Wednesday, May 7, 2008

والتقينا

التفاصيل اللى قبل اللقاء ال جى وسلوى قالوها ومفيش داعى لتكرارها
المهم
انا كنت خايفه اوى من اللقاء ده اول مره اقابل حد من عالمى الافتراضى
يمكن ساره صاحبه مدونه محاولات للبحث عنى كنت بتابعها من زمان ومع ذلك كنت منتظره مفاجاه منها فى اللقاء ده مش عارفه ايه بالضبط ولاحاجه حلوه ولا وحشه بس
حاسه بمفاجاه وخلاص لكن ال جى مكنتش للاسف اعرف ان لها مدونه خاصه
EMARALD.OASIS
كنت بتابع بوستاتها فى كلام البنات مع سلوى وكونت فكرتى عنها من هناك
انا وسلوى نعرف بعض من سنين معرفه شخصيه واعرف نجوى اختها اكتر لانها صاحبتى من ثانوى
رحنا سوا وكانت ساره اللى هى رحيل يعنى اتصلت بسلوى طوق الحريه وقالت انها خلاص وصلت ادام الحديقه
انا بقى قلت لسلوى ونجوى_على فكره نجوى مش مدونه_ متقولوش اسميكم لما نشوف هتعرفنا ولا لاء
عرفت سلوى بسرعه اصلها مكنتش عايزانى احيرساره كتير وبرضه ال جى لما جت عرفت سلوى بسرعه المهم
انا كانت فكرتى عن ال جى من كلام البنات
جد اوى وحزينه دايما ويبدو ان ده حقيقى بجانب صفات اخرى عرفتها من اللقاء
تملك روح ساخره وقدره غريبه على جذب الانتباه لكلامها بصراحه مكنتش عايزاها تسكت
كمان منظمه ودقيقه وماشاء الله قويه الملاحظه ويمكن كتر ملاحظتها بتخليها تنسى بسرعه زى ما قلتلها
منطلقه بس باحترام وده بقى حاجه صعب اوى تلاقيها
اما ساره من كلامها فى مدونتها متقلبه عنديه رغم رقتها وطيبتها فكنت متوقعه انها هتبقى القائد بتعنا ودىالحاجه الوحيده اللى حصلت من توقعاتىوضحت ساعه قطع تذاكر الجنينه والاكل واحنا نتمشى كنت بتخرم من شوارع جانبيه واحنا وراهاو
لكن المفاجاه بقى انها هاديه جدا ومكنتش بتتكلم غيرلما نوجه لها سؤال انا بصراحه هريتها اسئله لانى كنت عايزه اعرفها كويس
كان نفسى اللقاء يبقى اطول رغم اننا قعدنا سوا6 ساعات
والنتيجه
انى اكتشفت ان الحقيقه اجمل بكتير
وانى رغم ان كانت فكرتى عنهم كويسه بدليل متابعه مدوناتهم
لكن كمان حبيت اوى تفاصيلهم وكلامهم وحتى شكلهم وضحكهم
ومشكلتى لما احب اوى كده ابقى عايزه اشوفهم كتير وده صعب
بشكر ربنا انى اتعرفت عليهم وان كل مفاجات اللقاء بالنسبه لى كانت جميله

47 comments:

صاحب المضيفة said...

ربنا يجمعكم على خير ويوفقكم للجنة يارب


ويجعل ايامكم كلها طاعة وخير



تحياتي

ra7eel said...

منى

تعرفى انك انطباعك انتى وال جى وسلوى عن كل واحده فينا خلانى مش لاقيه كلام خلاص اكتبه

ههههه
بس على فكره انا مش دايما هاديه وبعدين موضوع الشوارع الجانبيه ده فعشان انا قعدت فى المنصوره اربع سنين دراسه وشغل فعشان كده تقريبا مش بحس بغربه فيها وبتحرك بسهولة
انطباعك عن ال جى انا بشاركك فيه
انتوا بجد صحبه حلوه قوى ونفسى نقضى ايام كمان مع بعض
خالص حبى لكى

monaliza said...

ربنا يجمعكم دايما على خير وتشوفوا بعض وانتوا فى احسن حال
---------------------------
منمونة ياقمر عندى ليكى خبر حلو انا اتصلت بصديقتى وهى الحمد لله قدرت تكلمنى وبلغتها سلامك وماتتصوريش كانت فرحانة ازاى وقعدت تدعيلك كتير
ماتنسيهاش يامنمن من دعائك
دمتى بخير حبيبتى

المستنصر بالله said...

ربنا يديم الحب بينكم
ويجمعكم هذا الحب فى الجنه

Miss. Sosa said...

ربنا يديم صداقتكم

L.G. said...

جد
طيب حخلي المدونة بتاعتي كلها تهييس بأه طبعا لاحظتي الزهايمر بس على فكرة معتقدش ان سارة متقلبة هي مختلفة وثابتة على كده
وبعدين تعالي اسكندرية اعملي رحلة ولمي الجميع وتعالي حستناكم

almasry said...

صداقه من عالم افتراضى



انشاء الله تكون اسم روايتى الجديده


تحيـــــاتى
المصـــــــــرى

منى said...

صاحب المضيفه
ربنا يسمع منك
اشكرك بشده على الدعوتين الحلوين دول
جزاك الله كل خير
تحياتى

منى said...

ra7eel
يعنى احنا خلصنا الكلام
ههههههه
انتى اللى غلطانه ايه اللى اخرك
انا اللى كنت كسلانه كتبت قبلك
انا بقى قاعده مستنيه اشوفك هتكتبى ايه ولا هتستنى اللقاء التانى
قريب ان شاء الله
بجد انتم اسعدونى
تحياتى وحبى

منى said...

monalizaحبيبتى
ربنا يسمع منك
ويكرمك يا رب
ويجازيكى كل خير انك جيت تطمنينى
والله انا مش نسيتها من يوم ما قريت عندك وبدعيلك انتى وهى دايما
انا بجد سعيده وفرحانه اوى بالخبر ده متعرفيش اد ايه وكانها صاحبتى انا ويمكن عشان كده ربنا خلاها تدعيلى فى شدتها لانه عالم باللى فى قلبى
ربنا يقومها بالسلامه بكل عافيتها مغفور كل ذنوبها و يرزقك انتى وهى كل خير الدنيا والاخره ويكفيكم كل شر الدنيا والاخره
باقى الدعوات فى سرى بقى اصل التعليق طول اوى هههههههههه
تحياتى وحبىودعواتى

منى said...

المستنصر بالله
امين
ويجمعك مع احبابك فى الفردوس الاعلى
جزيت خيرا اخى

منى said...

miss sosa
امين
مرسيى يا جميل
تحياتى

منى said...

l.g
ال جى عندنا
يا مرحبا يا مرحبا
بصراحه انتى تحليلاتك رائعه وخصوصا البوقين الحلوين اللى عليا
هههههه
انا يا ستى على استعداد لاسكندريه على الدوام
المهم الصحبه
ادعى انتى بس وربنا يسهل
تحياتىوحبى

منى said...

almasry
امممممم
يبقى على كده ليه نسبه فى الارباح
هههههههه
تحياتى

سكــر said...

شىء جميل جدا والله التواصل بينا

بفرحجدا لما بعرف ان كان فيه لقاء للمدونين

وبحزن جدا فى نفس الوقت

علشان يأما بكون بعرف متأخر

اوبيكون اللقاء دا وانا خارج البلاد

تحياتى

احمدسكر

رئـــــيسـة حزب الأحلام said...

حلوة اوى اللقاءات دى وياريت تتكرر
بس هو فعلا ممكن الكتابة تنقلك صورة معينة عن شخص معين ولما تشوفية تحسى ان حد تانى ومش هى دى اراءة

صانعة الأحلام said...

ان شاء الله نتقابل كلنا قريب...يمكن في الدنيا يمكن في الجنة...يمكن في الاتنين

مجداوية said...

السلام عليكم

جميل أن تنعقد صداقات يسودها الحب فى الله
أنا وصديقاتى أتقابل معهن منذ 25 سنة !!!
وبتبقى أجمل صحبة ربنا يديم محبتكم


تحياتى وتقديرى اختى الكريمة

الفارس الملثم said...

دايما الواحد لما بيقرا لحد بيكون صوره افتراضيه ليه ..
قد تكون صحيحه وقد تكون خاطئه

وواضح من كلامك ان الحقيقه كانت افضل من الخيال, وانك حبيتي الشخصيه دي

ان شاء الله تكون بداية صداقه جامده..

تحياتي
محمد

nonoymm said...

ان شاء الله في الخير دايما متجمعين وفي الجنة ملمومين مع الحبيب صلوات ربي وسلامه عليه وعلى اله وصحبه اجمعين
تحياتي

.:.-=- ELGaZaLy-=-.:. said...

ربنا يديم صداقتكم على خير...

secret-love said...

جميل جدا لما المدونين يتقابلو مع بعض يامانفسى اشوف اى حد من المدونين اللى اعرفهم واتكلم معهم واتعرف على افكارهم وأراهم مع انى عارف ان ده حاجه صعبه جدا
تحياتى ليكى

klmat said...

عزيزتى منى
جميل اوى ان يتم لقاء بين المدونين
اللى بنرتاح لدونتهم لانها بتعبر عن شخصيتهم انتم صحبه ورد جميله ربنا دايما
يجمعكم على خير ويديم المحبه بينكم
بس 6 ساعات يبقى عايزين تفاصيل اكتر
ربنا يحبب فيكى كل الناس لانك فعلا حبوبه
وبتدخلى القلب ربنا يسعك ويوفقك
انتى واسرتك وكل حبايبك
سلاااااااااااام

سنووايت said...

جميل اوي اللقاء لما بيكون نفسك تشوفي حد لاول مرة
ربنا يجمعكم علي خير ديما

WhItE HeArT said...

بجد شيء جميل وبحي بالسعاده لما اسمع عن اللقاءات دي

ويارب يقرب بينكم المسافات ويديم الود والحب بينكم

تحياتي

الربان said...

تحياتي

شيء جميل التزاور و المحبة في الله...ربنا يجمعكم دائما علي الخير...و يسعد كل اوقاتكم...

تحياتي و تقديري

جيهان علي said...

السلام عليكم ورحمة الله وبركاته

ربنا يجعلكم من المتحابين فيه



تحياتي

منى said...

احمد سكر
عشان تضمن لقاء مع المدونين ومتكنش مسافر ومتعرفش متاخر
يبقى انت اللى تبقى صاحب الدعوه بين اصدقاءك
او تقابل المدونين اللى خارج البلاد
هههههه
تحياتى

منى said...

رئيسه حزب الاحلام
اهلابكى اولا
ثانيا انتى اشرتى لحاجه مهمه اوى وانا بجد كنت خايفه منها
الاختلاف بين العالم الالكترونى والواقع
بس اعتقد ان الاختلافات بتكون بسيطه او ممكن نقول انها جزئيات مختلفه من الشخصيه
بمعنى انك شوفتي جوانب معينه من الشخص ده من خلال كتاباته ولما تشوفيه تكملى باقى الجوانب
يعنى متكامله مش متناقضه
تحياتى

منى said...

صانعه الاحلام
ياريت فى الاتنين
مش عارفه
حاسه انى قلقانه عليكى
يارب تكونى بخير

منى said...

مجداويه
ماشاء الله
25 سنه صداقه
اعتقد ان الصداقه الحقيقيه بتبقى بطول العمر كله
ربنا يبارك لكم ويجمعكم دايما على خير
تحياتى

منى said...

الفارس الملثم
ان شاء الله تبقى صداقه حقيقيه طويله
وتتوالى اللقاءات

WhItE HeArT said...

ها يامنى انا قربت تردي عليه وله لسه

بسرعه شوية طيب

هههههههه

منى said...

nonoymm
الله على الدعوه الحلوه دى
ربنا يبارك لك
ويجزيكى كل خير
تحياتى

منى said...

الغزالى

ربنا يسمع منك
واهلا بك
تحياتى

منى said...

secret_love
على فكره مش حاجه صعبه ولا حاجه
انت ممكن تقابل المدونين اللى فى محافظتك مثلا
او لو مسافر تحاول تقابل الناس اللى تعرفهم فى البلد اللى رايحها
وفعلا بتبقى حاجه جميله
تحياتى

منى said...

klmat
او
اميره الجميله
ربنا يكرمك على الكلام الجميل ده
والله دايما زيارتك بتسعدنى
ربنا مش يحرمنى منك
تحياتى وحبى

منى said...

سنووايت
جميله فعلا
ياريت نشوفك قريب
تحياتى

منى said...

white heart
مرسييلكى جدا
ربنا يسمعك منك
ايه ده
؟
انت هنا بتراقبنى
اهلالالالالالالالالا

منى said...

الربان
اشكركبشده
ربنا يسمع منك ويكرمك
تحياتى

منى said...

جيهان على
وعليكم السلام ورحمه الله وبركاته
امين
جزيتى خيرا
تحياتى

مدحت محمد said...

مش عارف بتتقال ازاى

ماجمع الا ماوفق باين

بس اللى عايز اقوله والله انتم من الشخصيات العزيزة عليا اوى والله وبحب مدوناتها جدا

وسبحان الله انتم اول ناس عرفو انى
صاحب مدونة مشاعر دافئة رغم انى كنت مغير كل حاجة فى المدونة حتى الصورة

بجد ربنا ميحرمكوش من بعض ابدا
وتفضل الصداقة دى لاخر العمر

بحب جملة اوى بتقول ايه

من السهل ان تصنع الف صديق فى عام
ولكن الاصعب ان تصنع صديق لالف عام

ربنا يديم عليكم المحبة دى

وتقبلى منى الف تحية يامنى

Salwa said...

طيب يعني هقول إيه
غير إنه كان لقاء جميل
وصحبه جميله

ربنا يوفقكم جميعا

منى said...

اخى العزيز جدا مدحت محمد
انا اللى مش عارفه اقول ايه بعد كلامك الجميل ده

ربنا يديم المعروف
مش برضه بتتقال كده
فاكر مره زمان ايام مدونه
مشاعر دافئه لما قلتلك ان بحس انك اخويا الصغير
دى حقيقه مش كلام
ازاى بقى مكنتش اعرف مدونتك الجديده مهما تغير فيها

فيه حد يتوه عن اخوه؟
ربنا يكرمك ويوفقك دايما
لاحلى صحبه فى الدنيا والاخره
بعد عمر طويل جميل

منى said...

سلوى
انتى الاجمل يا لولو
وعلى فكره انتى السبب فى اللقاء ده
وانتى اللى تاخدى ثواب معرفتنا ببعض
ربنا يكرمك يا سلوى ويفرحك دايما

Dr-hema said...

ربنا يسعد مع الأصدقاء الجدد

د/هيما

حازم هيكل said...

كل سنه وانتو طيبين وارجو تقبلوني صديقا لكم
وشكرا (حازم)