بحلم كتير ان الطيور بقت تطير
من غير جناح من غير صفير
بس بجراح وفؤاد كسير
قابلت يوم طائر ضرير
وقلت فين راحت عينيك
قالى وليه عايز عينين
الحق ساطع والعدل ضايع
والقلب شايل مالخوف كتير
عايز عينين اشوف جناحاتى مكسورين
ولا غنايا ممكن يهون ع المظلومين
لون الغيام ده مش سحاب ولا مطر
ده قلب امى اللى انفطر
لما سمع صراخ صغير بيموت وحيد وسط الدمار
والشمس نارها دى غضب
لكن حبساه فى قلبها زى قلوب كل البشر
والروض ده نار
دى كل نابته خارجه من قلب اتخنق
ومات معاه حلم صغير كان لسه بيتولد
الروض ده نار
لكن عيون بنى البشرشايفينه جنه
وشايفين الامل
طيور
من غير جناح
31 comments:
ماشاء الله دة كلامك
بجد جميل قوى واثر فيا
ربنا يوفقك يارب
اللهم امين يارب العالمين
احساسك عالى قوى
بسم الله أسلوب شيق
جزيت الجنه
بسم الله أسلوب شيق
جزيت الجنه
رفقه عمر
امين يا رب يوفقنا جميعا لما يحب ويرضى
نورتينى يا رفقه ويا رب متكنش اخر زياره
محمد جمعه
امين يا رب جماعه ان شاء الله
بجد روعه وكل بوست منك بيعلى كتير عن التانى وربنا يوفقك ان شاء الله وللامام دائما
الامل هو الطير من غير جناح يريد أن يطير حتى ولو كان ضرير نفسة يشعر حرارة الشمس بس المهم يطير يطير بلا وجهه بس المهم يطير
لكن اتخنق واتعمى ويبحث عن سبيل
جميلة تسلم ايدك
الله بجد
بجد بجد بجد رائع
بصى مش هتكلم كتير عشان متقوليش بنافق
انتى موهوبة بجد
هو ضرير ومن غير جناح
ولكن قلبه ينبض بالأمل والحق
حيا الله قلمك الرائع
انا كنت من غير الصحاب صاحب قلق
وكنت عايش ف الحياه ع المفترق
مين اللى قال انك هتقدر تنتفض
من غير ما حد يشد ايدك م الغرق
سيدى الرئيس
اشكرك بشده
ربنا يجبر بخاطرك
الطائر الحزين
تسلم انت اخى
انا احب ان كل واحد يتخيل اللى هو عاوزه يشوف البوست زى ماهو عايز
تحياتى لك
doha
مرسيي جدا
مش عارفه ليه يا دوحه بتفكرنى باخويا الصغير؟
مش صغير قوى يعنى هو قدك تقريبا
عصفور المدينه
حياك الله سيدى
مرورك دوما يسعدنى
حقى اهرتل
حقك طبعا
اهلا بوجودك المتميز
انا اساسا من عشاق الرباعيات
واختيارك فعلا موفق
تقبل شكرى
جميله جدا يا لولو بجد
ولها فكرة جامده
أحسنتي
تحيااااتي
ازيك يا لولو
منوره والله
والله معاكى حق تسمى مدونتك احاسيس
تتصورى انا مكونة عنك صورة خيالية وانتى كل بوست بتاكدى لى صحة تصورى
مش حاقولك ايه الصورة علشان ما تتغريش
:)
يكفى انى والله باحس براحة وشاعرية لما بادخل مدونتك
سعدت جدا باكتشاف مدونتك
بحلم كتير بحاجات اكتر
بحلم بحتة سكر
وبال رايق ومش متعكر
تحياتى لك وارجو ان نتواصل
أحمد مصطفى
اموله
ايه ده؟الكلام الحلو ده ليه انا؟
ربنا يكرمك يا اموله
بس اسمحيلى اتغر شويه
احمد مصطفى
سعدت بزيارتك
وربنا يحققلك احلامك
جميل احساسك
:)
روحي ياشيخه ربنا يارب يكرمك ويكرمنا بدخول الجنه عالكلام الحلو اللي قلتيه في الموضوع ده
بجد والله اسلوب هايل واختيار موفق وقدره راااائعه على تطويع الكلام لخدمة الموضوع والتعبير باحساس وصل لكل اللي يقراه
بجد بجد بجد .. ربنا يكرمك يااااااارب
ويارب نجتمع في الجنه في حضرة نبينا محمد عليه الصلاة والسلام
سلامووووووووووز
zordeak
اهلا بك اخى
وشكرا على التعليق
سوووووووو
امين يا رب يسمع منك ربنا
بس ايه الكلام الجميل ده
اخجلتم تواضوعنا
كلمات في الجون واسلوب ممتع وواقعي وفعلا ما فائدة العين اذا ما اعتادت على رؤية كل ماهو مؤلم فقط تقبلي مروري ياقمرية
بجد كلام جميل واحلى حاجه فيه انه سهل انا اصلى مش بحب الكلام المجعلص الكبير ولما بخش اى بوست الاقيه كده مش بكمله لما الكلام بيكون سهل بيوصل للقلب بجد انا استمتعت بكلامك وطريقه كتابتك جدا
true love
اهلا بكى وبوجدك الجميل
وابقى خلينا نشوفك دايما
عليوه
ربنا يكرمك يا رب
ويعجبك دايما كل اللى اكتبه
الحق ساطع والعدل ضايع
والقلب شايل مالخوف كتير
عايز عينين اشوف جناحاتى مكسورين
ولا غنايا ممكن يهون ع المظلومين
لون الغيام ده مش سحاب ولا مطر
ده قلب امى اللى انفطر
حاسسها اوي
تسلم ايدك يا منى
ربنا يسلمك من كل شر اخى المفروس
منور والله
Post a Comment