Monday, June 16, 2008

لو كان بايدى

لاول مره اكون محضره كذا موضوع ومحتاره انزل ايه وفجاءه النت يفصل من كام يوم
والحمد لله عندنا سيبر بنات فى بلدنا قلت اشيل ورقى واروح هناك اقرر هاكتب ايه
وشاء الله انسى كشكولى فى البيت وافتكر الكلمات دى
اللى لقيتنى قمت من النوم فجاءه بدور على ورق وقلم عشان اكتبها
لو كان بايدى
111
كنت ازرع الكون ده كله ورد وزهور
1111
111
وازين كل الدروب المظلمه بالنجوم
11
11
واضم اليتامى فى حضنى وافيض عليهم من حنانى بحور
1
11
والم شمل كل حبيب وحبيبه سوا فى النور
1
واطير حواليهم اغنى سعيد وكان انا عصفور

87 comments:

سلوى said...

أول تعليق

وكمان إيه أول حد يقرأه قبل ما ينزل

وكمان إيه

كنت جانبك وإنت بتنزليه

:)

إيشي خيال يا ناس

جميل يا منى بجد

أنا بكتشفك من جديد

دمتى بكل الخير

Anonymous said...

الله يا منى كلام جميل قوى
لالالالالالالا دى احاسيس جميله جدا
والله مش عارفه اقول ايه
دومتى فى حفظ الله
وربنا يقدرك

رحــــيـل said...

منى

جميله بجد مشاعرك قوى
ورقيقة جدا

ربنا يهنيكى يارب

A.SAMIR said...

بس تعرفي ان فكرة سيبر بنات دة دي فكرة غريبة جدا
حتى دي فيها تفرقة عنصرية
لا حول ولا قوة الا بالله

موناليزا said...

الله يامنمونة
كلمات رغم قصرها بس احساسها عالى
على الاقل بتبين ان الدنيا لسه بخير
وحشتينى ياحبيبتى ويارب تكونى بخير

صاحب المضيفة said...

الله الله

جميلة قوي أبيات الشعر دي


واحساسها عالي قوي


ربنا يسعد أيامك ويهنيكي

klmat said...

حبيبتى منى
جميله مشاعرك اوى بتدل على قد ايه قلبك
طيب وعامر بالحب والعطف . ربنا يكرمك
ويسعدك ويحفظك ويحقق كل امانيكى ياااااارب
انا بخير الحمد لله بس كان عندى شويه مشغوليات وقاربت على الانتهاء
ربنا يخليكى سعدت جدا بسؤالك عنى ماتحرميش منك ابدا وربنا يديم المحبه
خالص حبى وتقديرى

سنووايت said...

كلمات في منتهي الرقة
وكلها مشاعر طيبة وجميلة
كعادة كلماتك يا مني
ابتسمت وانا باقراها اوي وحسيت راحة ان لسة فيه قلوب زي قلبك
دمتي جميلة رقيقة الاحاسيس

محمد الكومي said...

اهلا منى
اول زيارة
بس حقيقي بوست راقي واحاسيسه عالية

تحياتي

Sometimes said...

واضم اليتامى فى حضنى وافيض عليهم من حنانى بحور

ياجامد انت يا واد
ربنا يقدرك على فعل الخير يا منمونه
وحشتينى

الفارس الملثم said...

جميله اوي كلماتك يا مني وكمان معناها رائع لكن اللي لفت نظري اكتر ان اختيارك للمعني الجميل ده بيدل علي ان روحك لا تقل جمال وده بان كتير في ردود سابقه قرتهالك

ربنا يهدي النت عليكي عشان لما بيغلس بيغلس ههههههههه

تحياتي
محمد

عصفور المدينة said...

ينم عن سلامة صدر

spower said...

احاسيس
جميلةاكيد
ومشاعر صادقة
اتمني انها تكون
موجوده في كل انسان
مع تحياتي
sayed

myfreedom-spower.blogspot.com

zOzO said...

طبعا النت بيختار اوقات ف الجون
مش هتقوليلي لانه مطلع عيني


وكمان تنسي الورق
انتي بتنسي زيي ؟
يالهوووووووووي


المهم البوست بجد حلو
وعجبتني الجمله دي :

والم شمل كل حبيب وحبيبه سوا فى النور

عندك حقو الله
الجامعه مليانه مناظر ايه ؟ الواحد بيبقي عايز ياخدهم قلمين محترمين
والله قلمين مش كفايه
النور احسن حاجه
لكن تلاقيهم قاعدين خايفين حد يشوفهم
من الحرس
ربنا يهدي الجميع


وبحييكي علي البوست الحو ده
زوزو

صانعة الأحلام said...

اااااااااااااااااااااااه فعلا فعلا فعلا نفسي اجرب احساس العصفورة

المستنصر بالله said...

ما شاء الله
فعلا مشاعر جميله واحاسيس حلوه يارب تحققيها و كل الناس تحسها
جزاكى الله كل خير
تحياتى

رفقة عمر said...

منى اخبارك ايه
انا منتظره منك ايميلك علشان نتكلم اكتر
اشوفك بخير يارب
واشكرك على كل مشاعرك الجميله
ربنا يييسر لك كل خير
ويرضيكى ويرضى عنك اللهم امين
منتظراكى

مدحت محمد said...

ياسلام على الكلام الجميل يامنى

برافو عليكى يابنتى والله
دايما بوستاتك بتبقى صغيرة

بس بتحمل معانى كتييييرة اووووووووووووى

ربنا يارب يجعلك تعملى الخير دايما

وتخشى الجنة

حاول تفتكرنى said...

بسيطة وجميلة

كلمات تحمل ملايين المعاني


تحياتي

ياسر said...

واضم اليتامى فى حضنى وافيض عليهم من حنانى بحور
بجد تسلم ايدك وربنا يجعلة انشاء الله في ميزان حسناتك
انتي عارفة ساعات كتير اطفال يتامي بيتمنوا بس الباب
بتاع بيتهم يخبط مش صدقة او حاجة زي كدا يتمنوا
بس مجرد سؤال عليهم في وقت الا كل الاعمام او اخوالهم
بيهربوا منهم علشان مصاريفهم او المسؤلية بجد تسلم ايدك
يامني وفكرتيني بطفولتي
تحياتي

ياسر said...

واضم اليتامى فى حضنى وافيض عليهم من حنانى بحور
بجد تسلم ايدك وربنا يجعلة انشاء الله في ميزان حسناتك
انتي عارفة ساعات كتير اطفال يتامي بيتمنوا بس الباب
بتاع بيتهم يخبط مش صدقة او حاجة زي كدا يتمنوا
بس مجرد سؤال عليهم في وقت الا كل الاعمام او اخوالهم
بيهربوا منهم علشان مصاريفهم او المسؤلية بجد تسلم ايدك
يامني وفكرتيني بطفولتي
تحياتي

الإتربي اللولبي said...

شكرا للحالة الجميله اللي تمخضت عن الكتابة الأجمل

تحياتي ..

استمري ....

سلام عليكم

الإتربي اللولبي said...

شكرا للحالة الجميله اللي تمخضت عن الكتابة الأجمل

تحياتي ..

استمري ....

سلام عليكم

safa7_karmooz said...

ياااااااااه


ايه كل الطيبة دى عندك...

حاسبى بس لحد ينق عليكى زيىى :p

ياقوت said...

أجمل شىءيمن الله عز وجل به على االإنسان
التوفيق

ولكن
كيف اتحصل على التوفيق من الله؟

الإجابة
بالنور الإلهى الذى يقذفه
الله عز وجل فى قلب عبده المؤمن

اتمنى لك كل التوفيق وكمال
السعادة
وكمال الإيمان
وكمال الحب


وأشكرك على الكلام الجميل
فى التعليق الرائع
الذى تشرف البلوج بتدوينه

استرى فى عملك

ياقوت said...

أجمل شىءيمن الله عز وجل به على االإنسان
التوفيق

ولكن
كيف اتحصل على التوفيق من الله؟

الإجابة
بالنور الإلهى الذى يقذفه
الله عز وجل فى قلب عبده المؤمن

اتمنى لك كل التوفيق وكمال
السعادة
وكمال الإيمان
وكمال الحب


وأشكرك على الكلام الجميل
فى التعليق الرائع
الذى تشرف البلوج بتدوينه

استرى فى عملك

قلب إنسان said...

احاسيس

بجد مدونتك مليئه فعلا بالكلام الحلو والاحساس الراقى

وسعدت جدا بزيارتى لمدونتك الرائعه وان شاء الله هكون زائر دائم

لو كان بايدى

كنت ازرع الكون ده كله ورد وزهور

وازين كل الدروب المظلمه بالنجوم

واضم اليتامى فى حضنى وافيض عليهم من حنانى بحور

والم شمل كل حبيب وحبيبه سوا فى النور

واطير حواليهم اغنى سعيد وكان انا عصفور

وبجد ياريت كل القلوب فيها الكلام الحلو ده
وياريت نعيش بكلامك فى الابيات دى فاحلى شئ فى الدنيا لما تقدرى تساعدى انسان محتاج وتعطفى عليه وتقدرى تملى الدنيا حب وخير وسعاده وامل

وبجد سعيد بوجودى فى مدونتك
واتمنى ان تتقبلى مرورى

وخالص تحياتى

وجزاك الله خير

منى said...
This comment has been removed by the author.
منى said...

بجرب

منى said...

سلوى
شفتى
افتكرى الجمايل دى بقى
سلام يا قمر

منى said...

نوجا
النت جه
هييييييييه
متقوليش حاجه يا نجوى
بس ابقى هاتى معاكى
حاجه حلوه
تحياتى

منى said...

رحيل
ربنا يكرمك يا ساره
منورانى دايما
ويخليكى
تحياتى

منى said...

a samir
لاحول ولا قوه الا بالله
يعنى هو ده اللى لفت نظرك فى البوست وكمان زعلك؟
بص بقى يا سيدى
فيه منتقبات تحب تكلم اهاليهم براحتها
فيه
انا رغم انى مش منتقبه

لكن بحب استمتع بكل حاجه بعملها وخصوصا الحاجات اللى بحبها
يعنى انا ليه قعده غريبه كده قدام الكمبيوتر وتعبيرات وممكن اتكلم او اضحك بصوت عالى وانا بتابع المدونات
وانده صحباتى يشوفوا لو حاجه لافته للانتباه
ومش اقدر اعمل كده فى سيبر مشترك
يبقى ليه تقول عنصريه ما السيبرز ماليه البلد جت على ده
ورغم ان مفيش ولا واحد مكتوب عليه ممنوع الفتيات لكن فى اماكن كتير جدا
البنات مش يقدروا يدخلوها من نفسهم
فين بقى العنصريه
ومين بقى اللى عنصرى؟
تحياتى

منى said...

موناليزا
ربنا يكرمك يا قمر
الدنيا دايما بخير
صدقينى
بس نحاول نشوفه
تحياتى

منى said...

صاحب المضيفه
وبترقيه وتقوم شعر كمان
ربنا يكرمك ويجزيك كل خير
تحياتى

منى said...

klmat
ربنا يخليكى ويبارك لى فيكى وتنورينى دايما
رغم انى عارفه مشغولياتك
بس غصب عنى بقلق عليكى
يارب دايما بخير
تحياتى

منى said...

سنووايت
ابتسمتى وانتى بتقرى
دى اجمل مكافاه ليه
ربنا يكرمك ويسعدك زى ما اسعدتينى
تحياتى

منى said...

محمد الكومى
اهلا بيك
ومرسي جدا لذوقك
تحياتى

منى said...

sometimes

اه جامده اوى انتى متعرفيش
ههههههه
وانتى كمان وحشتينى اوى
ربنا يجازيه النت اللى بيقطع ويفرقنا
تحياتى

منى said...

الفارس الملثم
مرسيى جدا لحسن ظنك
ربنا يبارك فيكى
اه والله لما بيغلس بيعمل لى اكتئاب
ههههههههه
تحياتى

منى said...

عصفور المدينه
وانا اول المونه منوره ليه
اتارى استاذنا الجليل هنا
ربنا يبارك فيك ويجزيك كل خير
تحياتى

منى said...

spower
اشكرك بشده على حسن ظنك وتواجدك
تحياتى

منى said...

زوزو
الامتحانات خلصت
هيييه
الحمد لله
طبعا مفيش احسن من النور
انك تعمل كل حاجه وانت مش خايف
ربنا يهدينا جميعا
تحياتى

منى said...

صانعه الاحلام
وما اجمله من احساس
انا كمان نفسى اجربه واعيشه
تحياتى

منى said...

المستنصر بالله
يارب يسمع منك
ويجزيك كل خير
تحياتى

منى said...

رفقه عمر
انا بتفاءل ووبفرح اوى لما اشوف تعليقاتكم ورا بعض
ربنا يكرمكم دايما
اناكمان سعيده انك عايزه تكلمينى وان شاء الله اكتب لك الايميل
تحياتى

منى said...

مدحت محمد
يارب يا مدحت يارب ادخل الجمه
وانت كمان وكل الناس
ربنا مش يحرم حد منها
تحياتى

منى said...

حاول تفتكرنى
يسعدنى تواجدك وتعليقك
تحياتى

منى said...

ياسر
شكلى كده قلبت عليكى المواجع
سامحنى
صورتك الرمزيه بتقول كتير
تحياتى

منى said...

الاتربى اللولبى
شكرا ليك انت على تعليقك الجميل
تحياتى

منى said...

safa7 _karmoz
انت بتنق ولا حد نق عليك
هههههههه
مرسيى ليك
تحياتى

منى said...

ياقوت
تعليقك خلانى مش عارفه اقول ايه
ربنا يكرمك ويجزيك كل خير
ويسمح منك دعواتك الجميله ويرزقك زيها وخير منها
تحياتى

منى said...

قلب انسان
انا والله اسعد بوجودك
رغم انى مش بتفاءل بكلمه زائر دائم محدش قالها وجه تانى
ولما اقولها انا الويندوز يسقط ويضيع الفيفوريت
المره دى هتفائل
وهشوف
ههههههههه
تحياتى

walaa said...

كلمات قصييره لكنخا تحمل فى طياتها الكثيير والكثيير من المعانى الجميله
ونابعه من انسانه رقيقه للغايه

دمت رقيقه جميله حبوبه
يامنى

الربان said...

تحياتي

كلمات جميله...و مشاعر نبيله...تنم عن
قلب مملوء بحب الله...و من ثم حب الناس.

ربنا يسعد كل ايامك و اوقاتك...كما تودين انت إسعاد الاخرين.

تحياتي و تقديري

WhItE HeArT said...

فعلا لو كان بإيدي

بهنيكي على احاسيسك الجميله دي اللي قلما توادت في الزمن ده

تحياتي

Dr- Hema said...

أحاسيس رائعة

جميل ان الواحد يزرع ويعمر

وجميل ان الواحد يضم اليتامى وسعد الناس

الله على الكلام البسيط الجميل

د/هيما

الطائر الحزين said...

اولا انا شفت التدوينة دى فى القارىء بتاع جوجل وبعدين مفتحتش معايا من فترة

هذا سبب تأخر التعليق

========================

فى الجنه ان شاء الله

ونزعنا ما فى قلوبهم من غل

دعواتك

alqassam said...

مبارك فى مصلحتك دائما ......جديد على مدونة القسام

Gannah said...

واضم اليتامى فى حضنى وافيض عليهم من حنانى بحور
-----------------------------------
لعله خير انك نسيتى الكشكول علشان تكتبى الكلام الجميل ده
وافيض عليهم من حنانى بحور .... اللهم اجعل فى قلوب المسلمين بحورا من الحب يفيضون بها على كل يتيم
آمين
تحياتى

منى said...

walla
ربنا يكرمك على الكلام الجميل ده
ده كتير عليا اوى
يا رب دايما منورانى
تحياتى

منى said...

الربان
اشكرك على الدعاء الجميل
ورزقك الله مثله واكثر
تحياتى

منى said...

white heart
ادينا بنحلم
جايز فى يوم نقدر
تحياتى

منى said...

dr_hema
مرورك هو الاجمل اخى
تحياتى

منى said...

الطائر الحزين
اشكر لك حرصك على متابعه مدونتى
وجزيت خيرا على حسن ظنك
ويارب كلنا فى الفردوس الاعلى ان شاء الله
تحياتى

منى said...

القسام
اهلا بك
تحياتى

منى said...

gannah
الله دعوتك حلوه اوى يا جنه
تصدقى حاسه ان الحنان والرحمه هو اللى ممكن يغيروا شكل الدنيا
يارب منورانى دايما
تحياتى

Omar El-Tahan said...

واضم اليتامى فى حضنى وافيض عليهم من حنانى بحور والم شمل كل حبيب وحبيبه سوا فى النور واطير حواليهم اغنى سعيد وكان انا عصفور

أقوى جزء في البوست ... و تعبير أفيض عليهم من حناني بحور تعبير رائع و سامي جداً.

و عجبتني قوي حتة لم الشمل في النور ... معنى قوي جداً ومبدأ قوي و محترم لتوضيع العلاقة فيه

و حب الآخرين و إرادة إضفاء السعادة على الغير تظهر جلية في الجزئية الأخيرة ..

تهنئتي على هذه الحالة الوجدانية الرائعة و التي وصلتني كما عبرت عنها

egyboy said...

أول مرة أرد عند سيادتك وفعلا الكلمات جميله وحكاية أنك تكونى جاهزه وتروح السيبر دى حلوه

مصطفى

momken said...

انتى طيبه ومليانه خير
ربنا يديلك على اد نيتك
وشخصيتك الجميله

وادعو الله ان يجعل كل شىء فايدك

تحياتى

bar2ash said...

ازيك يامني

بسم الله ماشاء الله عالاحساس العالي
ايه الجمال ده
انا بجد كنت مبسوط اوي وانا بقرأ
وسرحت في كلامك وشدني اوي

اكرر اعجابي

وربنا يوفقك

Darsh said...

واضم اليتامى فى حضنى وافيض عليهم من حنانى بحور


----------------

الله

أعملي دي و هتحسي بحلاوة الدنيا اللي ممكن تعيشيها

راااااااحة نفسية هايلة

كاشف الاوهام said...
This comment has been removed by a blog administrator.
منى said...

omar el_tahan
انا تاتى تلك الاشاده ممن يهتم بالتفاصيل
فذاك من دواعى سرورى
اشكرك بشده اخى
جزيت خيرا
تحياتى

منى said...

egyboy
اهلا بيك فى اول زياره
جزيت خيرا
تحياتى

منى said...

momken
اشكرك على حسن ظنك
واشكرك جدا على دعوتك الجميله
جزيت خيرا
تحياتى

منى said...

bar2ash
الله يسلمك
الحمد الله انها عجبتك
وده يسعدنى جدا
وربنا يوفقنا جميعا
تحياتى

منى said...

darsh
حمد الله على السلامه
والله عندك حق
ربنا يكرمك دايما
تحياتى

منى said...

المحذوف
لم احاول ان انظر حتى من باب الفضول
لو كنت تعرف قيمه من تسئ اليه ما فعلت فعلتك
ولو كنت تعرف مقداره عندى واحترامى له
ما جرؤت ان تاتى هنا
هداك الله وعافاك

شيماء سمير said...

حبيبتى منى
وحشتينى
فى حاجات بايدينا
وفى حاجا تلا


لو نقدر نعمل اللى بايدينا
وندعى للى مش بايدينا
ربنا هيجازينا بالنية

رفقة عمر said...

منى حبيبتى ازيك
ياارب تكونى بالف خير
ليه قافله التعليقات
مين مزعلك قوى كدة
طبعا كلماتك جميله قوى
وفعلا فيه ناس بوشين بنتصدم قوى لما نكتشف دة فيهم
ربنا يصلح لنا السرائر اللهم امين

sendrlla said...

منى
تحياتى ليك ولقلمك
بجد تعبيراتك حلوة اوى
بس ليه البوست اللى فوق مش ليه تعليق
...................
سندريلا

بحبك يامصر said...

منى
انا دخل اعلق على البوست اللى ده لقيت بوست تانى وانتى قافله التعليقات ففرصه بقه التعليق يتحسب للاتنين انا عارف انى مقصر بس والله مشغول جدا وان شاء الله هعوض تقصيرى ده البوست جميل اسلوبك جميل دايما
تحياتى

موناليزا said...

ايه يامنمونة انتى قافلة التعليقات ليه؟
يارب تكونى بخير

hinger said...

احساس جميل
ومدونة جميلة
بس من زمان اوى مكتبتيش ليه؟!




تحياتى

Anonymous said...

السلام عليكم
لو كان بيدى....
لصنعت اجمل واسمى معانى الحب بين البشر
لو كان بيدى ....
لاقوى ايمان كلا منا واسمو بالصبر بداخلنا
فبتالى لن نحتاج لاى شئ يتعسنا
كلمات مميزة وبيسطة وكم نحتاجها يامنى لكى تتغير معالم وجوهنا
تحياتى لكى ولكلماتك البسيطة
عفراء

بحب الناس الرايقة said...

اول مرة اقرا كلام راقى كدة

ماشاء الله

انا عارفة انى ردى متاخر بس معلش

لسة جديدة فى المدونات و اول مرة ادخل و ارد على اى مدونة