Saturday, April 12, 2008

انا والعفريت

وانا مره قاعده لوحدى
سمعت صوت رهيب
بصيت بسرعه لقيت،
عفريت طويل مجنون
،راسم ايديه شجره
وعنيه كانت حمره
ورموشه نار قايده
. ماسك باديه سكينه
لكن عيونه حزينه
قرب شويه شويه
وبعدت انا فى ثانيه
رفع سكينته عليه
همس بشرور الدنيا
قالى انا جاى عشانك
لازم اخرس جنانك
بصيتله من فوق لتحت
لقتنى دوخت وتهت
قلتله يا جميل
يا ابو العيون السود
مالك كده مخبول
ومعلق الكتكوت
صرخ فى وشى وزعق
وجريت انا لبعيد
اتريه سكت وعيط
ورجعت انا ومشيت
ووصلتله ومسحت له دمعه الكتير
وسالته ايه سبب بكاك يا كبير؟
قالى وعنيه الحمره بقت بلون الليل
انا كنت زمان انسان
طيب وقلبى كبير
لكن ظلمنى الحبيب
وخاننى اقرب صديق
رديت بقلب حزين
مسكين مسكين مسكين
وقعدت جنبه بكيت
وسالنى بصوت رقيق
قالى بتبكى ليه
قلت على غدر الصديق
قالى حسيتى بيه
قلتله ايوه حسيت
رمه سكينه بعيد
ورجع انسان جديد
ونسى كل اللى فات
واقسى الذكريات
وباعلى صوته ندهنى
اوعى تنسينى تانى
قلت اللى يدخل قلبى
عمره ما يخرج يا غالى

101 comments:

رفقة عمر said...

حمدا لله على سلامتك فينك من زمان
جميله كالعادة كلماتك
دة احساس القلب الصادق فعلا
من يدخله صعب قوى يخرج منه

أحمد بكر said...

لذيذه و فيها طفوله
تحياتى

موناليزا said...

ياه يامنمن حمدا الله ع السلامة ياقمر
الكلمات سهلة اوى وبتحمل معنى كبير
بالتوفيق دائما

ammola said...

الله عليكى
فعلا الغدر وخيانة الحبيب ممكن يحولوا البنى آدم لنسخة مشوهة..أو يعملوا منه شاعر
يارب أكون دخلت قلبك زى ما انتى دخلتى قلبى يا منى

(احمد سكر ) said...

ماشاء الله
حروفك جميله جدا

صادقه جدا

معبره جدا

جدا جدا جدا

تحياتى احمد سكر

mohammed alsha3r said...

ايه الاحساس العالى دا بتاع العفاريت

ياريت البنى أدمين كلهم يكونوا عفاريت

وربنا يهديهم

الربان said...

تحياتي

اعتقد ان الانسان يمكن يتحول الي شيطان،
و نعوذ بالله من ذلك ، إذا مر بتجربة قاسية بها من الغدر او إهدار الكرامة.

نسأل الله المعافاة.

تحياتي و تقديري

بحبك يامصر said...

مسحتى دموع العفريت؟
دا انتى كده يتخاف منك
هههههههه
الكلمات حلوه وجميله
الانسان من الظلم ممكن
يتحول لانسان اشيه بالعفريت
انسان مخيف
تحياتى

سلوى said...

أخير يا منى
بوست جديد

وعفريت كمان

جميل يا منى
حلوة الكلمات وحلو اللي بين السطور

دمتي بكل خير يا منمن
بلاش لولو المرة دي

وماتغيبيش تاني

The Queen said...

خيانة أقرب قريب مؤثرة جدا وبتغير كتير في الانسان خصوصا اذا كنت بتدي باخلاص ومن غير حساب الجرح بيكون عميق وبيترك أثر في حياتك صعب تتخلص منه بسهولة

تحياتي لقلمك الرائع

هبههههووب said...

اذيك يا منمن
ايه الاحساس العالى دا
حلوة اوى الفكرة
رغم انى اترعبت شويه
لكن ف الاخر فرحت
وكانت نهايه جميله
ربنا يبعد عنا اى غدر قريب او غريب
ونعيش ف سلام وأمان
تسلم يدك يا منى يالى كلك احاسيس

الفارس الملثم said...

جميل اوي المعني في هذه الخاطرة , وكل انسان داخله الخير والشر , وعلينا ان نلمس الجانب الخير داخل الانسان مهما بدا ما يحمله في قلبه من شرور..

تحياتي
محمد

"النجم القادم" said...

السلام عليكم

الله ينور ايه الكلامات الجميلة دى

ربنا يباركلك يارب

بجد عجبتنى جدا وفيها كلام اكثر من الرائع

وعلى راى اخونا الشاعر ياريت البنى ادمين يبقوا كده

بجد ياريت يبقوا كده

صالح سعيد said...

ايه الجمال ده يا جدعان
بجد كلماتك حلوه بدون مبالغه او مجامله
ربنا يزيدك ويوفقك
تحياتى

WhItE HeArT said...

ايه كمية العفاريت دي


قلقتيني عليكي

فكرته بجد وله حاجة ههههههه


بس خيالك وسع منك قوي بأه غدر حبيب وجرح صديق يقلبوا الانسان لعفريت ومجرد كلمة هاديه رجعته انسان طبيعي خياليه اوي بس تتحس اوي اوي


تحياتي

مشمش said...

جميلة اوي وبريئة لايقة عليكي
تحياتي ليكي
مدونة جميلة

منى said...

رفقه عمر
رفقه الجميله
الله يسلمك
انا هنا فى الدنيا معاكم
ربنا يكرمك
وميحرمنيش منك ابدا
تحياتى

منى said...

baker
عندك حق اصلى كتباها من زمان
تحياتى

منى said...

monaliza
الله يسلمك يا حبيبتى
ربنا يكرمك
ودايما تنورينى
تحياتى

منى said...

اموله
انا اسفه
مش هقدر اغشك
واقول انك دخلتى قلبى
لانك

خلاص


بقيتى








حته من قلبى

منى said...

سكر
اسعدتنى جدا
واشكرك
جدا
جدا
جدا
تحياتى

منى said...

mohammed elsha3r
ايوه
المهم فى الاخر
ان ربنا يهديهم
ويهدينا
تحياتى

منى said...

الربان
بالفعل هذا ما اقصده
او ما شاهدته بالفعل
اللهم تقبل دعواتك
ويجزيك كل خير
تحياتى

منى said...

بحبك يا مصر
لاء لاء
متخافش
لبقى بس بسمل وانت داخل المدونه
ههههههههه
تحياتى

منى said...

salwa
اه.. اخيرا يا لولو
ايوه المهم اللى بين السطور
واللى بين النفوس
تحياتى يا جميل

منى said...

the queen
عندك حق
صعب اوى ومر اوى الاحساس ده
ربنا يعافينا ويعفو عنا
تحياتى

منى said...

هبهههههوب
سلامتك من الرعب يا قمر
وربنا يفرحك دايما
وياريت تبقى النهايه سعيده على طول
ربنا يسمع منك ويكرمك ويفرحك دايما
تحياتى

منى said...

الفارس الملثم
فعلا فلنحاول ان نلمس جانب الخير
ونلتمس لبعض الاعذار
بدلا من تصيد الاخطاء
كى تصبح الحياه افضل
تحياتى

منى said...

صالح سعيد
ربنا يكرمك
تعليقك اسعدنى بجد
تحياتى

منى said...

white heart
يمكن تكون واسعه شويه زى ما بتقول
بس انا اتعودت
اكتب اللى جوايا من غير ما اغير كلمه ولا معنى
بحط القلم على الورق وهو يكتب لوحده
بحس لو غيرت حاجه انى بكذب
بس الحقيقه ده بيحصل
لكن اكيد بياخد وقت طويل
وطويل جدا كمان
يمكن فى الخاطره دى كان الكلمه الهاديه دى مجرد كنايه عن السلوك اللى المفروض نتبعه
تحياتى

منى said...

النجم القادم
وعليكم السلام ورحمه الله وبركاته
الله ينور عليك
ايه ده انتم عايزينهم كلهم عفاريت؟
وانا بقى فاضيه ولا ايه؟
ولا هتسعدونى فى حدوته العفاريت دى؟ه
هههههههه
ربنا يهدينا ويهديهم
تحياتى

منى said...

مشمش
مرورك هو الاجمل عزيزتى
تحياتى

عــلاء ســالـــم said...

السلام عليكم

الله عليكي بجد والله
كلمات جميله فعلاً والفكرة أجمل وأجمل

كنت فاكرها في الأول قصيدة رعب
ههههههههههههههه
بس بجد لقيت فيها معاني كبيرة و قيمة

خالص تحياتي

Gannah said...

منى أول مرة أدخل مدونتك بس هى فعلا اسم على مسمى و كلها أحاسيس و احنا محتاجين نتكلم عن المشاعر علشان مننساش انسانيتنا فى زحمة الحياة. اكيد الغدر شعور قاسى و محدش يتمنى يجربه و خصوصا من صديق. تقبلى تحياتى

مدحت محمد said...

ايه الجميل ده
تعرفى فعلا المواقف هى اللى بتقسى الانسان
من خداع صديق او حبيب او غيره
اوعى تحاولى بعد مارجعتيه انسان يرجع عفريت تانى
انتى وعدتيه
بتغيبى وترجعى
بااجمل البوستات
تحياتى

walaa said...

ايه الكلام الجميل ده يا منى احساسك عالى والله
بس فى ناس لازم تطلع من القلب لانها متستهلش انها تدخل القلب من اصله
تحيانى ولاء

مدحت محمد said...

ليكى تاج عندى يامنى
روحى استلميه

الراقـــص مع الذئـــــاب said...

السلام عليكم
اخيرا افتكرتينا يا مني
بس ايه العودة الجامدة ديه

لخصتي حجات كتيرة في كلام بسيط ولذيذ

جزاك الله خيرا

ومتبقيش تغيبي كتير


سلام

Mona Shereif said...

رائعة يا منمونه

الصراحه انا دخلت على مدونتك علشان لقيت اسمك منى:D

لا وكمان طلعنا زمل - قصدى فى التخصص يعنى - بس عموما انا بعمل تربوى يعنى برضه زمل هههههههههه

بجد مدونتك تحفه اوى
تحياتى

son's egypt said...

السلام عليكم
غدر الصديق لصديقة يضع في القلب حزن كبير

استراحة محمد said...

لما يكون الكلام والألفاظ رائين
كمان الوزن سليم
والفكرة روعة وعميقة
يبقى اكيد البوست رائع
تحيات خالصة

shaimaa samir said...

جامدة
احاسيس عفريت
انا حسيت
ان ناس كتير بتعمل فى نفسها كدة
بمعنى
قعدت فترة فىالكلية
الاقى كل واحدة تقول
الطيب مينفعشى يعيش فى الدنيا دى
الصحاب وحشين
والناس مش عارفةايه
بحس انهم بيشوهو فطرتهم بايديهم
الطيبة
والتسامح جوانا
احنا اللى بنزرع المعانى اللى مش كويسة
والدليل
انه اول ما لاقى حد طيب
بكى
والبكاء ده
اعلى احساس

احييكى حبيبتى
على كلماتك الجميلة

منى said...

علاء سالم وعليكم السلام ورحمه الله وبركاته
ربنا يكرمك يارب ويجبر بخاطرك
وشرف ليا ان كلماتى تعجبك
تحياتى

منى said...

gannah
ربنا يخليكى
انتى كلك ذوق
فعلا محتاجين مشاعرنا
محتاجين نحس ببعض وتفكر فى غيرنا
اتمنى تكرار الزياره
تحياتى

منى said...

مدحت محمد
ربنا يخليك يا مدحت
دايما رافع معنوياتى
لاء متخافش
انا مصدقت رجع انسان
ادعيلى بس انجح مع باقى العفاريت
ههههههههههه

ومرسىى ياعم على التاج
ان شاء الله اجاوبه
تحياتى

منى said...

walaa
اهلا يا قمر منورانى والله
ربنا يخليكى على كلامك الجميل
ويارب كل الناس اللى نقابلهم يكونوا يستهلوا يدخلوا القلب
لان الدنيا تبقى اجمل بكتير لو نحب كل اللى نعرفهم
تحياتى

منى said...

الراقص مع الذئاب
انا مقدرش انسى المدونه ولا اخوانى واخواتى المدونين ابدا
هو زى ما تقول كده
مش عارفه ايه
ههههههه
جزيت خيرا على تعليقك الجميل ان شاء الله مش اغيب
بس انت كمان متطولش فى الهدنه بتاعتك
تحياتى

منى said...

sometimes
مرورك هو الاروع يا قمر
يشرفنى نكزن زمل
واسعدنى ان المدونه عجبتك
وياريت نشوفك كتير
تحياتى

منى said...

sons of egypt
وعليكم السلام ورحمه الله وبركاته
كفانا لله واياكم الغدر
فينك من زمان
تحياتى

منى said...

استراحه محمد
ايه الكلام الجميل ده
ربنا يكرمك
زورونا تجدوا مايسركم
مرسيى لك جدا
تحياتى

منى said...

shaimaa samir
احييكى على تحليلك الرائع
فعلا
ليه نستسهل و نقول الدنيا وحشه والناس وحشين
ليه منحاولش نقرب منهم
يمكن محتاجين حد يطبطب
حد يواسى
ولما كل واحد يقول الناس وحشه
يبقى فين الناس الطيبه
صحيح احنا مش ملايكه
بس كل واحد فينا جواه حاجه او حاجات جميله
بس المهم اللى يصبر ويحاول يخلى الحاجه الحلوه دى تطلع
واكيد ربنا مش هيخذله طالما قصده خير
تحياتى وتقديرى

مجداوية said...

السلام عليكم

هل هناك تحفظ منك على تعليقى فأنت لم تنشريه فهل لى أن اعرف السبب !!!فأنا كتبت مدحا رأيت انك تستحقيه
أريد أن أعرف للعلم فقط وللفضول ؟؟

منى said...

مجداويه
وعليكم السلام ورحمه الله وبركاته
يارب تكونى لسه موجوده وتشوفى ردى بسرعه
انا متضايقه جدا انك زعلانه
انا اسفه والله
بس انا مش بتدخل فى التعليقات
ولا حتى اعرف خاصيه التحكم فى التعليق قبل نشره دى بتتعمل ازاى
انا مشفتش التعليق اللى بتقولى عليه
يجوز كان فيه مشكله فى النت وهو موصلش اصلا
انا يمكن لسه مشفتش مدونه حضرتك
لكن بشوف تعليقاتك عند مدونين محترمين
وبتعجببنى جدا
ويشرفنى انك تزورنى
ويزيدنى شرف انك تمدحينى
بس اوعى تظنى انى احذف تعليقك ابدا
ياريت لو شفتى ردى تعرفينى لانى هفضل تعبانه لحد ما اتاكد انك خلاص مش زعلانه منى
ارجوكى

مجداوية said...

السلام عليكم

تقريبا اختى الكريمة التعليق لم يصلك لسبب ما فى النت ,,لكن طبعا حصل خير ,,
والحمد لله ان مفيش سبب من عندك لأنى فعلا أعجبت بما تكتبين فلاعجاب متبادل والقلوب عند بعضها وأنا مكنتش زعلانة بمعنى الزعل أنا بس كنت مستغربة
واذا عرف السبب بطل العجب وأحمد الله أيضا ان هذا السبب كان سببا لتشرفينى بالزيارة فوجودك يشرفنى
أدام الله الود والحب فى الله أختى الكريمة

ودائما على خير باذن الله

secret-love said...

بجد كلام رائع جدا وحلو اوى انك صورتى العفريت الوحش بانه اصبح سىء بسبب غدر الصداقه والحب
وعلى فكره كويس جدا ان الواحد يقول اللى جواه عن طريق الكتابه بامانه ان بحب المدرسه ده وانا واحدمنها
تحياتى اليك

قلم رصاص said...

السلام عليكم
ما شاء الله أحاسيس جميلة
وكلمات رائعة
بارك اله فيكي

khobayb said...

فعلا ..

غدر الصديق كفيل بتحويل أطيب الناس إلى عفريت

يا ريت الأصدقاء يفهموا

klmat said...

الله عليكى يامنى الكلام جميل
والفكره كمان الحاله النفسيه بتأثر
على الانسان ممكن الغدر يحوله الى ضعف واستسلام او انتقام والحنيه والطيبه
والحب ممكن يكون لها تاثير عجيب
تسلم ايدك وافكارك
خالص حبى وتقديرى

منى said...

مجداويه
وعليكم السلام ورحمه الله وبركاته
الحمد لله على كل حال
على فكره انا فضلت قاعده على الكمبيوتر لحد ماشوفت ردك هنا وفى مدونتك عشان بجد كنت زعلانه اوى انك اول مره تشرفينى يحصل كده
والحمد لله زى ما قلتى حصل خير
واشكرك على رايك فى مدونتى
ويارب تفضلى منوره عندى كده على طول
اما انا معتقدش انى ممكن اسيب مدونتك تانى ده بعد اذنك طبعا
تحياتى واحترامى

منى said...

secret_love
اشكرك جدا
وان كنت اظن ان العفريت يتحمل بعض الذنب
فهو كان ضعيف من البدايه فلم يصمد امام جراحه واستسلم للاحزان التى جعلت منه وحش قاسى حتى وجد من يضمد جراحه
ترى هل يمكن ان يعود وحشا من جديد؟؟؟
تحياتى

منى said...

قلم رصاص
وعليكم السلام ورحمه الله وبركاته
مرسيى جدا على الاطراء
جزيت خيرا
تحياتى

منى said...

خبيب
معك حق
ليتهم يفهموا
ليتهم يعرفوا
تحياتى

منى said...

klmat
تسلمى يا جميله
عندك حق طبعا
يارب يكون احبابك فى طريقك دايما
ويبعد عنك كل شر
تحياتى وحبى

zemos said...

الله... قولي كمان
:)

سنووايت said...

والعفريت فتح لك قلبه كدة علي طول , اكيد علشان مدتيله ايدك وفتحتي له قلبك واديتيك فرصة يتكلم ويقول اللي جواه
ياريت كلنا نعمل كدة
لذيذة جدا الكلمات

فتوح أبو المفاتيح said...

بس مش في كل الحالات الجني الكبير المتوحش
بيرجع بني آدم حلو ولطيف المعشر
ممكن يفضل شرير
ومش مصدق غن فيه حد ممكن يحبه
أو يصدق إن فيه ح
يستاهل في الدنيا دي
بس كويس انك قدرت تقنعي الجني انه يرجع كويس و طيب و أمووور

يلا خير
اكيد عشان انت كدا
محدش عارف الخير فين
وربنا يوفق الجميع
سلااااااااام

snohe said...

صديقتى
اسلوبك جميل
انتى فكرتينى بروايه( شبح الاوبرا ) هى ايضا احبت شبحا واحبها
شكرا
انا كمان من المنصوره

عبدالرحمن الشافعي said...

عودا حميدا ...
بس ماشاء الله ....كلام جميل ..
إنتم يابتوع الشعر ....بتجيبوا الكلام ده منين ؟؟؟؟
أنا لما بكون عاوز أكتب شعر بعد فيه على الأقل شهرين علشان يطلع حلو ...
ماشاء الله
أنا مش بحسد ...هعهعههععهه

المهم حمدا لله على السلامة ,,,,
تحياتي لكي

المستنصر بالله said...

ما شاء الله الفكرة جميلة والكلام اجمل

رحــــيـل said...

ههههههههه

ايه يامنى انتى شكلك مكنش حد بيحكيلك حكايات وانتى صغيرة

فقولتى تحكيلنا

بس تعرفى بجد دمها خفيف جدا وفكرتها حلوه قوى

قد ايه بجد غدر الاصحاب والدنيا بيعمل اكتر من كده

تحياتى وحبى لكى

ammola said...

ازيك يا منمونة
يا ريت تقومى بزيارة لمدونة"قولا سديدا"أعتقد ان فيها أمر ممكن يهمك
اللينك عندى فى آخر بوست نزلته
سلام يا جميلة

zOzO said...

بجد بجد
حلو
ما شاء الله
عجبتني تشبيهك ده
تسلم ايديكي
واتمني انك تكوني كويسه
تحياتي
علي فكره رحيل مش قالت حاجه غير اننا بلديات وبس
هههههههههههههههههه

ياقوت الأزهري said...

ايه اللى انتى كتباه ده
ان كنت فاكر وانسيت
مش عرف ايه اللى جابنى
ايوة افتكرت
انا كنت جاى اعلق




بس مش لاقى كلام ااقوله


استمرى وربنامعك

مع السلامة

عاشــــــ النقاب ـقــــة"نونو" said...

اللي يدخل قلبي مش ممكن يطلع تاني
هههههههههههههههههه
في الزمن دة صعب اوي للاسف
كلامك جميل ربنا يبارك فيكي
هتاابعك باذن الله
تحياتي

جيهان علي said...

السلام عليكم ورحمة الله وبركاته

كتير بنسمع عن ناس اتحولت لقمة الشر بعد ما كانوا في غاية الطيبة وده بيحصل بعد تعرضهم لظروف قاسية كتير ورغم إني مش موافقة على التحول ده وأفضل الصبر والقلب الطيب لكن التحول بيحصل للاسف
وياريت كل واحد يلاقي قلب طيب يقف جنبه في بداية تحوله حتى يعود لطبيعته

جميل ما كتبته يداكِ

Anonymous said...

الله عليكي
الي يدخل القلب ما بطلع منو
رائعه
دمت

روري

dina said...

الله
الفكرة تجنن بجد و جديدة جدا جدا....معاكى حق يا منى..كتير اوى مننا ظلم الناس ليه و غدرهم بيه بيخليه يوصل لحالة كان لا يمكن يتخيلها و الحل دايما اننا نلاقى حد صادق جنبنا
تحياتى

Unknown said...

صعب جدا وما اقساه على الانسان غدر الصحاب والاحباب

جميلة كلماتك
تقبلى تحياتى

سبهللة said...

بجد هايلة
تحياتى وبالتوفيق ان شاء الله

منى said...

moro
ماشى يا سيدى هقول كمان
تحياتى

منى said...

سنووايت
اه ياريت لو كلنا نعمل كده والعفاريت كمان يتحولوا
كده
بس ربنا يكرمنا

منى said...

فتوح ابو المفاتيح
عندك حق مش دايما هيقدر يرجع تانى انسان
لكن لو احنا ندعيله من قلبنا ونصبر
اكيد ربنا مش هيخذلنا
تحياتى

منى said...

snohe
هلا يا بلدياتى
للاسف مقراتش الروايه دى
يمكن تشبه الجميله والوحش
ان شاء الله اجيبها واقراها
تحياتى

منى said...

عبد الرحمن ياسين
الله يسلمك
وكل سنه وانت طيب

ما قولت من زمان بنجيبه من عند بتاع الشعر
هههههه
بس يا عم دى مجرد خواطر
شهرين بحالهم
انت بتتقن اوى
ههههههه
تحياتى

منى said...

المستنصر بالله
ربنا يكرمك ويوفقك
تحياتى

منى said...

ra7eel
يا بنتى دانا اتهريت حواديت
هما كانوا عندهم حد غيرى يحكولوا
انا دلوقتى بقيت بالف وارتجل كمان
هههههههه
مرسىى يا جميل ودايما منورانى
تحياتى

منى said...

ammola
انا اسفه انا يبدو انى اتاخرت اوى فى الرد
ان شاء الله حالا هروح
تحياتى

منى said...

zozo
تسلمى يا قمر
انا الحمد لله بخير
وان شاء الله اشوفك قريب
تحياتى

منى said...

ياقوت
انت اتخضيت ونسيت ولا ليه؟
ربنا يكرمك
تحياتى

منى said...

nonoymm
يشرفنى طبعا انك تتابعينى
بس مهما كان الزمن صعب لسه فيه قلوب مش بتعرف تكره
تحياتى

منى said...

جيهان على
كلامك جميل وعندك حق فيه
ياريت نقدر نصبر
وياريت محدش فينا يتعرض للى يخليه يبقى وحش
تحياتى

منى said...

meto&roree
ربنا يكرمك يارب
تحياتى

منى said...

dina
مرسيى جدا ليكى
سعيده اوى انها عجبتك
كلامك جميل اوى
تحياتى

منى said...

whispers just for a night
جايه حالا ان شاء الله
جزيت كل الخير
تحياتى

منى said...

هيثم الدهشان
فعلا ما اقساه
اشكرك اخى
تحياتى

منى said...

سيهلله ع الاخر
مرسيى جدا
جزيت خيرا
تحياتى

بنات صاحبة الجلالة said...

لذيذة اوي كلماتك يامني واجمل مافيها اللي دخل قلبي عمره مايخرج ياغالي حلوة اوى

تقبلي مرورنا

لكي تحياتنا

بنت مصريه said...

الجميله والوحش
حلو قوى فيلم الكرتون ده
حسسنى زى ما اكون اليس ف بلاد العجايب
احييكى واتمنى تنورينى

L.G. said...

حتى العفريت يا عفريته
خلتيه يعيط :))
مش عارفة التاج وصفك ببساطة بس عجبني الموضوع ده قلت اشوف آخرته ايه مين حيقتل التاني
لقيت الموضوع أخذ منحى مختلف تماما
حواري مع العفريت
ربنا يحفظنا

ياسر said...

انا كنت زمان انسان
طيب وقلبى كبير
الكلمات جميلة ووصفها
متميز والانسان من كتر
الظلم والاسية ممكن يكون
اكتر من عفريت صعب انة
يقدر يسيطر علي اعصابة
او نفسة
تقبلي مروري

فائق احترامي وتحياتي
ياسر

Dr. Ibrahim said...

هههههههههههههههههه حلو الحوار اللذيذ ده
د/هيما