Sunday, April 10, 2022

Saturday, March 12, 2022


الحمد لله كما ينبغى لجلال وجهه وعظيم سلطانه

Tuesday, April 13, 2021

يااااه

 معقول انا هنا تانى ....وكأن كل الى فات مكنش ..بس المره دى انا لوحدى فى احاسيس فى مدينه المدونات المهجوره..وحتى فى الدنيا اللى بره..بس الثابت واللى متغيرش انى واثقه ان كل اللى ربنا كتبه خير💙

Friday, October 31, 2014


يا هل ترى امتى قلب الجريح يرتاح

يقابل نسمه رضا تداوى بعض جراح  

Wednesday, June 15, 2011

دمعه على خد الوطن

من كام سنه لما كنت اسمع اغنيه وطنيه كنت بدمع ويمكن ابكى بحرقه كمان لو قاعده لوحدى مش بس دموع حب وانتماء لاء دى كمان كانت دموع قهر ومراره وكانى حاسه انى غريبه وبلدى كمان عايشه فى غربه وهى مكانها واحاسيس كتير اوى اكيد معظمنا عاشها كفايه لما كنت ارجع كل مره وانا مخنوقه بالبكا وانا رايحه جايه على تقديم الوظائف وبما ان مبدئى مش عايزه حاجه من حد ومش دافعه رشوه انا عايزه حقى وبس اتاخرت كل السنين اللى فاتت دى لحد ما اشتنغلت وفين.. فى اااخر الدنيا


اثناء احداث الثوره كان احساس مختلف اوى حسيت ان كل المراره اللى جوايا دابت فجأه رغم ان لسه احوالى الشخصيه زى ما هى بس حسيت كان كل اللى فى الميدان ردوا لى حقى وكرامتى ، حتى لما قلوبنا كلنا اتقطعت واحنا بنشوف قدامنا على الشاشه اولادنا واخوتنا بينصابوا وبيقعوا وبينزفوا و...بيموتوا دول شهدا موجوعين اوى من فراقهم لكن فرحانين ليهم وبيهم وكلنا ثقه ان حقهم مش هيضيع وحتى لو بكيت كنت ببكى من الغدر ومن وجع الفراق


لكن المراره رجعت تانى واقوى من الاول وانا بشوف كل يوم حد بيخرب حته من امى مصر او بيمد ايده وياذى اخوه -ابن مصر -عشان يسرقه او يروعه سواء عامل ده لانه اصلا مجرم او حد دافع له وبيستغل انه برضه مجرم وطبعا النوعين موجودين

كل ده عشان فتح ملفات الفساد يقف.. عشان مصر تضيع كل ده عشان نقول الزمن اللى فات كان احسن

لاء انا مش هقول كده الزمن اللى فات عمره ما كان احسن


القهر بره مصر وجواها بمباركه حكومتنا عمره ما كان احسن

استغلال النفوذ والسلطه بكل الافتراء اللى كان موجود مش احسن

سياسه مصلحه القله المندسه بس وليذهب الشعب الى الجحيم مش احسن

والتفاصيل كلها تعرفوها زى واكتر


واللى اكثر مراره ان البعض لسه مصمم يقول ان الثوره المصريه صناعه اجنبيه ولاول مره فى التاريخ نلاقى نفسنا بننفى عن اسرائيلى تهمه التجسس ..ليه؟؟ لان يبدو مش هو المقصود لكن المقصود يتقال ان هو اللى كان بيحرض المصريين على الثوره واعمال العنف- هو فيه جاسوس اسرائيلى هيجى مصر وعلى تليفونه صورته بالزى العسكرى الاسرائلى ومعاه فى صوره تانيه العلم الاسرائيلى

لو صدقنا ده يبقى صدقنا اولا ان ولادنا واخواتنا اللى كانوا فى التحرير هما اللى حرقوا اقسام الشرطه وهما اللى ولعوا الكنايس وهما اللى هاجموا مبانى المحافظات وثانيا نصدق ان المصرى عمره ما يقدر ياخد خطوه بنفسه ولا يثور على الظلم لوحده لاء ده لاوم حد اجنبى يحرضه وكده يبقى مش ثائر ده يبقى مخرب وعميل


العميل والمخرب هو اللى جايب اسلحه من بره مصر وطبعا مش ناوى يصوبها الى لصدور المصريين

عفاهم الله جميعا

العميل هو اللى بيدفع اللى سرقه من دمنا عشان يضيع اللى فاضل من عمرنا واحلامنا

طبعا كلنا عارفين مين حتى لو بعض اسامى منعرفهاش

انا مش هدمع تانى انا وكل واحد مننا باذن الله هنبقى اقوى

ةبلدنا هتبقى احسن بس ايدنافى ايد بعض ةكل واحد يبدا فى مكانه

والله لو صدقنا النيه واتبعناها بحسن العمل ربنا مش هيكسفنا

يا رب انصر مصر والمصريين ورد كيد من يريدونها بشر الى صدروهم

يا رب لما ولادى وولاد اخواتى يكبروا يعيشوا فى مصر الحريه والعداله

يا رب اعيش يوم الف الدول العربيه ببطاقتى من غير تاشيره ولا حدود

احلامى كتير وكبيره لكن ربى كرمه كبييييييييييييييير

كل التحيه لكم ولمصر الحبيبه



Thursday, May 19, 2011

السلام عليكم ورحمه الله وبركاته

واخيرا عدت لبيتى وامى ومدينتى،عدت للكمبيوتر والنت ولنفسى.
فى المقال السابق كنت اكتب بمراره شديده ،اما الان ورغم القلاقل التى لا تزال البلاد تعانى منها
فانا اكتب بأمل واعيش به ايضا .
ربما مرور وقت طويل وانا بعيده عن الكتابه حتى مع نفسى قد افقدنى كلماتى الحبيبات وجعلها تهرب منى و لا تتواصل معى بقدر احتياجى واشتياقى لها لكنى اعذرها واعتذر لها وانتظر.. لعلها تصفح عنى وتعود..فهل تفعلها؟؟

Saturday, November 6, 2010

مدينه من الغرباء


مدينه من الغرباء احيا داخلها وتحاول ان تحيا داخلى كل من فيها غريب ليست وطن احد ولا محبوبه احد .تحملنا وتؤدى دورها ونبخل عليها جميعا بالانتماء اليها نراها قاسيه ولكن القسوه نابعه من داخلنا او ممن دفعونا لنأتى هنا مرغمين مختارين مغتربين كنت احبها حين أتى زائره ام الان وان احيا بين دورها احتار فى شعورى تجاهها هل احبها ام اكره اغترابى فيها ؟ لم اكن ادرى ان الامر بهذه الصعوبه نعم كانت امنيتى وقد حققها لى الله لاعلم كم كنت قاسيه على نفسى اصبحت اعيش غربيتين فى وطنى وتؤلمنى ايضا غربتهم هناك.. وكاننا اصبحنا شعب من الغرباء فى ارضنا وخارجها قى بديه كتابتى كنت اظن انى سأتهم الدينه لاجد فى النهايه اننا المدانون فيا الله انر بصائرنا وامنحنا الصبر على ما منحتنا وما اختارناه