Saturday, April 26, 2008

تاج

التاج ده من اخى العزيز مدحت محمد
على فكره المفروض انى كنت اجاوب التاج النبوى قبل ده
لكن اجلته لاسباب جوهريه هقولكم عليها فى وقتها
ندخل على تاج مدحت
اتكلم عن نفسك فى 10 نقط
1خريجه تربيه المنصوره انجليزى
2سبعه وعشرين سنه
3 بحب اوى اشوف التاجات عند الناس وبتكسف اجاوب عليه لكن لما يكون جايلى بالاسم مقدرش ما اجاوبش(الله يسامحك يا مدحت
4رغم انه مرهق جدا لكن بحب شغلى اوى
5بكره الانانيه والحقد والكبر وباشفق على المصابين بهم
6اعشق البحر وليل الصحراء
7احب الطيران،كنت فى طفولتى اجرى كتير واقفز على اى حاجه مرتفعه عشان استمتع بثوانى وانا عالقه فى الهوا وعشان دلوقتى مش اقدر اعمل كده بقيت احلم كتير انى بطير
8باكره الكدب ولا احترم اللى بيكدب ولا اصدقه ابدا
9 بتبهرنى كميه الحنان والحب والاخلاص عند السيده خديجه بنت خويلد ام المؤمنين وكمان نظرتها الصائبه وبيبهرنى اكتر خلق حبيبى المصطفى مع زوجاته وخاصه السيده خديجه والسيده عائشه
10
بحب الناس اللى اعرفهم اوى وبخاف عليهم وبخاف ازعلهم من غير ما اقصد لانى اكيد مش هقصد ازعلهم فياريت لو حد زعلان منى يقولى عشان اعتذر او اوضح الامر او يسامح بقى وامره لله
تانى نقطه
بلغ اللى بعتلك التاج انك جاوبته
تالت نقطه
اختار 5 مدونين وابعتلهم التاج مش من بينهم اللى بعتهولك
عملت حسبه جامده عشان اختار الخمسه
وفى الاخر لقيت انى اختار اول خمس تعليقات ميكنوش جاوبه
وياريت لو الكل يجاوب
مش بقولكم بحب اشوف التاجات عند الناس
رابع نقطه
بلغ اللى اخترتهم

86 comments:

ياقوت said...

انا بحب اللى بيحب الأخلاق الجملة
هجاوب على سؤال مؤقتا
ومنتظر
انك تبعتيلى
التاج


شكرا للتعليق

مع السلامة

ياقوت said...

انا بحب اللى بيحب الأخلاق الجملة
هجاوب على سؤال مؤقتا
ومنتظر
انك تبعتيلى
التاج


شكرا للتعليق

مع السلامة

WhItE HeArT said...

ههههههههههههههه
انا من اول خمسه ووالله مجاوبتش


اجاباتك رائعه

بس انا مبسوط اني لحقت ربنا يستر بأه وانا بكتب كده ميكونوش خلصوا الخمسه


تحياتك

الطائر الحزين said...

اجابات بسيطة

وجميلة

بارك الله فيك

almasry said...

انتى أخلاقك جميله جدا وكمان عندك مشاعر جميله ده اللى انا حسيته من كلامك .. ربنا يوفقك وانا فى نفس الجامعه النحس اللى حضرتك كنتى فيها بس تصدقى عمرى ماكنت هلاقى جامعه أجمل من كده.. وافهم من كده ان حد هيبعتلى تاج؟

مدحت محمد said...

اولا سعيد يامنى انك جاوبتى التاج والله
جدا
وقبلتيه
طبعا اجابات بجد ولا اجمل
كل شوية الله يسامحك يامدحت
طب ماااااااشى
جايلى تاج تانى
على فكرة مأجله
هبعتهولك برضه
ههههههههههه
عشان كل شوية تدعيلى
وتقليلى ربنا يسامحك
بجد
سعيد انك جاوبتيه
والف الف تحية ليكى يامنى

Salwa said...

جميله يا منى إجاباتك

إنت فعلا حد طيب

بس مضطرة أقولك
إني زعلانه منك

ههههههههه
مش كنت معايا من كام ساعه بس
ليه مش قلتي إنك هتنزلي التاج إنهارده

هموما أنا عرفت من نجوى

طبعا أنا بضحك معاك
أنا مش زعلانه منك ولا حاجه
هو أنا أقدر يا لولو

المستنصر بالله said...

اجاباتك جميله جدا
ومش غريبه عنك
لان واضح ان شخصيه حضرتك ممتازة
بارك الله فيك

Gannah said...

منى
زيارتى الاولى و ان شاء الله تتكرر و الحمد لله انه كان تاج خلانى اعرفك اكثر
نورتى مدونتى الله يكرمك اجاباتك بتدل على شخصية رزينة و متوازنة
تحياتى

هبههههووب said...

اذيك يا منى
دايما منورة مدونتى
ياريت اشوفك قريب واتعرف عليكى اكتر
ردودك حلوة
بس هو التاج كدا بس
انا كنت عايزة اسمع منك كلام اكتر عنك
بارك الله فيكى وفى مبادئك الجميله
سلام يا قمرة

الفارس الملثم said...

اسمحيلي اخد كرسي واقعد

السن طبعا ادي ..

اكيد الانسان اللي بيحقد ده انسان مثير للشفقة
لان الكره والحقد مدمر للروح

طبعا بحب البحر والليل عموما بس اشمعنا ليل الصحرا؟؟؟

وانا برده كنت بتمني اطير ولغاية دلوقتي

الكدب بيوصل لشرور كتير , والكدب هو الباب الرئيسي لعالم الشر

اللي بيهتم بزعل ومشاعر الاخرين هو انسان نبيل بالتاكيد

ياريت كمان تجاوبي التاج بتاع الصور يا مني فهو مهدي اليكي من مدونتك
اوعي يكون عندك اعتراض مممممممم

تحياتي
محمد

ياقوت said...

اسمحيلى أجاوب
على
التاج
فى هذه المدونة
الطيب اهلها

بالإضافة إلى
ان معانى هذه الكلمات
التى ليست كالكلمات
المكتوبة
فى
تاجكم المعظم
ثقيلة للغاية
فم أستطع نقلها
إلى مدونتى

وأجاوب
1
كلية الدراسات الإسلامية والعربية
جامعة الأزهر
2
22سنة
3
أحب اقرا انفعالات الآخرين
وحكمهم ورغباتهم
4
i like it
5
أكره الغضب
6
اعشق الحب
7
احب النظر الى السماء ومشاهدة النجوم
8
أكره الغضب
9
الإخلاص
يبهرنى ويؤثرنى

10
أحب العلم والعالم

لعلى وضحت بلا إطالة

وتحياتى
إلى السيدة منى
وكل الدونين والمدونات
والسلام عليكم

منى said...

ياقوت
علم وتم التنفيذ يا فندم
تحياتى

منى said...

white heart
لاء يا سيدى الخمسه مخلصوش
وحتى لو خلصوا احنا يهمنا
هو يغلى عليك برضه
هتجوبه يعنى هتجاوبه
ونوصله لحد عندك كمان
تحياتى

منى said...

الطائر الحزين
ربنا يارك فيك
وتنورنى دايما
تحياتى

منى said...

مدحت محمد
انا كمان سعيده بس ده ميمنعش برضه انى مكسوفه انى اتكلمت عن نفسى كتير
ربنا يسامحك يا مدحت
يعنى انتى بتبعت التاجات عشان ادعيلك
خلاص ادعيلك من نفسى ويا مدونه ما دخلك تاج
هههههههههههه
ربنا يكرمك بجد يا مدحت
ويسعدك يا بنى
تحياتى

الربان said...

تحياتي

ما شاء الله إجاباتك جميلة...ربنا يوفقك دائما....

عايزين الشخصية الجميلة دي تنعكس علي الطالبات اللائي تقومي بالتدريس لهن.


تحياتي و تقديري

منى said...

salwa
ايه ده انتى لسه راحه تعرفينى من التاج؟
ههههههههه
انا بجد مكنتش عارفه انى هنزله امتى
بس بعد ما سبتك وروحت لقيتنى بعمله على طول
يبدو انك فتحتى نفسى
وبعدين نوجا هى الناقد الاول والمستمع الدائم لحديث المدونات ومستحملانى وصابره يبقى كان لازم يكون لها السبق
مش كده ولا ايه؟
هههههههههههه
تحياتى يا لولو

منى said...

المستنصر بالله
اخجلتم تواضعنا
جزيت خيرا اخى
بارك الله فيك
على فكره حضرتك الخامس فعلا لان فى اكتر من تعليق قبلك جاوبوا التاج قبل كده
يا ريت نشوف اجابات حضرتك
تحياتى

منى said...

gannah
اهلا بيكى يا جنه
على فكره اسمك جميل اوعى
ربنا يوعدنا
منره ويارب دايما
تحياتى

منى said...

هبهههههههوب
حبيبتى هبه
انا كمان والله نفسى اشوفك اوى
وحاسه انى هحبك اكتر واكتر
بس خايفه انتى اللى تغيرى رايك فيا وانا مقدرش على كده

نفسى تجاوبى على التاج
بس كنت خايفه تكسفينى
ممكن تجاوبيه يا هبه؟
تحياتى يا قمر

منى said...

الفارس الملثم
طبعا حضرتك تنور
استنى بس امسح لك الكرسى

ليل الصراء فى الصيف بقى حاجه تحفه ممتوصفش علمنى كتير وعرفت ازاى العرب كانوا شعرا
انا ناويه فى الصيف ان شاء الله اكتب بوست عن ذكرياتى فى ايام قضيتها فى الصحراء

تاج الصور

اه

انا مقدرش اعترض طبعا بس
هاجله شويه عشان اللى متعرفوش
انى لحد دلوقتى معرفش ازاى انزل صور فى البوست
ههههههههههه
جهل بعيد عنك
عموما اشكرك على تعليقك وتحليلك واهدائك
تحياتى

منى said...

ياقوت
اسمحلك طبعا
بس بجد كسلت تنقله ولا ايه؟
ههههههه
اجابات بجد جميله ووضحت كتير رغم اختصارها
خلتنى احس انى رغاااااااااايه
ههههههههههههه
اشكرك على حسن ظنك
بس يعنى مش عشان قلت عندى 27 سنه
يتقولى السيده منى وتعتبرنى عجوزه بقى
انا منى وبس
ماشى
تحياتى

منى said...

الربان
اشكرك على حسن ظنك
بس على فكره انا صحيح كان المفروض ابقى مدرسه فى مدرسه
لكن لسه محصلش انا بشتغل شغل مؤقت دلوقتى
دعواتك بقى
تحياتى

عبدالرحمن ياسين said...

السلام عليكم
معلش جيت متأخر ...
تاج جميل والإجابات أجمل ...
أنا لسة مجاوب على تاج زيو أول إمبارح عندي في مدونتي ...
تبقي تعالي شوفيه
تحياتي لكي

Whispers just for a Night said...

ساهم بتوقيعك في مطالبة الحكومة الهولندية بسن قوانين من شأنها حماية المسلمين من العبث بمقدساتهم الدينية خاصة ومن التجديف على الأديان عامة على الرابط التالي
http://kawlansadida.blogspot.com/2008/04/blog-post_21.html
وجزاكم الله عن إسلامكم خيراً

صاحب المضيفة said...

ربنا يسعدك على الاجابات الجميلة دي


بجد عشر نقاط رايقين وتحفة


دمت بسعادة

الفارس الملثم said...

انى لحد دلوقتى معرفش ازاى انزل صور فى البوست

ههههههههههه

طيب مش تقولي اعملك درس خصوصي في المدونة هنا , بس عليكي مصاريف الانتقال

سلام يا فندم

zOzO said...

اجابات كلها حلوه اوي

تاج حلو من احلي مني

انا بحب الاسم ده اوي علي فكره

تحياتي ليكي

وان شاء الله هشوفك قريب بس ياريت يكون قبل الامتحانات


سلاموووز يا احلي مني

ra7eel said...

منى

انا بحب التاجات جدا جدا

وخصوصا التاج ده بجد جميل
وبيعرفنا على حاجات اكتر فى بعض

ربنا يوفقك يارب وتكونى بخير دايما

مجداوية said...

السلام عليكم

معلش سامحينى جاية متأخرة بس انت عارفة أنا ليه اتأخرت ربنا يبارك فيك أختى الحبيبة وعظيم امتنانى لؤازرتك لى ولما قرأت التاج أيقنت ان الأخلاق الكريمة دى بتصدق على كل كلمة كتبتيها
ألبسك الله تاج الرفعة والعزة فى الدنيا والآخرة

تحياتى وامتنانى اختى الحبيبة

أحبك فى الله

منى said...

almasry
الله يكرمك
ده من ذوقك
انا اسفه جدا
ردى على تعليقك سقط سهوا فى موضعه واول ما اكتشفت جيت بسرعه عشان اعتذر
اسفه مره تانيه
وطبعا التاج تاجك
وهجيبه لحد عندك كمان
تحياتى

منى said...

عبد الرحمن
وعليكم السلام ورحمه الله وبركاته
انت معذور طبعا
اعداديه بقى
مرسيى يا جميل تاجك احلى
انا شفته
تحياتى

منى said...

whispers just for a night
انا وقعت فعلا
جزاك الله كل خير على مجهودك ووقتك
تحياتى

منى said...

صاحب المضيفه
عاش من شافك
ربنا يكرمك
مرسيى ليك
تحياتى

منى said...

الفارس الملثم
درس خصوصى
ماشى يا سيدى
بس اوعى يبلغوا عنك الضرائب
وعلى ايه مصاريف انتقال
ابعت لك الجمل بتاعى احسن
ههههههههه
تحياتى

منى said...

zozo
انتى الاحلى يا قمر
عارفه ده اسمى الحقيقى فعلا
بس له حكايه طويله
لما اشوفك احكيها لك
تحياتى يا جميل

منى said...

ra7eel
ايوه فعلا
التاج ده بيقربنا ويعرفنا ببعض
ومن اجلك ذلك
ادعوكى انستى
للاجابه عليه
سريعااااااا
تحياتى يا ساره

منى said...

مجداويه
ايه النور ده؟
كنتى عايزه تحرمينا من كلامك الحلو ووجودك الاحلى ده ازاى؟

حضرتك تيجى فى اى وقت
هتلقينى على باب المدونه
وفى ايدى احلى ورد
احبك الذى احببتنى فيه
وثبتنا الله على الايمان
وهدانا دوما لما يحب ويرضى
تحياتى واحترامى

kafrawy said...

احييكى على صراحتك و اخلاقك العالية

هيثم الدهشان said...

مبروك التاج
تحياتى

rara said...

اجبتك جميلة وبسيطة وربنا يوفقك
تحياتى

walaa said...

يااااه يا منى انت تربيه انجليزى وانا تربيه عربى
ايه رأيك يا منى نفتح معهد من اسكندريه للمنصوره وندى فيه دروس هههه
اجابتك جميله وشخصيتك اجمل يا منن
تحياتى ولاء

nonoymm said...

الله يبارك فيكي يا منمن
شخصية جديرة بالاحترام

almasry said...

بصى بقى انتى خبطينى تاج طلع من نفوخى انا هقولك انا كمان تاج بس أجمد من بتاعك وهو كله تخيل وأتمنى انك توافقى عليه .. ومش عاوز حد من الأخوه اللى بيعلقوا يعمله الا لما أطلب منه لو سمحتم

والأسئله

تخيل أنك أصبحت رئيسا للجمهوريه :
1_أول خمسة قرارات ستأخذها .
2-من هم أول خمسة وزراء ستعزلهم فور توليك مقاليد الحكم.
3_ما هى أول خمسة أماكن ستزورها عندما تصبح رئيسا للجمهوريه.
4_كون جمهوريه لنفسك ومن وزير الداخليه ومن وزير الخارجيه ومن وزير العدل ومن وزير التربيه والتعليم ومن وزير التعليم العالى (سواء من أصدقائك أو أقاربك).
5_من هم أول خمسة رؤساء ستقطع معهم العلاقات الدبلماسيه.
6_من هم أول خمسة دول ستنول عطفك واهتمامك ومساعدتك "باعتبارك دوله غنيه"

استراحة محمد said...

دى اول زيارة ليا هنا وان شاء الله ما تكنش الأخيرة
شخصيتك حالمة صادقة جميلة
تحياتى ليكى وشكرا على زيارتك مدونتى

منى said...

kafrawy
اشكرك اخى على حسن ظنك
تحياتى

منى said...

هيثم الدهشان
الله يبارك فيك
اتفضل
ميغلاش عليك
تحياتى

منى said...

rara
مرسيي يا جميل
تحياتى

منى said...

walla
ازيك يا ولاء
فكره هايله
خلينا نشطب البرج بقى
ههههههههههههههه
بس اوعى بتوع الضرائب يسمعوا
تحياتى يا قمر

منى said...

nonoymm
الله يبارك فيكى وفى اولادك
ده بس من ذوقك يا قمر
تحياتى

منى said...

almasry
حلو تاجك
بس انت قصدك انى اجاوبه
؟؟؟
ومحدش يجى جنبه اللى لما انت تديهوله
يعنى انا لو جاوبت مش اهديه لحد
نسميه تاج المصرى والمصرى حر فيه
ايه رايك؟
ههههههههههههههه
تحياتى

منى said...

استراحه محمد
اشكر لك حسن ظنك بس ده كتير عليه
تحياتى

dina said...

يا مين يلايمنى على اللى اخترع موضوع التاجات دا..و الله عبقرى
بجد انتى شخصية جميلة جدا و مميزة جدااااا و عجبتنى جدا ملاحظاتك على السيدة خديجة و سيدنا محمد عليه افضل الصلاة و السلام و اللى ربنا يجمعنى انا و انتى بيهم فى الجنة ان شاء الله و بجد انا شايفة انهم من اجمل قصص الحب اللى ممكن تكون حصلت فى الدنيا اصلا

كمان عجبنى اوى اشفاقك على المصابين بالحقد و الكراهية و حسيت ان مش كل الناس بتعرف تبص البصة دى لعيوب الاخرين..انهم مرضى و ربنا يشفى ..كل واحد بيدى لنفسه الحق انه يحكم على غيره مش فاهمة ليه

تحياتى يا منى و كل التوفيق ليكى يا رب

حاول تفتكرنى said...

مدونة جميلة
تعكس شخصية صاحبتها

تحياتي

رئـــــيسـة حزب الأحلام said...

صفات رائعة وجميلة

خبيب said...

إجابات جميلة

---

والأجمل إحساسك بالشفقة لا الكراهية لمن يحمل هذه الصفات :

ودع الحقود فإن حقده قاتله
فالنار تأكل بعضها إن لم تجد ما تأكله

مفقوعة مرارتي من حماتــــــــــــي said...

انا بحب اسم مني اوي علي فكرة
عمتي حبيبتي اسمها مني
وهي طيبة أوي
وانتي ذيها

bar2ash said...

اجاباتك جميله ويدل علي شخصيه حريريه نقيه
انا برقش
دي اول زياره للمدونه اللذيذه دي
اتمني تشرفيني في مدونتي

bar2ash said...

اجاباتك جميله ويدل علي شخصيه حريريه نقيه
انا برقش
دي اول زياره للمدونه اللذيذه دي
اتمني تشرفيني في مدونتي


bar2ash

shaimaa samir said...

انتى جميلة يا منى
اعزك الله

almasry said...

جميل قوى يامنى


بس انا عاوز اشوف إجاباتك

monaliza said...

ايه الشجاعة دى يامنمون انا بعتبر اللى بيقدر يتكلم عن نفسه عنده شجاعة فلذلك احييكى عليها تعرفى التاج جالى ومش عارفة اجاوب بس طبعا هحاول وربنا يستر
وعلى فكرة فيكى حاجات كتير حلوة
دمتى بخير

منى said...

dina
دينا
مش قادره اقولك انا اد ايه سعيده بتعليقك وكلامك الجميل
وشايفاه كتير اوى عليا
ربنا يسمع منك الدعاء الجميل ده
وبصراحه هو ده حلمى الحقيقى انى اكون معاهم فى الجنه
بس ربنا يوعدنا جميعا بالصحبه الحلوه دى
تحياتى

منى said...

حاول تفتكرنى
جزيت خيرا على حسن ظنك بى
تحياتى

منى said...

رئيسه حزب الاحلام
اشكرك جدا
وعلى فكره انا ممكن تعتبرينى عميده اعضاء الحزب
اصل نص حياتى احلام
تحياتى

منى said...

خبيب
شكرا لك اخى
ولندعو الله ان يعافينا من الحقد ويعفو عن المصابين به
تحياتى

منى said...

مفقوعه مرارتى من حماتى

ربنا يجبرك بخاطرك ويخليلك عمتك
ويبارك فيكم
ويهدى حماتك
هههههه
تحياتى

منى said...

bar2ash
اشكرك على حسن ظنك
وتعليقك الجميل جدا
تحياتى

منى said...

shaimaa samir
ربنا يكرمك يا قمر
ده بس من ذوقك
تحياتى

منى said...

almasry
حاضر
هجاوب
بس متزعلش ان اجلته شويه اصل عندى مواضيع وتاجات متاخره
بس ان شاء الله هجاوبه
واشكرك على اهدائك واهتمامك
تحياتى

منى said...

monaliza
ازيك يا جميل
عارفه انا دايما كده
اتكسف اوى ادخل اى موقف
لكن لما اكون مضطره او ابقى دخلت الموضوع خلاص
تلاقى اسد بيتكلم
ههههههههه
بس اوعى تخافى اسد اليف
تحياتى يا قمر

مجداوية said...

السلام عليكم

هو ده الطبيعى انك تكتبى قليل كده ؟؟؟

أنا بس حبيت أطمن عليك وألقى السلام

منى said...

مجداويه العزيزه
وعليكم السلام ورحمه الله وبركاته
فعلا انا بكتب قليل
اصل الوقت المتاح ليه محدود
والدونات اللى بحبها وبحب اهلها
كتييييييير
فلما يبقى فيه وقت فاضل انى اخليه لمتابعه المدونات التانيه
تصدقى فيه رساله مهمه بقالى شهر بالضبط مش فاضيه اكتبها
تقوليش سيده اعمال
هههههههه
ادعيلى اقدر اكتبها دلوقتى احسن العواقب تكون وخيمه
واخده بالك من وخيمه دى
عموما تسلمى يا غاليه على اهتمامك وسؤالك ربنا ميحرمنيش منك ويبارك فيكى

ammola said...

طبعا انتى عارفة انا متأخرة ليه
:)
وأنا أقول بحبك ليه بحبك ليه؟؟؟؟؟
بتحبى البحر وليل الصحرا
طيب كفاية دول عليا وانا أموت فيكى مش أحبك بس
تعرفى نفس الحكاية برضة باحب أقرا التاجات عند الناس بس باتكسف جدا أتكلم عن نفسى
كالعادة يا منمون..كلامك كله حلو

klmat said...

منى الجميله
اجابتك جميله زى شخصيتك
ربنا يسعدك ويوفقك
سامحينى على التأخير
بس اوعدك اقرا كل بوست واعلق عليه
لأن ارائك وموضوعاتك بتعجبنى اوى
خالص حبى وتقديرى

almasry said...

منى ايه شكلك مش قادره تجاوبى التاج ... ده احنا قلنا انك جامده قوى وانا عارف انك قدها وقدود وجاوبى وماتخافيش وقولى ورايا ولا حكومه تهم ولا سجن يلم

النجم القادم said...

اجاباتك حلوة

بس انتى ليكى تاج كده عندى هو المفروض اتنين بس انتى جاوبتى واحده اهوت منهم فتعالى خدى التانى

سكــر said...

ماشاء الله

قربتينا كتير من شخصيتك

اجابتك جميله

تقبلى مرورى

احمد سكر

رئـــــيسـة حزب الأحلام said...

تاج جميل مدومتك حلوة اوى تحياتى لكى منى

منى said...

حبيبتى اموله
حمد الله على السلامه
تعرفى لما كنت بجاوب التاج كان نفسى اهدى ليكى اوى بس خفت اكون بحرجك او تكسفينى لانى شيفاكى مش بتكلمى عن حاجات تخصك كتير
بس بجد نفسى اعرفك اكتر
بالمناسب البحر عندكم وكمان ليل الصحراء ده ان قضيته على بعد حوالى 60 كيلو من عندك
يعنى برضه صحرتكم
هههههههههه
يا رب دايما منوره عندى ودايما اكون فى قلبك
وانتى زى ما قلت قبل كده حته من قلبى
تحياتى وحبى

منى said...

كلمات
حبيبتى انا مقدرش ازعل منك
انا بس بقلق عليكى اوى
لانك غاليه عليه اوى
يا رب اكون دايما عند حسن ظنك
وما اتحرمش من طلتك الجميله ابدا
سلام يا احلى كلمات

منى said...

almasry
شكلك بتستفزنى عشان اجاوب
طيب ما انا قلت هجاوب
بس يرضيك عندى تاجين متاخرين وموضوع مستعجل هكتبه دلوقتى
مش ينفع اسبهم اكتر من كده
خد بالك انا مش برجع فى كلمه قلتها
يعنى اكيد هجاوب ان شاء الله
وبعدين خوف ايه يا عم
دانا بكتب فى الجورنال انيل من كده
ههههههه
بس مش بحب سياسه فى مدونتى عشان اسمها احاسيس
لكن همشيها المره دى عشان خاطرك
سلام

منى said...

النجم القادم
مرسيى ليك
يا تاجاتك يا نجم

ماشى يا عم
تم قبول التاج وسنوفيكم بالاجابه قريبا
تحياتى

منى said...

احمد سكر
حمد على السلامه
مرسيى جدا
اشكر لك تواجدك وتعليقك
تحياتى

منى said...

رئيسه حزب الاحلام
انتى الاحلى ياجميل
مرسيىجدا
تحياتى