها
أذكر خمس أحلام على الاقل ..تخص مستقبلك
بحلم ادخل الجنه1 واكون مع اجمل صحبه اللى اشتقت لهم اوى

بحلم احج انا وماما وخالتى2


3بحلم بمدينه كبيره وجميله اسمها مدينه الرحمه فيها مكان لائق للايتام والمسنين الفقراءومجهولى النسب والاطفال المشردين وذوى الاحتياجات الخاصه يكون وجودهم مع بعض سعاده ليهم يعنى المسنين اللى كانوا عايشين لوحدهم يلاقوا اطفال يكملوا معاهم رساله الابوه او الامومه والاطفال دول يلاقوا حد يحن عليهم ويهتم لامرهم بكل حب وحنان وذوى الاحتياجات الخاصه يندمجوا مع الاسوياء والكل يعيش بكرامه ويكون فيه شروط جامده جدا تضمن ان مفيش حد يشتغل فيها الا ذوى القلوب الرحيمه وياريت لو فى ناس عاديين برده رحماء يسكنوا فى المدينه دى عشان اصحاب الفئات الخاصه دى ميحسوش اننا بنعزلهم عن المجتمع مع ان الغرض حمايتهم

4بحلم كل انسان على الارض يبقى قاعد فى بيته مطمن ان مفيش حد هيفتح الباب عليه وياذيه ولا ياذى ولاده وهما بره وكل واحد ياخد حقه الضعيف زى القوى وان ميزان العدل اللى فى ايد البشر يتعدل
5 نفسى يكون اى عمل بعمله خالص لوجه الله وينجينى من الرياءويهدينا جميعا لما يحب ويرضى
أذكر شخصين على الأقل .متواجدين فى حياتك حاليا ..كنت تود وجودهم قبل الآن
المدونين اللى اعرفهم
أذكر شخصين على الأقل غير متواجدين فى حياتك حاليا كنت تود وجودهم الان
كل اللى عرفتهم وحبتهم فى حياتى واختفوا بسبب البعد او الموت

رجاء لكل من يزورنى او يعرفنى ولم يجب تلك التاجات بعد

اجيبوا كى اراكم جيدا

عندما تحبه

عندما تحب الخالق ذلك الحب الذى يفيض ليغمر مخلوقاته لانهم من صنعه ،تهتم لامرهم ليس مجامله ولا حتى احساس بالواجب ولكن لانك حقا تحبهم ذلك الحب الذى يجعلك تفرح لهم وتبكى لاجلهم. تستيقظ من نومك فى جوف الليل لتجد قلبك قبل لسانك يدعو لهم بكل خير

تشتاق للغائب منهم وتسهر تفكر فيمن تشعر بانه يعانى تتحدث عنهم مع نفسك تبحث عن حل وكانك المسئول

وان احسست شعورخفى بان يدك عندما امتدت لتربت على كتف احدهم قد المته يعتصرك الالم تبكى على جرمك وتدعو الله ليخفف عمن المته وليغفر لك

عندما تجد ان شعورك بحياتك قد توقف فانت لن تعيشها الا هناك اما هنا فهى لهم

حتى ان لم يشعروا بذلك حتى وان ظنوك تبالغ او تتخيل لا يهم حتى وان اساؤا اليك ستتخذ لهم سبعين عذرا وهل تستطيع ان تغضب ماهى الا ثوان ،وهل تستطيع ان تكره ؟ وكيف وهل يسكن كره قلب سكنه حب الله؟

وهل تحزن؟

............

وان ظلموك؟

وانت تعلم ان دعوه المظلوم مجابه

تستجمع كل حزنك ودموعك والمك وايمانك وتدعى لهم بالهدايه

لعل الله يستجيب فيكون لك الثواب

ويكفيك فرحتك ببشر يهدى

ويكون لك من الدعاء نصيب فيهديك ربك لما يحب ويرضى

والتقينا

التفاصيل اللى قبل اللقاء ال جى وسلوى قالوها ومفيش داعى لتكرارها

المهم

انا كنت خايفه اوى من اللقاء ده اول مره اقابل حد من عالمى الافتراضى

يمكن ساره صاحبه مدونه محاولات للبحث عنى كنت بتابعها من زمان ومع ذلك كنت منتظره مفاجاه منها فى اللقاء ده مش عارفه ايه بالضبط ولاحاجه حلوه ولا وحشه بس

حاسه بمفاجاه وخلاص لكن ال جى مكنتش للاسف اعرف ان لها مدونه خاصه

EMARALD.OASIS

كنت بتابع بوستاتها فى كلام البنات مع سلوى وكونت فكرتى عنها من هناك

انا وسلوى نعرف بعض من سنين معرفه شخصيه واعرف نجوى اختها اكتر لانها صاحبتى من ثانوى

رحنا سوا وكانت ساره اللى هى رحيل يعنى اتصلت بسلوى طوق الحريه وقالت انها خلاص وصلت ادام الحديقه

انا بقى قلت لسلوى ونجوى_على فكره نجوى مش مدونه_ متقولوش اسميكم لما نشوف هتعرفنا ولا لاء

عرفت سلوى بسرعه اصلها مكنتش عايزانى احيرساره كتير وبرضه ال جى لما جت عرفت سلوى بسرعه المهم

انا كانت فكرتى عن ال جى من كلام البنات

جد اوى وحزينه دايما ويبدو ان ده حقيقى بجانب صفات اخرى عرفتها من اللقاء

تملك روح ساخره وقدره غريبه على جذب الانتباه لكلامها بصراحه مكنتش عايزاها تسكت

كمان منظمه ودقيقه وماشاء الله قويه الملاحظه ويمكن كتر ملاحظتها بتخليها تنسى بسرعه زى ما قلتلها

منطلقه بس باحترام وده بقى حاجه صعب اوى تلاقيها

اما ساره من كلامها فى مدونتها متقلبه عنديه رغم رقتها وطيبتها فكنت متوقعه انها هتبقى القائد بتعنا ودىالحاجه الوحيده اللى حصلت من توقعاتىوضحت ساعه قطع تذاكر الجنينه والاكل واحنا نتمشى كنت بتخرم من شوارع جانبيه واحنا وراهاو

لكن المفاجاه بقى انها هاديه جدا ومكنتش بتتكلم غيرلما نوجه لها سؤال انا بصراحه هريتها اسئله لانى كنت عايزه اعرفها كويس

كان نفسى اللقاء يبقى اطول رغم اننا قعدنا سوا6 ساعات

والنتيجه

انى اكتشفت ان الحقيقه اجمل بكتير

وانى رغم ان كانت فكرتى عنهم كويسه بدليل متابعه مدوناتهم

لكن كمان حبيت اوى تفاصيلهم وكلامهم وحتى شكلهم وضحكهم

ومشكلتى لما احب اوى كده ابقى عايزه اشوفهم كتير وده صعب

بشكر ربنا انى اتعرفت عليهم وان كل مفاجات اللقاء بالنسبه لى كانت جميله

تاج

التاج ده من اخى العزيز مدحت محمد

على فكره المفروض انى كنت اجاوب التاج النبوى قبل ده

لكن اجلته لاسباب جوهريه هقولكم عليها فى وقتها

ندخل على تاج مدحت

اتكلم عن نفسك فى 10 نقط

1خريجه تربيه المنصوره انجليزى

2سبعه وعشرين سنه

3 بحب اوى اشوف التاجات عند الناس وبتكسف اجاوب عليه لكن لما يكون جايلى بالاسم مقدرش ما اجاوبش(الله يسامحك يا مدحت

4رغم انه مرهق جدا لكن بحب شغلى اوى

5بكره الانانيه والحقد والكبر وباشفق على المصابين بهم

6اعشق البحر وليل الصحراء

7احب الطيران،كنت فى طفولتى اجرى كتير واقفز على اى حاجه مرتفعه عشان استمتع بثوانى وانا عالقه فى الهوا وعشان دلوقتى مش اقدر اعمل كده بقيت احلم كتير انى بطير

8باكره الكدب ولا احترم اللى بيكدب ولا اصدقه ابدا

9 بتبهرنى كميه الحنان والحب والاخلاص عند السيده خديجه بنت خويلد ام المؤمنين وكمان نظرتها الصائبه وبيبهرنى اكتر خلق حبيبى المصطفى مع زوجاته وخاصه السيده خديجه والسيده عائشه

10

بحب الناس اللى اعرفهم اوى وبخاف عليهم وبخاف ازعلهم من غير ما اقصد لانى اكيد مش هقصد ازعلهم فياريت لو حد زعلان منى يقولى عشان اعتذر او اوضح الامر او يسامح بقى وامره لله

تانى نقطه

بلغ اللى بعتلك التاج انك جاوبته

تالت نقطه

اختار 5 مدونين وابعتلهم التاج مش من بينهم اللى بعتهولك

عملت حسبه جامده عشان اختار الخمسه

وفى الاخر لقيت انى اختار اول خمس تعليقات ميكنوش جاوبه

وياريت لو الكل يجاوب

مش بقولكم بحب اشوف التاجات عند الناس

رابع نقطه

بلغ اللى اخترتهم

انا والعفريت

وانا مره قاعده لوحدى

سمعت صوت رهيب

بصيت بسرعه لقيت،

عفريت طويل مجنون

،راسم ايديه شجره

وعنيه كانت حمره

ورموشه نار قايده

. ماسك باديه سكينه

لكن عيونه حزينه

قرب شويه شويه

وبعدت انا فى ثانيه

رفع سكينته عليه

همس بشرور الدنيا

قالى انا جاى عشانك

لازم اخرس جنانك

بصيتله من فوق لتحت

لقتنى دوخت وتهت

قلتله يا جميل

يا ابو العيون السود

مالك كده مخبول

ومعلق الكتكوت

صرخ فى وشى وزعق

وجريت انا لبعيد

اتريه سكت وعيط

ورجعت انا ومشيت

ووصلتله ومسحت له دمعه الكتير

وسالته ايه سبب بكاك يا كبير؟

قالى وعنيه الحمره بقت بلون الليل

انا كنت زمان انسان

طيب وقلبى كبير

لكن ظلمنى الحبيب

وخاننى اقرب صديق

رديت بقلب حزين

مسكين مسكين مسكين

وقعدت جنبه بكيت

وسالنى بصوت رقيق

قالى بتبكى ليه

قلت على غدر الصديق

قالى حسيتى بيه

قلتله ايوه حسيت

رمه سكينه بعيد

ورجع انسان جديد

ونسى كل اللى فات

واقسى الذكريات

وباعلى صوته ندهنى

اوعى تنسينى تانى

قلت اللى يدخل قلبى

عمره ما يخرج يا غالى

اعطنى مهاره وارمنى فى بحر البطاله

بعد الثانويه العامه،كان لابد من التفكير فى كليه معينه
لذا قررت ان اقرأ كل ما احب خارج الجامعه واتخصص فيما يساعدنى فى حياتى العمليه
وكانت كليه التربيه هى الكليه الادبيه الوحيده التى يتم تكليف خريجيها فدخلتها ووجدت ان قسم اللغه الانجليزيه هو الافضل لانى لو لم يتم تعيينى استطيع ان استخدم هذه اللغه فى اشياء اخرى وهو ما حدث بالفعل والحمد لله ولن احكى كم عانيت من المواصلات والزحام فى كل مكان بالكليه من مدرج ومسجد وشئون الطلبه و و و والله احيانا كنت ابكى
وبعد اربع سنوات كامله
ماذا جرى؟
اخدت شهاده
يا فرحتى
التكليف اتلغى
مش مشكله فيه مسابقه قدمى فيها يا منى
اول مسابقه كانت للدفعات اللى قبلى بس تابعتها من باب الفضول
ويوم النتيجه سمعت صوت واحده جارتى بنتها كانت مقدمه فى المسابقه لقيت صوتها عالى فى الشارع
بتقول
لقيت ولد يا عين امه بيعيط وحالته صعبه
سالته مالك ؟
قالى انا خريج هندسه وعينونى ساعى وقعد يصرخ
مش عارفه انا قعدت اعيط يومها قد ايه وحسيت انى انا اللى اتهنت مش هو
طبعا مقصدش اهين الساعى ،لكن الشاب ده كان له حلم تانى خالص اتحمل عشانه دراسه صعبه ومصاريف اكيد ارهقته هو وعيلته
ساعتها بس قررت مستناش حاجه من حد لا وظيفه من الحكومه ولا حتى منحه من بابا
انا الحمد لله ربنا ساعدنى وحصلت على شغل مناسب وبسرعه
مع انى لسه مش راضيه عن نفسى
لكن
يا ترى كام واحد لقى شغل يناسبه؟
او حتى لقى شغل وخلاص؟
كانوا بيقولوا الشهاده سلاح دلوقتى الشهاده برواز
يمكن يكون كلامى صادم وحاد لكن مواجهه الحقيقه ممكن يساعدنا علىالمقاومه لكن الهروب منها مش هيفيد باى شكل
سلاحك دلوقتى هو مهاره تمكنك من مواجهه الحياه
مثال حرفه موهبه رياضه اى حاجه
هتقولى يعنى بعد كام سنه تعليم وشهاده عاليه ابقى حرفى
هقولك لو عندك فرصه تانى خلاص
هتقولى يبقى البلد كلها حرفيين
هقولك ماهى الاماكن اللى هتاخدك بشهادك محدوده وااديك شايف حواليك بيقولوا مش محتجينك
هتقولى بعد ما شاب ودوه الكتاب

هقولك هو ده بقى الموضوع
صعب قوى اجيب واحد عنده 21 سنه واقوله انسى كل اللى اتعلمته وتعالى اعلمك حاجه تاكل منها عيش
الحل من وجه نظرى المحدوده فى يد الاهل
نمى موهبه ابنك من صغره
اللى بيعرف يرسم هاتله منشار اركيت ،علمه ارابيسك يعمل براويز لوح وساعات حائط على ما يتخرج يبقى عنده محل كبير جايز يوصل لمصنع،ليه لاء؟
موهوب فى رياضه معينه شجعه وخليك معاه للاخر
مشغول بالكمبيوتر
خليه يتعلم فيه على اد ما يقدر
مالوش فى اى حاجه شوف كده صنايعى محترم جارك او قريبك يخده معاه فى الاجازه
طبعا كل اللى بقوله ده بجانب الدراسه لان صدقونى مهما كان نظام التعليم سئ بس بيفرق كتير متعلم او لاء ولو قلت ليه يبقى بوست تانى
المهم
اديكم مثال
واحده زميلتى كان اخوها الصغير طالب ازهرى وكل اجازه بيشتغل مع واحد نجار وهو كان موهوب جدا على ما خلص جامعه كان حوش مبلغ محترم وبقى ليه زباين ودلوقتى عنده ورشه كبيره ومعرض راقى بيجيله زباين من المحافظات اللى جنبنا
مثال تانى
مدرس تربيه فنيه كان عندنا فى الثانوى
وطبعا المرتب مش هيقضى مصاريف شاب زيه عايز يخطب ويجيب شبكه ويجهز ويتجوز
كان بيعمل لوح وساعات حائط ويبيعها وكان بيعلم البنات كمان يعملوا الحاجات دى ويبعها لهم
وبعد كده عرفت ان عنده محل جميل بيبيع فيه شغله وبيوفر له دخل محترم
الامثله كتير بس مش عاوزه اطول عليكم
على فكره كلامى من واقع حياتى فى مدينه صغيره جنب المنصوره ،ومعرفش ان كان مناسب للمدن الكبيره ولا لاء
بس بحاول افكر معاكم بخط عالى
بحس بقهر فظيع لما الاقى واحد ولا واحده من زمايلى بيشتغل فى حاجه مش مناسبه خالص
واعتقد ان اى شغله بسيطه بس بتاعتك انت تكسب فيها على اد ما تتعب احسن بكتير من الانتظار والاكتئاب
يمكن اكون غلطانه او على حق؟
المهم نفكر ازاى نخرج من ازمتنا