Wednesday, May 14, 2008

عندما تحبه

عندما تحب الخالق ذلك الحب الذى يفيض ليغمر مخلوقاته لانهم من صنعه ،تهتم لامرهم ليس مجامله ولا حتى احساس بالواجب ولكن لانك حقا تحبهم ذلك الحب الذى يجعلك تفرح لهم وتبكى لاجلهم. تستيقظ من نومك فى جوف الليل لتجد قلبك قبل لسانك يدعو لهم بكل خير
تشتاق للغائب منهم وتسهر تفكر فيمن تشعر بانه يعانى تتحدث عنهم مع نفسك تبحث عن حل وكانك المسئول
وان احسست شعورخفى بان يدك عندما امتدت لتربت على كتف احدهم قد المته يعتصرك الالم تبكى على جرمك وتدعو الله ليخفف عمن المته وليغفر لك
عندما تجد ان شعورك بحياتك قد توقف فانت لن تعيشها الا هناك اما هنا فهى لهم
حتى ان لم يشعروا بذلك حتى وان ظنوك تبالغ او تتخيل لا يهم حتى وان اساؤا اليك ستتخذ لهم سبعين عذرا وهل تستطيع ان تغضب ماهى الا ثوان ،وهل تستطيع ان تكره ؟ وكيف وهل يسكن كره قلب سكنه حب الله؟
وهل تحزن؟
............
وان ظلموك؟
وانت تعلم ان دعوه المظلوم مجابه
تستجمع كل حزنك ودموعك والمك وايمانك وتدعى لهم بالهدايه
لعل الله يستجيب فيكون لك الثواب
ويكفيك فرحتك ببشر يهدى
ويكون لك من الدعاء نصيب فيهديك ربك لما يحب ويرضى

82 comments:

المستنصر بالله said...

كلامك جميل قوى
وصعب فى نفس الوقت
لان الوقت اللى يكون الواحد فيه مظلوم بييكون كل تفكيرة ازاى ينتقم من اللى ظلمه
بس برضه لازم نحاول

أحمد مصطفى said...

فى الصميم

تدوينه جميلة

ربنا يوفقك

-----

اسف لغيابى الطويل

عن مدونتك الرقيقة

تحياتى

أحمد

Dr-hema said...

بارك الله فيكى
د/هيما

مدحت محمد said...

عارفة فعلا عندك حق يامنى الانسان لما يعلى ايمانه اوى

بيبتدى يدعى اللى حواليه ويبقى نفسه يدوقو نفس طعم الايمان اللى هو داقه

وزى مايقال
من ذاق عرف ومن عرف اغترف

ربنا يثبتنا جميعا

تحياتى وتقديرى ليكى يامنى

Ma7moud So3ody said...

واو
بجد كلام ف الجون
واحساسك عالي كتير
ورؤيتك اعلى

تقبلي مروري..ولك تحياتي

سعودي

L.G. said...

عارفة انتي وصفتي نفسك من غير ما تحسي
لأنك لو مش فاهمة الكلام ده مكنتيش حتعرفي تحسيه وتكتبيه
يوم ما اتقابلنا شفتك كده انت بس بتأكديلي نظرتي فيك
دمتي في حب الله

nonoymm said...

الله الله
فعلا هل من عرف قلبه حب الله يجد مكانا للكره
بارك الله فيكي حبيبتي
ربنا يرزقنا حب الله
احبك في الله
تحياتي

ra7eel said...

منى

احاسيس المره ده بجد جميله جدا
ياريت فعلا نقدر نوصل للدرجه دى
ونقدر نساعد غيرنا بالشكل ده
بجد فعلا احساس حلو قوى لما تلاقى سعادتك فى سعاده غيرك

ربنا يكرمك ويسعد قلبك دايما

الفارس الملثم said...

جميل اوي لو الانسان امتلك مثل هذا القلب الشديد النقاء , وحقيقي لو مثل هذه المشاعر والاحاسيس سادت بين البشر لصاروا في طباعهم اقرب للملائكه

بجد تسلم ايدك علي مشاعرك النبيله اوي دي يا مني..

تحياتي
محمد

bar2ash said...

البوست راااااااائع
فيه ميكس من الاحاسيس اللي مخلياني مش عارف اتصرف ولا اعلق
بس اللي اقدر اتفق معاكي فيه
انه فعلا حب الله والحب في الله هما اهم حاجه

تقبلي مروري

سكــر said...

ماشاء الله

ماشاء الله

جزيتى كل الخير

لهذه الحروف الذهبيه


ياريت نكون كلنا بنفكر بالطريقه دى


ياااااااااه

بيتهيأ لى

هيبقى عالم تانى خالص

تحيااتى اختى الفاضله

اخيكى
احمد سكر

monaliza said...

ربنا يسعدك ويعزك على احاسيسك وكلماتك المرهفة دى
بجد ماشاء الله عليكى وياريت كلامك يوصل للجميع وينفذه
ياااه يامنمن دى تبقى الحياة حلوة اوى

عصفور المدينة said...

نعم أحاسيس راقية جدا

Darsh said...

على فكرة
أنا أول مرة أخش هنا

و على فكرة
البوست رائع جداً

و على فكرة
البلوج كله رائع

و على فكرة
ربنا يديم علينا حبنا للناس و حب الناس لينا

و على فكرة
لما قريت كلامك شخص واحد جه في بالي على طول

على فكرة
الشخص ده هو الرسول عليه الصلاة و السلام ...
لو اتظلم كان بيدعي بالهداية
كان الناس و الأمة هما اللي شاغلين باله

ياما لاقي من ظلم الجاهلية ... و كانت دعوته ليهم بالهداية ... و لما كان قادر يرد ظلمهم بظلم .... سامح
عليه الصلاة و افضل السلام

على فكرة
يا ريت نقتضي برسولنا عليه الصلاة و السلام و يكون حبنا ليه فعلي مش كلام و بس ... باتباع سنته

على فكرة
اسمحيلي اكون زائر دايم هنا

ammola said...

طيب
l.gبتقول انك بتتكلمى عن نفسك علشان هى قابلتك
بس انا والله كنت بافكر فى نفس الشىء قبل ما اقرا تعليقها
انا دايما باحس ان انتى كده
بحبك والله
:)

سنووايت said...

جميل يا مني
اجمل حب واجمل طريقة لحب الناس هو الحب اللي نابع من حبك للخالق
بجد موضوع جمييييييييييييل وعجبني جداااااااااا
ربناا يكررمك

هبههههووب said...

الا ان حب الله عز وامل وحب غير الله خذى وخجل

هيثم الدهشان said...

جميلة كالعادة ولكن اين هى تلك القلوب فى الزمن الحالى

تقبلى تحياتى

WhItE HeArT said...

ألله على كلامك يامنى

ده اللي اقدر اقوله

تحياتي

مجداوية said...

السلام عليكم
اختى الحبيبة
اكثر ما يجعل الانسان ييأس هو الظلم
انى مغلوب فانتصر
هذا هو أمل كل مؤمن
أن يفوض امره الى الله
ويشكو ويبث همه الى مفرج الكروب
والله يجيب المضطر
وصول الانسان الى هذه الدرجة نت الايمان يجعله يسمو عن كل مشاعر الكره ويعيش فى سلام داخلى مع نفسه ومع الآخرين
وهذا ليس يسيرا بل يتطلب جهدا خارقا ليغلب طبيعة انسانيته الأنانية
موصوع رائع من نفس رائعة أن تخرج هذه الخواطر لتنقلها لغيرها
لعلهم يدركوا حكمة الحياة

تحياتى وتقديرى اختى الحبيبة منـــــــــــــى

arsenalwy said...

كلام جميل ومقنع

بس هل نستطيع ان ننفذه هو دة السؤال

بس فعلا اللى بيحب رب العزة بجد مستحيل يزعله او يزعل اى حد يخصه وهم عباده كلام مقفنع ورائع


مستنى اقتراحك على البوست الجديد

وادعوكى لوضع لوجو حملة وقف تصدير الغاز الى اسرائيل

ودة اللينك بتاعه
http://www.zshare.net/image/12105759293805bb/

بحبك يامصر said...

الله يكرمك يا منى
كلامك جميل جدا
ربنا يبارك فيكى يارب

نوسه said...

كلامك حلو اوى يامنمن
------
اللهم ارزقنا حبك

صاحب المضيفة said...

وذاك من أثار اسم الله الودود على عباده

وكيف أن الله سخر لنا من الكون من حولنا ما يعبر به عن خالص حبه لنا وذاك من عظيم الشرف




يارب اجعل لنا بينك وبيننا حالا معك لا تقطعه ومدنا بأسباب سعدنا لننعم بالدنيا والاخرة


تحياتي

ليله بكى فيها القمر said...

كلام جميل واكتر من رائع جزاك الله كل خير ان شاء الله

الجدة فصيحة said...

السلام عليكم ورحمة الله وبركاته

عندما يتوفر في إنسان كل هذا
فليعلم أنه إنسان نبيل
يتحلى بالخُلق السليم

بارك الله فيكِ


تحياتي

شـمو نشـادر said...

الله عليكي بجد ..
كلام جميل جدا ..
واحساسك عالى اوى ..
برافو ..
وعازمك على الغدا عندى فى مدونتى المتواضعه ..
تحياتى ..
أسامة أمين

كوارث said...

في نفس الموضوع
احب لاخيك ما تحب لنفسك
ومن لم يهتم بامر المؤمنين فليس منهم
والمؤمن للمؤمن كالبنيان يشد بعضه بعضا
والخ الخ
طبعًا الموضوع في مفهومي العراق وفلسطين والمسلمين عامةً
اولى بالمشاركة
جميل احساسك العالي
شكرًا

شفقة و احسان said...

الله واكبر ....بارك الله فيكى وجزاكى خير

momken said...

تسلم ايدك
ربنا يجعله فى ميزان حسناتك
انا بعتبر البوست ده بمثاابه
امر بالعروف ونهى عن المنكر

وادعو الله ان يقبله فى اعمالك الطيبه

تحياتى

النجم القادم said...

السلام عليكم اختنا الفاضلة ربنا يكرمك يارب

تحياتى لكى وانا جى اعتذر عن التقصير امتحاناتى 26/5

دعواااااااااااااااااتك

ضد الظلم said...

رائع بجد رائع
بس سعات الغضب بيخلى الانسان يدعى على من ظلمه كتير قوى
بس طبعا الموضوع ده ملوش دعوه بحكومتنا الموكره ربنا ينتقم منهم

ابوالعربى

momken said...

متعك الله بالصحه والعافيه
وجعل جميع كلماتك فى ميزان حسناتك
وجعل جميع تدويناتك صدقه جاريه يمتد عمرها بعد عمرك
وتمدك بحسنات حتى يوم حسابك

تحياتى

Salwa said...

اللهم إهدنا لكل ما تحب وترضى

جميل البوست يا منى

أحاسيس عاليا بجد

دمتى بكل الخير

snohe said...

مدونتك جيله
ادعوك انت واصدقائك الى مدونه سنوهى

klmat said...

عزيزتى منى
جميل اوى ماكتبتى المشاعر دى بتكون موجوده
عند الناس اللى الحب مالى قلبها ومحبه للخير وتتحرك بفعل طاقه الحب ورغم كل مشاعر الحب اللى بداخلها قد تجد من يعاديها فما يكون منها الا التسامح والدعاء بالهدايه الناس دى موجوده بس
للأسف مش كتير احسبك منهم ربنا يكتر منهم
ويجعل حياتك كلها سعاده وحب ورضا من ربنا سبحانه وتعالى
من اجمل ماقرأت
خالص حبى وتحياتى

منى said...

المستنصر بالله
ايوه
نحاول
لو نيتنا فعلا مرضاه ربنا
اكيد هيساعدنا
وحضرتك ماشاء الله خير مثال
تحياتى

منى said...

احمد مصطفى
قولنا مفيش اسف بين الاخوه
المهم تكون بخير
تحياتى

منى said...

dr/heam
جزيت خيرا اخى
تحياتى

منى said...

مدحت محمد
اشكر لك حسن ظنك
ربنا يسمع منك
ويهدينا جميعا لما يحب ويرضى
تحياتى

منى said...

ma7moud so3ody
اهلا بك اخى
اشكرك على اطرائك
جزيت خيرا
تحياتى

منى said...

lg
عارفه حاسه ان ده الطبيعى
والمفروض نبقى كلنا كده
لكن كتير بيحسسونى انى غريبه
ومن زمان على فكره
حتى الكلام الحلو بيخوفنى
بيحسسنى ان طالما شايفنى مختلفه يبقى مفيش حد ممكن يتعامل بالمثل
عشان كده عودت نفسى انى مش استنى اى حد يعاملنى زى ما اعامله
وانا يعنى مش ملاك ولا حاجه بس بخاف اوى ربنا يزعل منى

تحياتى وامتنانى لحسن ظنك بى

منى said...

عاشقه النقاب
امين
امين
امين
احبك الذى احببتنى فيه
وانا كمان بحبك
اوى
ربنا يكرمك
تحياتى

منى said...

ra7eel
انتى فعلا حطيتى ايدك على نقطه مهمه اوى
انك تلاقى السعاده فى محاوله اسعاد من حولك
انا بستغرب اوى لما الاقى حد مؤذى والعياذ بالله وبيزعل اللى حواليه منه
ياترى هو بيبقى سعيد ازاى وهو مسبب كل التعاسه دى للى حواليه؟
طيب لو مش سعيد
ليه مش يحاول يسعد ويسعد
بكسر العين وفتحها
طيب ليه مش بيدى غيره الفرصه انه يساعده
ربنا يهدينا جميعا
تحياتى وحبى

منى said...

الفارس الملثم
اشكر لك اخى حسن ظنك
عموما مفيش ملايكه كلنا بنغلط
والقلوب بين يدى الرحمن يقلبها كيف يشاء
اللهم ثبت قلوبنا على دينك
تحياتى

منى said...

bar2ash
ربنا يكرمك
حب الله فعلا هو اجمل حاجه
بتخليك تحب كل اللى حواليك مهما حصل لك
ربنا يرزقنا حبه وحب من يحبه
تحياتى

منى said...

سكر
اشكر لك تعليقك الجميل
وحسن ظنك
واعتقد انك من هؤلاء الذين يهتمون بغيرهم كثيرا
ربنا يجزيك كل خير
تحياتى

منى said...

darsh
على فكره
كل ما بقرا تعليقك بدمع
واتذكر دعاء جميل
اللهم لا تفتننى بما يقولون
واجعلنى افضل مما يظنون

عارف بحس بجد لو قلنا بنحب ربنا وبننحب النبى ومش نتبع منهجه نبقى بنكذب وبنافق
مين يرضى يبقى كداب ومنافق؟
صحيح مش هنبقى زيه
لكن مالايدرك كله لا يترك كله
على فكره
اما يسعدنى جدا انك تبقى زائر دائم
والمدونه مدونتك من دلوقتى
تحياتى

منى said...

ammola
انا ايه؟
بعيط على طول؟
هههههه
اه انا فعلا كده
طبعا فاهمه تقصدى ايه بس بهزر
ربنا يكرمك يا اموله ويسعدك
نفسى اطمن عليكى بقى
تحياتى وحبى

منى said...

monaliza
حبيبتى ربنا يحلى كل ايامك
ويوعدك بالسعاده والرضا دايما

واقولك دعوه ماما
ربنا يوقف لك ولاد الحلال
تحياتى وحبى

منى said...

استاذ عصفور عندنا
يا مرحبا يا مرحبا
وحشتنا تعليقاتك من زمان
والله مش عتاب
انا طبعا مقدره ظروف حضرتك
بس سعيده جدا بتواجدك
ربنا يكرمك
تحياتى

منى said...

سنووايت
الحمد لله انه عجبك
ربنا يجعلنا جميعا من المتحابين فيه
تحياتى وحبى

منى said...

هبهههههوب
احلى كلام
بفرح اوى بوجودك
ربنا يسعدك دايما
تحياتى وحبى

منى said...

هيثم الدهشان
ربنا يجبر بخاطرك
اظن تلك القلوب كثير
وما افضل منها اكثر
ولكن الله هو العالم بما تكن الصدور
تحياتى

منى said...

white heart
الله
وهو فيه احسن من كده
ربما يجازيك كل خير
تحياتى

منى said...

مجداويه
لا اله الا الله
ولمن نلجا سواه
انا مش عارفه اقول ايه على كلامك
الجميل ده
ربنا يكرمك ويهدينا لما يحب ويرضى
تحياتى وحبى

منى said...

arsenalwy
مفيش حد مش بيغلط
ولا حتى درجه ايمانه ثابته على طول
بس ربنا يستر علينا
ان شاء الله اشوف البوست واللوجو
تحياتى

منى said...

بحبك يا مصر
الله يبارك فيك
ويجزيك كل خير
ويهدينا ويغفر لنا
تحياتى

منى said...

نوسه
فينك من زماااااااان
وجودك الاحلى حبيبتى
تحياتى

منى said...

صاحب المضيفه
تعليقك جميل اوى
فعلا اكبر نعمه ان ربنا يساعدنا على حبه
اللهم تقبل دعواتك
تحياتى

منى said...

ليلى بكى فيها القمر
حمد الله على السلامه يا قمر
نورتى بلوجر كله
ربنا يهدينا جميعا ويثبتنا على دينه
تحياتى

منى said...

الجده فصيحه
وعليكم السلام ورحمه الله وبركاته
ربنا يجازيكى كل خير على حسن ظنك
تحياتى وامتنانى

منى said...

شمو نشادر
طبعا عشان نفوق مش كده برضه؟
مرسيى جدا لتعليقك الجميل
وغدا كمان مره واحده
حضرتك كريم جدا
تحياتى

منى said...

كوارث
مرسيى ليك
وفعلا الاحاديث الجميله دى هى المنهج اللى لو اتبعناه هنحقق باذن الله سعاده الدارين
تحياتى

منى said...

شفه واحسان
جزيتم كل خير
تحياتى

منى said...

momken
ربنا يكرمك
ويسمع منك
تحياتى

منى said...

النجم القادم
وعليكم السلام ورحمه الله وبركاته
تقصير ايه بس؟
احنا اخوه
المهم
ربنا يوفقك ويكرمك
ركز انت بس فى مذاكرتك
وربنا يعينك
تحياتى

منى said...

ضد الظلم
تعرف دول بقى اكتر ناس محتاجين الدعا بالهدايه
اقولك ليه؟
لو دعينا عليهم بحاجه وحشه ممكن يجيى اللى اوحش منهم
لكن لو دعينا بالهدايه يمكن ربنا يقبل
وتبقى الحياه حاجه تانيه
تحياتى

منى said...

momken
اهلا بك مره تانيه
والله اسعدتنى جدا
يبدو انك قريت حاجه تانيه
والحمد لله انها عجبتك
ومرسىى جدا على الدعوات الجميله
ربنا يتقبل
ولك مثله وافضل
تحياتى

منى said...

سلوى
امين
ربنا يهدينا جميعا
منوره يا لولو
تحياتى

منى said...

snohe
اهلا بك
شكرا ليك
وان شاء الله نجيك
تحياتى

منى said...

كلمات
دايما بيسعدنى تعليقك
وبفرح به جدا
يارب دايما منورانى
تحياتى وحبى

almasry said...

لا دى بلاغه مقدرش عليها وبجد اسلوب فوق الفظيع...


تحيــاتى
المصــــــــرى

الحشرى - سيد يونس said...

بصراحةأختى الواحد لما يكون مظلوم بيحاول أن يفك الظلم عنه

لكن المشكلة أنه ممكن يتهاون فى حقة بعد أن ينزاح عنه الظلم

بوركتى أختى على كلماتك

طارق الغنام said...

بارك الله فيكى
ذكرتينى بكتاب لاتحزن لعائض القرنى
فعلا كلماتك بلسم
تقبلى تحياتى
واتمنى زيارتك مدونتى المتواضعة
ودمتى بود

رفقة عمر said...

منى
بجد مش عارفه اشكرك ازاى على مشاعرك الطيبه بجد جزاكى الله خيرا
انتى اللى جميله وقلبك حلو جدا علشان كدة بيخرج منك الكلام الجميل دة
جزاكى الله خيرا
احنا اللى بنتعلم من احاسيسك الجميله

منى said...

almasry
اخجلتم تواضعنا
وش مكسوف
ههههههه
تحياتى

منى said...

الحشرى سيد يونس
اللهم انى اعوذ بك ان اظلم او اظلم
فى حقوق ممكن نتنازل عنها تقربا لله
وحقوق لو اتنازلنا عنها يبقى بنغضب ربنا
ربنا يبارك فيك ويجزيك كل خير

منى said...

طارق الغنام
جزيت كل الخير عن حسن ظنك وعلى تعليقك الجميل
ربنا يبارك فيك
تحياتى

منى said...

رفقه عمر
اهلا يا غاليه
تشكرينى على ايه؟
انى بحبك واتمنى لك الخير؟
طيب دا انا اللى اشكرك انك اتحتيلى الفرصه انى اتعرف على شخصيه نقيه وطاهره زيك
وانا لما قلت انى بتعلم منكم مش كنت ببالغ ولا بجامل دى الحقيقه فعلا
ربنا يسعدكم دايما ويهديكم لما يحب ويرضى وتنورنى دايما
تحياتى وحبى ودعواتى

ساعد نسرين الايمن said...

مني

احلامك حلوة اوي
وخصوصا حلم الزواج من معاق
عارفة ؟والله نسرين فب بدايتنا قاللت لي كده
وانا فسرت ليها ده
ان عندها كمية مشاعر زيادة اوي ومش عارفة تصرفها ازاي

اذكر انها علقت علي موضوع تصرفها بضحكة رائعة
وسالتني لماذا استخدمت هذا التعبير
قلت لها ما الافعال بتتصرف
والرواتب بتتصرف
وكده يعني
بجد انتي عندك مشاعر جميلة اوي
ماشاء الله عليكي
يارب تفضلي كده علي طوال
عارفة انا عرفتك من مدونة الغالية سنووايت ولما دخلت لقيت كل الشلة اللي عندي معلق عندك
لا ادري ولكن لسبب ما اشعر انك اتجذبت معظم من حوالي
ربنا يوافقك يا مني في حياتك

منى said...

ساعد نسرين الايمن
انا متشكره جدا على التعليق الجميل

ربنا يكرمك ويجزيك كل خير
ويحقق لنا احلامنا

على فكره مش عارفه ادخل مدونتك
مش عارفه المشكله فى ايه بالضبط
تحياتى وامتنانى