Thursday, October 16, 2008

امك ثم امك ثم امك


زى اى اتنين متجوزين جديد كانوا بيتمنوا يبقى عندهم اولاد لكن مكنش فيه حمل بيكمل وبدؤا رحله الدكاتره والعلاج واللى يقول الموضوع صعب واللى يقول انتى عمرك ما هتخلفى انسى الموضوع احسن ،كانت بتوافق تعمل اى عمليه مهما كانت خطيره
وفاتت سنين
قالولها روحى للشيخ فلان تقول انا هطلب من رب الشيخ وهو اللى هيدينى من كرمه
جوزها اشفق عليها من الاجهاض المتكرر والعمليات الصعبه وقال للدكتور اكتب لها حاجه تمنع الحمل خلاص مش عايزين اولاد
رفضت وقالت هستحمل التعب واملى فى ربى كبير
اول حمل كمل وولدت ولد زى القمر كان كل اللى يشوفه يتعجب وهى كانت بتخاف عليه من نفسهاوتخيلوا فرحتهم بيه وبعد 3 ايام صرخ ومات
انهارت بس ايمانها كان اكبر من المها
قالولوا لها قولى يارب ولد يجيب الغاره من اخر الحاره
قالت انا تعبت اوى عايزه ولد صالح يعوضنى مش يعذبنى ومش كتير على ربنا كرمه واسع
وتانى مره الحمل يكمل والدكتور متابعها يوم بيوم
قالها لازم تولدى هنا عشان الرعايه لو ولدت بالدايه زى المره اللى فاتت المولود هيموت تعالى ومش عايز منك فلوس
وحدد لهم ميعاد الولاده وجهزوا الادويه والحاجات المطلوبه للام والجنين
بس الولاده جت فجاءه وبدات تصرخ ومفيش تليفون ولا وقت للدكتور طلبت من اختها تنادى للدايه اللى جنبهم رغم تحذيرات الدكتور لكن مفيش وقت وقبل ما العربيه اللى هتوديها للدكتور تيجى وقبل ا الدايه ما توصل
وصل المولود لوحده بالسلامه قصدى المولوده اللى هى اختكم منى انا يعنى زى النهارده من 28سنه
وفرحه ماما وبابا والعيله اللى كانت بتستنى اول حفيده هى الحاجه اللى محسسانى ان
وجودى له قيمه لحد من البشر
وكمان بقى عندى اخوات ومن غير علاج ولا عمليات
معلش دخلتكم فى تفاصيل بس حاسه ان ماما دى رائعه وان اليوم ده عيدها هى ربنا يكرمكم ادعوا لماما تبقى دايما بخير وادعوا لى ابقى انا السبب فى حجها زى ماهى بتتمنى وانى ابقى ابنه باره بيها وبابا
معلش غصب عنى مفيش تورت بس ادعوا المزاج يتعدل و ان شاء الله ربنا يدينا العمر والصحه و هعوضها لكم يوم 23 اكتوبر مناسبه حلوه برضه للى هيجى بقى
تحياتى

70 comments:

الطائر الحزين said...

ونعم البر بارك الله فيك

=========

اللهم اجعلك باره بها واجعلنا باهلنا بارين

=============
كل عام انت بخير

blue-wave said...

بجد بجد ربنا يباركلك فى امك
مش عارف اقول ايه على الست الرائعه دى
ربنا يخليهالكم ويباركلكم فيها وتبقول ليها نعم الأبناء البارين
وكل سنه وانتى طيبه

almasry said...

تعرفى يا آنسه منى انك بجد أثرتى فيا


طريقتك فى توصيل المعلومه جميل


دخلتى وكأنها حدوته كان يامكان


وبعدين الصدمه انها تطلع مامتك لكن أجمل وأحسن أم فى الدنيا


ربنا يخليها ويبارك فى عمرها ..... قولى آمين وبطلى بخل


تحيــــــــاتى
المصـــــــــــــــــرى

romansy said...

كل سنه وانتى طيبه
وعقبال مليون سنه
مش عاوزين تورته ولا حاجه
اهم حاجه سعادتك انتى
كل سنه وانتى طيبه

كيارا said...

الللللللللللللللله ربنا يخليلك مامتك وباباكي

ويحميكي ويحققلك احلامك

كل سنه وانتي طيبه

عصفور المدينة said...

جزاك الله وجزاها خيرا

موناليزا said...

ياحبيبتى كل سنة وانتى بالف خير
وكل سنة ومامتك عنك راضية ومستمتعة بوجودك معاها فى صحة وسعادة يارب
وكل سنة وباباكى مضلل عليكم بحنانه وبرعايته وربنا يديله الصحة
ياااه يامنمن قد ايه انتى جميلة
ربنا يرزقك بكل الخير ويفرح قلبك ويسعد اهلك بيكى يارب
وعقبال 110 سنة ياقمر
وبوسة حلوة وحضن كبييييير لاحلى منى
وسمعونا يلا حالا بالا غنوا لابو الفصاد

Gannah said...

منى
كل سنة وانت طيبة
وماما وبابا يارب دايما بخير
دى ماما دى ست عظيمة ربنا يكرمها
ويارب تحج وكمان يارب تفرح بيكى
بوسيهالى بوسة كبيرة وقوليلها علشان بتدعيلك كلنا بنحبك بجد
كل عام وانت بينا منورة
تحياتى يا أحلى منى

الفارس الملثم said...

ايه ده انا بقول ايه الموضوع , ومين دي اللي بتحكي عنها , يعني انتي ادي بقي ... بس انا اكبر برده بشهر وشويه هههههههه

دانتي بقي ولادتك كانت حدث تاريخي , بس الحمدالله ان ربنا رزق والدتك بيكي وتبقي انتي اول الغيث لوالدتك , وانا متاكد انك ابنه باره بوالدتك , ربنا يخلليهالك ويخليكوا كلكم لبعض , بس اشمعنا يعني 23 اكتوبر ممممممممم

كل سنه وانتي طيبه واكثر سعاده

تحياتي

DoNyA said...

كل سنه وانتي طيبه
وماماتك وباباكي كمان طيبين وبخير وبصحه وسعاده بيكي وباخواتك يارب

ويجعلك باره بيهم
وسبب في دخولهم الجنه يارب

mohamed ghalia said...

كل سنة وحضرتك بخي
وميرسى للأم العظيمة دى الى جابتلنا حضرتك
ربنا يحفظكم لبعض وتكونى سبب إنها تحج
دمتى بود
تحياتى

L.G. said...

أنا برضه قلت مش معقول تكوني كده طيبة من نفسك أكيد مامتك وباباك كمان طيبين بجد

انت جيتي بدعا كتير والكل بيحبك من قبل ما توصلي عشان كده مليانة تفاؤل

مش لازم تورتة ممكن كنافة مثلا أو حتتين جاتوه وشمعة

كل سنة وعمرك كل خير يطرح في قلوب الناس وتزرعي خير في كل مكان تمري بيه
حبي وتحياتي
لوالدتك الصراحة :)

zOzO said...

كل سنه واهي طيبه
وربنا يباركلك في عمرها يارب

ويجعلك ابنه باره بيها
وتكوني سبب في حجتها

تحياتي ليكي
والمره دي هنعديها في حكايه التورته
المره الجايه
مش هتعدي
وقد اعذر من انذر
هههههههههههههههه

عاشق الورد said...

بارك الله فيكى وجزا والديكى عنكى خيرا كثيرا
ويارب يحقق لكم كل امنياتكم
واخلكم الجنه جميعا وسويا
بس احنا طبعا معاكوا :)

صاحب المضيفة said...

ماشاء الله لاقوة الا بالله

ربنا رزقها بالبنت الصالحة بدل الولد الصالح اهو

:):):):):))


ربنا يخليها لك وتنعمي بطاعتها يارب


تحياتي

عاشق الورد said...

على فكره يامنى
حكيتك زى حكايتى بالضبط
بس انا كانت والدتى عايزه تنزلنى
بس متعرفش طبعا ان انا اللى جاى
مع ان كان معاها بنتين
بس الحمد لله مافى ولا دكتور رضى ينزلنى :)
بس لما راحت فى الاخر لدكتور صيدلى تطلب منه حقنه تنزل الحمل قالها ده رزق وانتى كده بتعترضى على حكم ربنا وبعدين انتى فى ارياف وممكن يعيروكى ان خلفتك بنات
وسمعت النصيحه ومشت وبعدها ب 6 شهور انا جيت
بس ساعه ما عرفت كده قولت لامى احمدى ربنا كان زمان ابويه جايبلك ضره الحين ومطلعه عينك
:)
وبعد كده حصل حاجات كتير بس الحمد لله

الرومـيصاء said...

وقل ربى ارحمهما كما ربيانى صغيرا
ان شاء الله ربنا يجزيها عنك خير جزاء
وعقبال 100 سنه
دمتى فى حفظ الله

منى said...

الطائر الحزين
ربنا يكرمك ويبارك فيك
الله امين
كل عام وانت والاسره الكريمه بكل الخير اخى
تحياتى

منى said...

blue wave
هتقول ايه اكتر من الدعوات الجميله دى
ربنا يكرمك

كل سنه وانت بالف خير
تحياتى

منى said...

almasry
امين
انا مش بخيله والله
هههههههه
ربنا يبارك فيك
ويجبر بخاطرك يا بنى
تحياتى

منى said...

romancy
ربنا يبارك فيك
ويكرمك
يبدو ان حضرتك قنوع جدا
وعشان كده لازم اعوضها لكم بجد
كل سنه وانت بالف خير
تحياتى

منى said...

كيارا
ربنا يسمع منك
و يكرمك على الاطلاله الجميله دى
كل سنه وانتى بكل الخير
تحياتى

منى said...

عصفور المدينه
وجزاك مثله واكثر استاذى العزيز
لا حرمنا الله من تعليقاتك ولو كل حين بعيد
تحياتى

منى said...

موناليزا

الله عليكى وعلى دعواتك الجميله
اللى ملت الدنيا حواليه تفائل
ربنا ميحرمنيش منك من قلبك الطيب
ابو الفصاد
ههههههههههه
احلى سلام لاحلى موناليزا
كل نه وانت بكل الخير
تحياتى

منى said...

gannah
ربنا يبارك فيكى وفى كل حبيابك
ويتقبل الدعوات الحلوه دى
طبعا البوسه هتوصل هو فيه احلى من كده
ربنا يكرمك وهو بس يعرفك غلاوتكم عندى
تحياتى

منى said...

الفارس الملثم
مكنش قصدى موضوع المفاجاه دى بس وانا بكتب جت كده
احسن برضه
هههههه
ايوه حدث تاريخى مش اى حد
ربنا يكرمك ويبارك فيك
خليها ليومها ولو انى كنت فاكرها واضحه

تحياتى

منى said...

donya
امين
امين
امين
ربنا يكرمك على الدعوات الحلوه دى
اللهم تقبل
كل سنه وانتى بكل خير
تحياتى

منى said...

mohamed ghalia
ربنا يبارك فيك ويسمع منك
كل سنه وانت بكل الخير
تحياتى

منى said...

l.g
دايما تعليق مميز
وبيبص لبعيد
ربنا يكرمك

حبى وتحياتى لوالدتك الصراحه

وانا مليش
هههههههه
مش مشكله اللى يحب ماما ولا ماما تحبه يبقى حبيبى برضه حتى من غير ما يعبرنى
تعرفى الحلوى الرسميه عندى البسبوسه والقرع العسلى ينفع؟؟؟؟؟
تحياتى

منى said...

zozo
ربنا يسمع منك وانتى بكل خير يا زوزو
خلاص يا ستى هنتصرف
احسن تنفذى تهديدك ومش عارفين هتعملى فينا ايه
ههههههه
تحياتى

منى said...

عاشق الورد
ربنا يكرمك
وان شاء الله وبفضله
نبقى فى الجنه
قول يا رب
تحياتى

منى said...

صاحب المضيفه
ربنا يكرمك
اخجلتم تواضوعنا
يارب فعلا اكون ابنه صالحه
وربنا يسمع منك
تحياتى

منى said...

عاشق الورد
الحمد لله
انا اريد وانت تريد والله يفعل ما يريد
ةالحمد لله انك جيت بالسلامه
يبدو انك كنت مصمم
هههههه
ويارب الحاجات الكتير اللى حصلت دى تكون كويسه
تحياتى

منى said...

الروميصاء
امين
وربنا ييسر لى اسعدها
جزيت كل الخير
تحياتى

الازهرى said...

صديقتى العزيزة
ربنا يخليلك الوالدين
ويجعلك دايما بارة بيهم

ويفرحهم بيكى دايما
وكل سنة وانتى طيبة

Sometimes said...

انتى بجد جميلة اوى يا منى
تعرفى بقى انى جيبت ماما علشان احكيلها حكاية مامتك دى وحكايتك
ماما كانت متأثرة اوى علشان انا جيت بعد تعب وبهدلة برضه.. الحمد لله رب العالمين
ويمكن لسه النهارده والله قايلهالى انى كنت اصعب ولادة لها
انتى بجد بنت جدعه اوى
واجمل طريقة علشان تحتفلى بيها بعيد ميلادك
امك ثم امك ثم امك
ماشاء الله عليكى يا منى
طيب ممكن توبوسيهالى وتحضنيها حضن كبير اوى بالنيابة عنى

مش عارفه يا منى حاسه اننا هنطلع قرايب.. هو احساس داخلى
مفيش اى حاجه تدل او خلتنى اتأكد
بس هى بتيجى كده معايا متعرفيش ازاى
سبحان الله

ربنا يجعلك باره بوالدك ووالدتك ويخليهم ليكى ويفضلوا منورين حياتك دايما فى صحة يارب

كل سنة وانتى الى الله اقرب
سلام يا منمونة

WhItE HeArT said...

سبحان الله

مش عارف اقول لك ايه غير بسم الله ماشاء الله انتي عندك ام عظيمه وامك عندها بنت باره

ربنا يحفظكم ويحميكم يارب

تحياتي

الطالبة عفو الله said...

كل سنة و انت طيبة يا حبيبتي و الى الله قريبة و بامك بارة

ما شاء الله ربنا يباركلك في امك و يحقظهالك يا رب
فعلا ام عظيمة ما شاء الله
ربنا يسعدك و اياها

منى said...

الازهرى
اخى
بارك الله فيك
وجزاك كل خير
وتقبل منك
وكل عام وانت بخير
تحياتى

منى said...

sometimes
ايه الكلام الحلو ده كله
دانا وشى احمر
ههههههه
ربنا يكرمك يا منى يا رب ويسعدك دنيا واخره
طالما انتى حاسه اننا قرايب وانا حسيت قبل كده اننا من بلد واحده وطلع صح
يبقى خلاص احنا قرايب بالذوق او بالعافيه
تعرفى يا منى والله ناس كتير عرفتهم هنا اتمنيت يكونوا اخواتى من ام واب بجد

عشان ميبقاش فى اى حواجز بينا اشوفهم ازورهم ابقى جنبهم لو احتجونى
ابقى مطمنه عليهم
ياااااه يا ريتكم كلكم معايا فى بيت واحد
بس افهم من كده انك ممكن تيجى لقاء المنصوره
ولا الاحلى كمان نتقابل فى بلدنا

تحياتى

منى said...

white heart
ربنا يكرمك ويجزيك كل خير
ويتقبل منك ولك مثله وافضل
تحياتى

منى said...

الطالبه عفو الله
ازيك يا زيزى
ربنا يبارك فيكى ويكرمك
و
يكتب لك الخير كله
تحياتى

فتوح أبو المفاتيح said...

بسم الله ما شاء الله
ربنا يباركلهم فيكي
ويخليلك والدتك ياااارب

ويجزيها عنك خير الثواب
وانك تكوني السبب في دخولها الجنة

ياااااااارب

مجداوية said...

السلام عليكم
اذا كان ذكر يوم الميلاد لكى تبرى بوالدتك وتذكرى رحلة أمومتها الرائعة فهذا يكفى لكى نهنئك ونهنئها بمولدك السعيد
فأنت المنى كله يا منى وعرفت لماذا سميت منى الآن
أطال الله عمرك فى طاعته وجعلك لوالديك قرة عين دائما وابنة بارة وتحجى مع والدتك الى بيت الله الحرام ان شاء الله

ammola said...

حبيبتى الغالية ماما منى
:)
كل عام وانتى وكل أسرتك بكل خير
صدقينى انا ماليش فى اعياد الميلاد..بس اول مرة احبها من كلامك لانك جعلتيه يوم لبر أمك
ربنا يبارك فيها ويبارك لها فيك ويفرحها بيكى وباولادك يارب

رفقة عمر said...

ماشاء الله منى ربنا يبارك فى والدتك ويخليها ليكى
كل سنه وانت وهى والاسره بالف خير
وربنا يفرحها بيكى
اللهم امين

osama said...

كل سنة وهيه طيبه وفي افضل حال ...
ويارب ديما في سعادة وهناك...
ويجعل ايامكم كلها خير...

klmat said...

حبيبتى منى
وحشتينى جدا جدا . كل سنه وانتى طيبه وعقبال 1000 سنه كلها حب وسعاده
وربنا يخللى ماما وكل حبايبك
اسلوبك رائع كنت بقرأ وانا خايفه حايحصل ايه كان وصولك بالسلامه علشان تكونى مصدر سعاده للعيله ربنا يسعدك ويحقظك وتكونى دايما نبع للسعاده
مره تانيه كل سنه وانتى طيبه ياجميله

منى said...

فتوح ابو المفاتيح
امين
ربنا يسمع منك
ويبارك فيك
تحياتى

منى said...

مجداويه
وعليكم السلام ورحمه الله وبركاته

امين يا رب
انا وماما نحج سوا
ياااااااااه
يارب
اه انا برضه بقول اسمى لايق على حالتى
ولو انه له قصه انسانيه طويله
دايما منورانى يا رب
تحياتى

منى said...

ammola
ابنتى العائده
ههههههه
وانتى بكل خير يا حبيبتى
ربنا يبارك فيكى ومتبعديش عننا تانى
تحياتى

منى said...

رفقه عمر
وحشااااانى
كل سنه وانتى بكل الخير
ويارب اشوفك سعيده دايما
تحياتى

منى said...

osama
وانت بكل الخير اخى
اسعدنى مرورك وتعليقك
تحياتى

منى said...

klmat
لو اقول وحشتينى اد ايه مش هقدر
ياااااااااه
غيبتك طولت اوى
بس الحمدلله انك رجعتى بالسلامه
وان شاء الله تلحقى التورته فى البوست الجديد
اوعى تغيبى كتير كده تانى

فارس القمر said...

بجد ربنا يكرمك ويقدرك تردي لهم حاجه بسيطه من السهر والتعب اللى اى ام بتتعبوا

وربنا يجعلك من الصالحين البارين لوالديهم

ربنا يخليكى ليهم ويخليهم ليكى

ويكتب لولدتك الحج زى مابتتمنى

وكل سنه وانتى طيبه

وعقبال 100 سنه طاعه

على فكرة طريقه كلامك جميله جدا

تقبلى مرورى

شيماء سمير said...

وحشتينى
ادعيلى

Eno said...

حبيبتي مني

كل سنه وانت طيبه وعقبال مليون سنه ومجيك في الدنيا كان غالي علي ماما وبابا وكمان غالي علينا

وكمان كل سنه واحاسيس طيبه وعقبال مليون سنه تدوين يارب:)

Gannah said...

كل سنة وانت طيبة يا أحلى منى
ودايما منورة عالم التدوين بأحاسيك الرقيقة
بس يعنى تحتفلى تقومى تقفلى التعليقات
تصورى الموضوع ده بيزعلنى جداا بحس انك قفلتى باب بيتك فى وشى بس طبعا انا صاحبة بيت ودخلت من الشباك
ربنا ما يحرمنا من وجودك معانا ودايما فى احلامك وانت فى احلامنا
انى أحبك فى الله
بما انى متأخرة هاخد التورته التانية كلها
تحياتى

منى said...

فارس القمر
ربنا يكرمك على الدعوات الجميله دى
ويتقبل منك ويرزقك الخير كله
كل عم وانت طيب اخى
تحياتى

منى said...

شيماء سمير
انتى اللى وحشتينى حاسه انك بعيد اوى
ربنا يكتب لك الخير كله ويوفقك ويسعدك دايما
تحياتى

منى said...

eno
كل سنه وكلنا طيبين
هههههههه
ربنا يكرمك يا قمر وميحرمنيش من طلتك الجميله
تحياتى

منى said...

ganaah
جنه الغاليه زعلانه
اهو ده بقى اللى مقدرش عليه
انا كمان بزعل لما حد يفقل التعليقات عنده وكمان زعلانه انى عملت كده
وهقولك ليه
اولا لان البوست اللى فات كان كله تهانى
وتوقعت التعليقات على البوست الجديد كده برضه وقلت جايز الناس تزهق منى

ثانيا النت والجهاز وانا كمان مش متضبطين خالص خفت معرفش ارد وانا اكتر حاجه تزعلنى اللى مش يرد على التعليقات

طبعا جنه صاحبه المدونه والبيت والتورته ومنى كلها تحت امرها ومجرد وجودك بيسعدنى

WhItE HeArT said...

يامنى

دلوقتي انا عايز ارد على الموضوع اللي فوق ده حضرتك فا يا تفتحتي التعليقات ياتفتحي التعليقات

بجد والله انتي قفلاها ليه ؟؟

ياقوت said...

لا يحضرنى كلام الآن ولكن
بارك الله لك فيها
وأدام الفرح لك
وأرسله إلينا
اعتذر عن الدوام التاخبر

Sometimes said...
This comment has been removed by a blog administrator.
منى said...

white heart
انا اسفه والله مقدرتش انفذ طلبك انا خلاص نزلت بوست جديد بس يسعدنى اقرا تعليقك على الاتنين سوا
تحياتى

منى said...

ياقوت
عودا حميدا
جزاك الله خيرا
واسعدك اخى دوما
تحياتى

منى said...

ادينى حذفته يا ستى زى ما طلبتى
مرسى جدا يا قمر
تحياتى

قمم التميز said...


شركة تنظيف بالخبر

شركة تنظيف بيوت بالخبر

شركة تنظيف مجالس بالخبر

شركة تنظيف شقق بالخبر

شركة تنظيف خزانات بالخبر

شركة تنظيف منازل بالخبر

شركة تنظيف فلل بالخبر

شركة مكافحة النمل الابيض بالخبر

شركة تسليك مجارى بالخبر

شركة نظافة بالخبر

شركة كشف تسربات المياه بالخبر

شركة تنظيف سجاد بالخبر

شركة تنظيف كنب بالخبر

شركة تنظيف موكيت بالخبر

شركة تنظيف مسابح بالخبر

شركة عزل اسطح بالخبر

شركة عزل خزانات بالخبر

قمم التميز said...

شركة تنظيف بالدمام

شركة تنظيف خزانات بالدمام

شركة تنظيف منازل بالدمام

شركة تنظيف فلل بالدمام

شركة مكافحة النمل الابيض بالدمام

شركة جلى بلاط بالدمام

شركة تسليك مجارى بالدمام

شركة نظافة بالدمام

شركة مكافحة حشرات بالدمام

شركة رش مبيدات بالدمام

شركة كشف تسربات المياه بالدمام

شركة تنظيف شقق بالدمام

شركة تنظيف موكيت بالدمام

شركة تنظيف مجالس بالدمام

شركة تنظيف بيوت بالدمام

شركة تنظيف سجاد بالدمام

شركة تنظيف كنب بالدمام

شركة تنظيف مسابح بالدمام