وانا مره قاعده لوحدى
سمعت صوت رهيب
بصيت بسرعه لقيت،
عفريت طويل مجنون
،راسم ايديه شجره
وعنيه كانت حمره
ورموشه نار قايده
. ماسك باديه سكينه
لكن عيونه حزينه
قرب شويه شويه
وبعدت انا فى ثانيه
رفع سكينته عليه
همس بشرور الدنيا
قالى انا جاى عشانك
لازم اخرس جنانك
بصيتله من فوق لتحت
لقتنى دوخت وتهت
قلتله يا جميل
يا ابو العيون السود
مالك كده مخبول
ومعلق الكتكوت
صرخ فى وشى وزعق
وجريت انا لبعيد
اتريه سكت وعيط
ورجعت انا ومشيت
ووصلتله ومسحت له دمعه الكتير
وسالته ايه سبب بكاك يا كبير؟
قالى وعنيه الحمره بقت بلون الليل
انا كنت زمان انسان
طيب وقلبى كبير
لكن ظلمنى الحبيب
وخاننى اقرب صديق
رديت بقلب حزين
مسكين مسكين مسكين
وقعدت جنبه بكيت
وسالنى بصوت رقيق
قالى بتبكى ليه
قلت على غدر الصديق
قالى حسيتى بيه
قلتله ايوه حسيت
رمه سكينه بعيد
ورجع انسان جديد
ونسى كل اللى فات
واقسى الذكريات
وباعلى صوته ندهنى
اوعى تنسينى تانى
قلت اللى يدخل قلبى
عمره ما يخرج يا غالى
101 comments:
حمدا لله على سلامتك فينك من زمان
جميله كالعادة كلماتك
دة احساس القلب الصادق فعلا
من يدخله صعب قوى يخرج منه
لذيذه و فيها طفوله
تحياتى
ياه يامنمن حمدا الله ع السلامة ياقمر
الكلمات سهلة اوى وبتحمل معنى كبير
بالتوفيق دائما
الله عليكى
فعلا الغدر وخيانة الحبيب ممكن يحولوا البنى آدم لنسخة مشوهة..أو يعملوا منه شاعر
يارب أكون دخلت قلبك زى ما انتى دخلتى قلبى يا منى
ماشاء الله
حروفك جميله جدا
صادقه جدا
معبره جدا
جدا جدا جدا
تحياتى احمد سكر
ايه الاحساس العالى دا بتاع العفاريت
ياريت البنى أدمين كلهم يكونوا عفاريت
وربنا يهديهم
تحياتي
اعتقد ان الانسان يمكن يتحول الي شيطان،
و نعوذ بالله من ذلك ، إذا مر بتجربة قاسية بها من الغدر او إهدار الكرامة.
نسأل الله المعافاة.
تحياتي و تقديري
مسحتى دموع العفريت؟
دا انتى كده يتخاف منك
هههههههه
الكلمات حلوه وجميله
الانسان من الظلم ممكن
يتحول لانسان اشيه بالعفريت
انسان مخيف
تحياتى
أخير يا منى
بوست جديد
وعفريت كمان
جميل يا منى
حلوة الكلمات وحلو اللي بين السطور
دمتي بكل خير يا منمن
بلاش لولو المرة دي
وماتغيبيش تاني
خيانة أقرب قريب مؤثرة جدا وبتغير كتير في الانسان خصوصا اذا كنت بتدي باخلاص ومن غير حساب الجرح بيكون عميق وبيترك أثر في حياتك صعب تتخلص منه بسهولة
تحياتي لقلمك الرائع
اذيك يا منمن
ايه الاحساس العالى دا
حلوة اوى الفكرة
رغم انى اترعبت شويه
لكن ف الاخر فرحت
وكانت نهايه جميله
ربنا يبعد عنا اى غدر قريب او غريب
ونعيش ف سلام وأمان
تسلم يدك يا منى يالى كلك احاسيس
جميل اوي المعني في هذه الخاطرة , وكل انسان داخله الخير والشر , وعلينا ان نلمس الجانب الخير داخل الانسان مهما بدا ما يحمله في قلبه من شرور..
تحياتي
محمد
السلام عليكم
الله ينور ايه الكلامات الجميلة دى
ربنا يباركلك يارب
بجد عجبتنى جدا وفيها كلام اكثر من الرائع
وعلى راى اخونا الشاعر ياريت البنى ادمين يبقوا كده
بجد ياريت يبقوا كده
ايه الجمال ده يا جدعان
بجد كلماتك حلوه بدون مبالغه او مجامله
ربنا يزيدك ويوفقك
تحياتى
ايه كمية العفاريت دي
قلقتيني عليكي
فكرته بجد وله حاجة ههههههه
بس خيالك وسع منك قوي بأه غدر حبيب وجرح صديق يقلبوا الانسان لعفريت ومجرد كلمة هاديه رجعته انسان طبيعي خياليه اوي بس تتحس اوي اوي
تحياتي
جميلة اوي وبريئة لايقة عليكي
تحياتي ليكي
مدونة جميلة
رفقه عمر
رفقه الجميله
الله يسلمك
انا هنا فى الدنيا معاكم
ربنا يكرمك
وميحرمنيش منك ابدا
تحياتى
baker
عندك حق اصلى كتباها من زمان
تحياتى
monaliza
الله يسلمك يا حبيبتى
ربنا يكرمك
ودايما تنورينى
تحياتى
اموله
انا اسفه
مش هقدر اغشك
واقول انك دخلتى قلبى
لانك
خلاص
بقيتى
حته من قلبى
سكر
اسعدتنى جدا
واشكرك
جدا
جدا
جدا
تحياتى
mohammed elsha3r
ايوه
المهم فى الاخر
ان ربنا يهديهم
ويهدينا
تحياتى
الربان
بالفعل هذا ما اقصده
او ما شاهدته بالفعل
اللهم تقبل دعواتك
ويجزيك كل خير
تحياتى
بحبك يا مصر
لاء لاء
متخافش
لبقى بس بسمل وانت داخل المدونه
ههههههههه
تحياتى
salwa
اه.. اخيرا يا لولو
ايوه المهم اللى بين السطور
واللى بين النفوس
تحياتى يا جميل
the queen
عندك حق
صعب اوى ومر اوى الاحساس ده
ربنا يعافينا ويعفو عنا
تحياتى
هبهههههوب
سلامتك من الرعب يا قمر
وربنا يفرحك دايما
وياريت تبقى النهايه سعيده على طول
ربنا يسمع منك ويكرمك ويفرحك دايما
تحياتى
الفارس الملثم
فعلا فلنحاول ان نلمس جانب الخير
ونلتمس لبعض الاعذار
بدلا من تصيد الاخطاء
كى تصبح الحياه افضل
تحياتى
صالح سعيد
ربنا يكرمك
تعليقك اسعدنى بجد
تحياتى
white heart
يمكن تكون واسعه شويه زى ما بتقول
بس انا اتعودت
اكتب اللى جوايا من غير ما اغير كلمه ولا معنى
بحط القلم على الورق وهو يكتب لوحده
بحس لو غيرت حاجه انى بكذب
بس الحقيقه ده بيحصل
لكن اكيد بياخد وقت طويل
وطويل جدا كمان
يمكن فى الخاطره دى كان الكلمه الهاديه دى مجرد كنايه عن السلوك اللى المفروض نتبعه
تحياتى
النجم القادم
وعليكم السلام ورحمه الله وبركاته
الله ينور عليك
ايه ده انتم عايزينهم كلهم عفاريت؟
وانا بقى فاضيه ولا ايه؟
ولا هتسعدونى فى حدوته العفاريت دى؟ه
هههههههه
ربنا يهدينا ويهديهم
تحياتى
مشمش
مرورك هو الاجمل عزيزتى
تحياتى
السلام عليكم
الله عليكي بجد والله
كلمات جميله فعلاً والفكرة أجمل وأجمل
كنت فاكرها في الأول قصيدة رعب
ههههههههههههههه
بس بجد لقيت فيها معاني كبيرة و قيمة
خالص تحياتي
منى أول مرة أدخل مدونتك بس هى فعلا اسم على مسمى و كلها أحاسيس و احنا محتاجين نتكلم عن المشاعر علشان مننساش انسانيتنا فى زحمة الحياة. اكيد الغدر شعور قاسى و محدش يتمنى يجربه و خصوصا من صديق. تقبلى تحياتى
ايه الجميل ده
تعرفى فعلا المواقف هى اللى بتقسى الانسان
من خداع صديق او حبيب او غيره
اوعى تحاولى بعد مارجعتيه انسان يرجع عفريت تانى
انتى وعدتيه
بتغيبى وترجعى
بااجمل البوستات
تحياتى
ايه الكلام الجميل ده يا منى احساسك عالى والله
بس فى ناس لازم تطلع من القلب لانها متستهلش انها تدخل القلب من اصله
تحيانى ولاء
ليكى تاج عندى يامنى
روحى استلميه
السلام عليكم
اخيرا افتكرتينا يا مني
بس ايه العودة الجامدة ديه
لخصتي حجات كتيرة في كلام بسيط ولذيذ
جزاك الله خيرا
ومتبقيش تغيبي كتير
سلام
رائعة يا منمونه
الصراحه انا دخلت على مدونتك علشان لقيت اسمك منى:D
لا وكمان طلعنا زمل - قصدى فى التخصص يعنى - بس عموما انا بعمل تربوى يعنى برضه زمل هههههههههه
بجد مدونتك تحفه اوى
تحياتى
السلام عليكم
غدر الصديق لصديقة يضع في القلب حزن كبير
لما يكون الكلام والألفاظ رائين
كمان الوزن سليم
والفكرة روعة وعميقة
يبقى اكيد البوست رائع
تحيات خالصة
جامدة
احاسيس عفريت
انا حسيت
ان ناس كتير بتعمل فى نفسها كدة
بمعنى
قعدت فترة فىالكلية
الاقى كل واحدة تقول
الطيب مينفعشى يعيش فى الدنيا دى
الصحاب وحشين
والناس مش عارفةايه
بحس انهم بيشوهو فطرتهم بايديهم
الطيبة
والتسامح جوانا
احنا اللى بنزرع المعانى اللى مش كويسة
والدليل
انه اول ما لاقى حد طيب
بكى
والبكاء ده
اعلى احساس
احييكى حبيبتى
على كلماتك الجميلة
علاء سالم وعليكم السلام ورحمه الله وبركاته
ربنا يكرمك يارب ويجبر بخاطرك
وشرف ليا ان كلماتى تعجبك
تحياتى
gannah
ربنا يخليكى
انتى كلك ذوق
فعلا محتاجين مشاعرنا
محتاجين نحس ببعض وتفكر فى غيرنا
اتمنى تكرار الزياره
تحياتى
مدحت محمد
ربنا يخليك يا مدحت
دايما رافع معنوياتى
لاء متخافش
انا مصدقت رجع انسان
ادعيلى بس انجح مع باقى العفاريت
ههههههههههه
ومرسىى ياعم على التاج
ان شاء الله اجاوبه
تحياتى
walaa
اهلا يا قمر منورانى والله
ربنا يخليكى على كلامك الجميل
ويارب كل الناس اللى نقابلهم يكونوا يستهلوا يدخلوا القلب
لان الدنيا تبقى اجمل بكتير لو نحب كل اللى نعرفهم
تحياتى
الراقص مع الذئاب
انا مقدرش انسى المدونه ولا اخوانى واخواتى المدونين ابدا
هو زى ما تقول كده
مش عارفه ايه
ههههههه
جزيت خيرا على تعليقك الجميل ان شاء الله مش اغيب
بس انت كمان متطولش فى الهدنه بتاعتك
تحياتى
sometimes
مرورك هو الاروع يا قمر
يشرفنى نكزن زمل
واسعدنى ان المدونه عجبتك
وياريت نشوفك كتير
تحياتى
sons of egypt
وعليكم السلام ورحمه الله وبركاته
كفانا لله واياكم الغدر
فينك من زمان
تحياتى
استراحه محمد
ايه الكلام الجميل ده
ربنا يكرمك
زورونا تجدوا مايسركم
مرسيى لك جدا
تحياتى
shaimaa samir
احييكى على تحليلك الرائع
فعلا
ليه نستسهل و نقول الدنيا وحشه والناس وحشين
ليه منحاولش نقرب منهم
يمكن محتاجين حد يطبطب
حد يواسى
ولما كل واحد يقول الناس وحشه
يبقى فين الناس الطيبه
صحيح احنا مش ملايكه
بس كل واحد فينا جواه حاجه او حاجات جميله
بس المهم اللى يصبر ويحاول يخلى الحاجه الحلوه دى تطلع
واكيد ربنا مش هيخذله طالما قصده خير
تحياتى وتقديرى
السلام عليكم
هل هناك تحفظ منك على تعليقى فأنت لم تنشريه فهل لى أن اعرف السبب !!!فأنا كتبت مدحا رأيت انك تستحقيه
أريد أن أعرف للعلم فقط وللفضول ؟؟
مجداويه
وعليكم السلام ورحمه الله وبركاته
يارب تكونى لسه موجوده وتشوفى ردى بسرعه
انا متضايقه جدا انك زعلانه
انا اسفه والله
بس انا مش بتدخل فى التعليقات
ولا حتى اعرف خاصيه التحكم فى التعليق قبل نشره دى بتتعمل ازاى
انا مشفتش التعليق اللى بتقولى عليه
يجوز كان فيه مشكله فى النت وهو موصلش اصلا
انا يمكن لسه مشفتش مدونه حضرتك
لكن بشوف تعليقاتك عند مدونين محترمين
وبتعجببنى جدا
ويشرفنى انك تزورنى
ويزيدنى شرف انك تمدحينى
بس اوعى تظنى انى احذف تعليقك ابدا
ياريت لو شفتى ردى تعرفينى لانى هفضل تعبانه لحد ما اتاكد انك خلاص مش زعلانه منى
ارجوكى
السلام عليكم
تقريبا اختى الكريمة التعليق لم يصلك لسبب ما فى النت ,,لكن طبعا حصل خير ,,
والحمد لله ان مفيش سبب من عندك لأنى فعلا أعجبت بما تكتبين فلاعجاب متبادل والقلوب عند بعضها وأنا مكنتش زعلانة بمعنى الزعل أنا بس كنت مستغربة
واذا عرف السبب بطل العجب وأحمد الله أيضا ان هذا السبب كان سببا لتشرفينى بالزيارة فوجودك يشرفنى
أدام الله الود والحب فى الله أختى الكريمة
ودائما على خير باذن الله
بجد كلام رائع جدا وحلو اوى انك صورتى العفريت الوحش بانه اصبح سىء بسبب غدر الصداقه والحب
وعلى فكره كويس جدا ان الواحد يقول اللى جواه عن طريق الكتابه بامانه ان بحب المدرسه ده وانا واحدمنها
تحياتى اليك
السلام عليكم
ما شاء الله أحاسيس جميلة
وكلمات رائعة
بارك اله فيكي
فعلا ..
غدر الصديق كفيل بتحويل أطيب الناس إلى عفريت
يا ريت الأصدقاء يفهموا
الله عليكى يامنى الكلام جميل
والفكره كمان الحاله النفسيه بتأثر
على الانسان ممكن الغدر يحوله الى ضعف واستسلام او انتقام والحنيه والطيبه
والحب ممكن يكون لها تاثير عجيب
تسلم ايدك وافكارك
خالص حبى وتقديرى
مجداويه
وعليكم السلام ورحمه الله وبركاته
الحمد لله على كل حال
على فكره انا فضلت قاعده على الكمبيوتر لحد ماشوفت ردك هنا وفى مدونتك عشان بجد كنت زعلانه اوى انك اول مره تشرفينى يحصل كده
والحمد لله زى ما قلتى حصل خير
واشكرك على رايك فى مدونتى
ويارب تفضلى منوره عندى كده على طول
اما انا معتقدش انى ممكن اسيب مدونتك تانى ده بعد اذنك طبعا
تحياتى واحترامى
secret_love
اشكرك جدا
وان كنت اظن ان العفريت يتحمل بعض الذنب
فهو كان ضعيف من البدايه فلم يصمد امام جراحه واستسلم للاحزان التى جعلت منه وحش قاسى حتى وجد من يضمد جراحه
ترى هل يمكن ان يعود وحشا من جديد؟؟؟
تحياتى
قلم رصاص
وعليكم السلام ورحمه الله وبركاته
مرسيى جدا على الاطراء
جزيت خيرا
تحياتى
خبيب
معك حق
ليتهم يفهموا
ليتهم يعرفوا
تحياتى
klmat
تسلمى يا جميله
عندك حق طبعا
يارب يكون احبابك فى طريقك دايما
ويبعد عنك كل شر
تحياتى وحبى
الله... قولي كمان
:)
والعفريت فتح لك قلبه كدة علي طول , اكيد علشان مدتيله ايدك وفتحتي له قلبك واديتيك فرصة يتكلم ويقول اللي جواه
ياريت كلنا نعمل كدة
لذيذة جدا الكلمات
بس مش في كل الحالات الجني الكبير المتوحش
بيرجع بني آدم حلو ولطيف المعشر
ممكن يفضل شرير
ومش مصدق غن فيه حد ممكن يحبه
أو يصدق إن فيه ح
يستاهل في الدنيا دي
بس كويس انك قدرت تقنعي الجني انه يرجع كويس و طيب و أمووور
يلا خير
اكيد عشان انت كدا
محدش عارف الخير فين
وربنا يوفق الجميع
سلااااااااام
صديقتى
اسلوبك جميل
انتى فكرتينى بروايه( شبح الاوبرا ) هى ايضا احبت شبحا واحبها
شكرا
انا كمان من المنصوره
عودا حميدا ...
بس ماشاء الله ....كلام جميل ..
إنتم يابتوع الشعر ....بتجيبوا الكلام ده منين ؟؟؟؟
أنا لما بكون عاوز أكتب شعر بعد فيه على الأقل شهرين علشان يطلع حلو ...
ماشاء الله
أنا مش بحسد ...هعهعههععهه
المهم حمدا لله على السلامة ,,,,
تحياتي لكي
ما شاء الله الفكرة جميلة والكلام اجمل
ههههههههه
ايه يامنى انتى شكلك مكنش حد بيحكيلك حكايات وانتى صغيرة
فقولتى تحكيلنا
بس تعرفى بجد دمها خفيف جدا وفكرتها حلوه قوى
قد ايه بجد غدر الاصحاب والدنيا بيعمل اكتر من كده
تحياتى وحبى لكى
ازيك يا منمونة
يا ريت تقومى بزيارة لمدونة"قولا سديدا"أعتقد ان فيها أمر ممكن يهمك
اللينك عندى فى آخر بوست نزلته
سلام يا جميلة
بجد بجد
حلو
ما شاء الله
عجبتني تشبيهك ده
تسلم ايديكي
واتمني انك تكوني كويسه
تحياتي
علي فكره رحيل مش قالت حاجه غير اننا بلديات وبس
هههههههههههههههههه
ايه اللى انتى كتباه ده
ان كنت فاكر وانسيت
مش عرف ايه اللى جابنى
ايوة افتكرت
انا كنت جاى اعلق
بس مش لاقى كلام ااقوله
استمرى وربنامعك
مع السلامة
اللي يدخل قلبي مش ممكن يطلع تاني
هههههههههههههههههه
في الزمن دة صعب اوي للاسف
كلامك جميل ربنا يبارك فيكي
هتاابعك باذن الله
تحياتي
السلام عليكم ورحمة الله وبركاته
كتير بنسمع عن ناس اتحولت لقمة الشر بعد ما كانوا في غاية الطيبة وده بيحصل بعد تعرضهم لظروف قاسية كتير ورغم إني مش موافقة على التحول ده وأفضل الصبر والقلب الطيب لكن التحول بيحصل للاسف
وياريت كل واحد يلاقي قلب طيب يقف جنبه في بداية تحوله حتى يعود لطبيعته
جميل ما كتبته يداكِ
الله عليكي
الي يدخل القلب ما بطلع منو
رائعه
دمت
روري
الله
الفكرة تجنن بجد و جديدة جدا جدا....معاكى حق يا منى..كتير اوى مننا ظلم الناس ليه و غدرهم بيه بيخليه يوصل لحالة كان لا يمكن يتخيلها و الحل دايما اننا نلاقى حد صادق جنبنا
تحياتى
صعب جدا وما اقساه على الانسان غدر الصحاب والاحباب
جميلة كلماتك
تقبلى تحياتى
بجد هايلة
تحياتى وبالتوفيق ان شاء الله
moro
ماشى يا سيدى هقول كمان
تحياتى
سنووايت
اه ياريت لو كلنا نعمل كده والعفاريت كمان يتحولوا
كده
بس ربنا يكرمنا
فتوح ابو المفاتيح
عندك حق مش دايما هيقدر يرجع تانى انسان
لكن لو احنا ندعيله من قلبنا ونصبر
اكيد ربنا مش هيخذلنا
تحياتى
snohe
هلا يا بلدياتى
للاسف مقراتش الروايه دى
يمكن تشبه الجميله والوحش
ان شاء الله اجيبها واقراها
تحياتى
عبد الرحمن ياسين
الله يسلمك
وكل سنه وانت طيب
ما قولت من زمان بنجيبه من عند بتاع الشعر
هههههه
بس يا عم دى مجرد خواطر
شهرين بحالهم
انت بتتقن اوى
ههههههه
تحياتى
المستنصر بالله
ربنا يكرمك ويوفقك
تحياتى
ra7eel
يا بنتى دانا اتهريت حواديت
هما كانوا عندهم حد غيرى يحكولوا
انا دلوقتى بقيت بالف وارتجل كمان
هههههههه
مرسىى يا جميل ودايما منورانى
تحياتى
ammola
انا اسفه انا يبدو انى اتاخرت اوى فى الرد
ان شاء الله حالا هروح
تحياتى
zozo
تسلمى يا قمر
انا الحمد لله بخير
وان شاء الله اشوفك قريب
تحياتى
ياقوت
انت اتخضيت ونسيت ولا ليه؟
ربنا يكرمك
تحياتى
nonoymm
يشرفنى طبعا انك تتابعينى
بس مهما كان الزمن صعب لسه فيه قلوب مش بتعرف تكره
تحياتى
جيهان على
كلامك جميل وعندك حق فيه
ياريت نقدر نصبر
وياريت محدش فينا يتعرض للى يخليه يبقى وحش
تحياتى
meto&roree
ربنا يكرمك يارب
تحياتى
dina
مرسيى جدا ليكى
سعيده اوى انها عجبتك
كلامك جميل اوى
تحياتى
whispers just for a night
جايه حالا ان شاء الله
جزيت كل الخير
تحياتى
هيثم الدهشان
فعلا ما اقساه
اشكرك اخى
تحياتى
سيهلله ع الاخر
مرسيى جدا
جزيت خيرا
تحياتى
لذيذة اوي كلماتك يامني واجمل مافيها اللي دخل قلبي عمره مايخرج ياغالي حلوة اوى
تقبلي مرورنا
لكي تحياتنا
الجميله والوحش
حلو قوى فيلم الكرتون ده
حسسنى زى ما اكون اليس ف بلاد العجايب
احييكى واتمنى تنورينى
حتى العفريت يا عفريته
خلتيه يعيط :))
مش عارفة التاج وصفك ببساطة بس عجبني الموضوع ده قلت اشوف آخرته ايه مين حيقتل التاني
لقيت الموضوع أخذ منحى مختلف تماما
حواري مع العفريت
ربنا يحفظنا
انا كنت زمان انسان
طيب وقلبى كبير
الكلمات جميلة ووصفها
متميز والانسان من كتر
الظلم والاسية ممكن يكون
اكتر من عفريت صعب انة
يقدر يسيطر علي اعصابة
او نفسة
تقبلي مروري
فائق احترامي وتحياتي
ياسر
هههههههههههههههههه حلو الحوار اللذيذ ده
د/هيما
Post a Comment