Friday, November 2, 2007

صديق زائف

ايها الصديق الزائف الابدى،ساترك الحياه من اجلك من اجل ان ترى عيونك السعاده التى تظنها،فانت تريدها ولو على اشلائى،ساهبها اليك ولن اندم يوما،بل سيملآ الفخر قلبى،فساانتصر عليك،فانا على العكس منك. ساترك لك ما اردته دوما ولكنى استحلفك الا تنسانى وان تتذكر كم كنت انانى وكم اردت ان تتخلص منى حتى تصل لهدفك.كم تذوقت من مراره الدنيا عندما كانت افكارك تتجرد امامى وتتخلى عن
حرصك الشديد على ان تجعلنى ارى قيك مما ليس فيك
كم كنت غبية فى بادىء الامر عندما ظننت انك قد تكون صادقا فيما تبدية وعندما اكتشفت حقيقتك,فها اناذااترك لك الحياة,فتمتع بها اذا شئت وان استطعت ولكن صدقنى لن تستطيع, فقد ذهبت للابد واخذت معى راحه بالك فستظل معذب الضمير تائه بين دموع الندم
, فقد اردت ان تحصل على كل شىء وان تحرمنى من كل شىء حتى احلامى او اوهامى كما ظننت انت
كم كان قبيحا منك ان تجردنى من افكارى وامالى وان تلصق بى الجرائم التى ارتكبتها انت فى حقى ,قدلا تزال تحتفظ بصورتك البراقة فى عيون الاخرين لكن يوم كشف حقيقتك سيأتى لا محالة ويومها سأتى من العالم الاخرلارى دموعك وادعو لك بالغفران
نعم سادعو لك
لانى لست مثلك
لا اكرة مثلك
لا اخون مثلك
لكنى فقط اتألم
من اجلى....
و اجلك

34 comments:

ياسر مدني ...دينامو الإخوان said...

في ذكري وعد بلفور ...لا تنسوا الدعاء لإخوانكم في فلسطين
والدعاء علي الظالمين..واللهم تقبل...وتيقنوا أن الدعاء سلاح مهم لكل المسلمين

ammola said...

ايه الحكاية
الكلام ده جد واللا ايه؟؟؟
حياة ايه اللى ناوية تسيبيهالو...ده بعينه
اسلوبك رشيق ورقيق ولو انى حاسة فيه بحزن كده على وجع
استهدى بالله كده ولو الحكاية بحقيقى برضة ماتوصلش انك تسيبى الحياة
أما لو كانت مش بجد يبقى الله يسامحك سيبتى ركبى

عصفور المدينة said...

همسة في أذنك

إنه لا يسمع

إنه يحسب حسابات الربح والخسارة

منى said...

ياسر مدنى
اكيد محدش فينا بينسى يدعى لكل المسلمين وخاصه اهالى فلسطين والعراق
كل يوم مش بس فى المناسبات
وكنت اتمنى انك تعلق على البوست حتى لو بالنقد لو مش عاجبك
عموما اهلا بك

منى said...

اموله
ههههههههههه
على فكره يا اموله لما بكتب مبيبقاش فى بالى حاجه معينه لكن احساس بالكتابه وبس ولما كتبت الموضوع ده وخلصته قعدت افكر يا ترى انا ليه كتبت ده ؟ طيب انا اقصد مين؟ لحد ما وصلت لشخصيه معينه هى بصراحه كانت شخصيه انانيه جدا بس برضه كانت لسه صغيره اصل انا كاتباه من كام سنه من ايام ثانوى لكن تصدقى ان انها دلوقتى اتغيرت تماما لدرجه انى بقيت اشفق عليها
بس كده كده انا مكنتش اقصد الانتحار والعياذ بالله انا اساسا لما بكتب مبقصدش اى حاجه انا بكتب وبعدين اقرا وافكر زى اى حد انا اقصد ايه؟بيتهيألى اقصد عدم الصراع على الدنيا والزهد فيها لان فى الحقيقه بحس كتير انى ماليش فى الدنيا ويمكن اخترت انشر البوست ده دلوقتى لان الاحساس ده عندى دلوقتى


ارجو انك تسامحينى على الاطاله
وعشان سيبت ركبك العزيزه
والف شكر على الوجود والسؤال والتعليق انا بجد بحبك قوى

منى said...

سيدى العصفور
اهلا بك مغردا
و معلقا
و عندك حق

Anonymous said...

غدر الصديق موضوع جميل كتير مننا عدى بالفتره دى وجات عليه فتره فقد الثقه فى كل الى حواليه وطبعا الاصداقء تعبيرك عن الفكره واختيارك للكلمات رائع

منى said...

رئيس جمهوريه نفسى
مرورك هو الاروع يا سيدى
انا فعلا فى الفتره اللى كتبت فيها البوست حسيت بفقدان الثقه فى الجميع اما دلوقتى معنتش باستنى من حد اى حاجه حلوه مش تشاؤم ولا غضب لكن بقول العشم فى الله وحدهخ وان حصل حاجه كويسه خيلر واكيد بفرح قوى وان محصلش ايه المشكله ما انا مش متوقعه اساسا

سلوى said...

عزيزتي منى

أنا سعيده لأنك تكتبي

استمري

وموضوعك جميل
وتذكرى دوما إنك أفضل

الطائر الحزين said...

تقصدى ان تتركى حياته وليس الحياه عموما

الانانية شىء خطير صعب التعايش معه
فهو يريد الربح فقط ولا يفكر فى اى تضحية او خسارة

بارك الله فيك

منى said...

حبيبتى سلوى
ربنا يكرمك يا سلوى وتساندينى كده دايما
وبعدين يا ستى انا مش الافضل ولا حاجه ادعيلى بس من قلبك انى اجيب مجموع يدخلنى الجنه

منى said...

الطائر الحزين
بصراحه اوجزت وانجزت
اسمحلى اقولك برافو عليك

mohamed said...

بعد كل دة هتدعيلة
متنسيش تدعيلنى احنا كمان
دا حتى احنا مزعلنكيش

منى said...

محمد
كلنا يا اخى فى حاجه للدعاء الصادق
فاما المحسن فلا يستحق منا اقل من اخلص الدعوات
واما المسئ فبدلا من ان ندعى عليه فلماذا لا ندعى له بالهدايه فقد يصبح يوما خيرا منا ونحتاج نحن دعواته
المهم الخواتيم
عموما نورت المدونه ولك منى اغلى الدعوات وربنا ميحرمناش من رضاه وجنته جميعا قول امين

محمود الدوح said...

جيتى مكان الجرح ودوستى جامد
انا لسة خارج من صداقة طويلة جدا
لكن انا مش ندمان انها انتهت على قد ما انا ندمان ان انا صاحبت الشخصية دى
وقد اية كانت زائفة بجد
بتلمع من برة
وجواها اسود داكن من غير اى لمعة حتى

شكرا على الموضوع

منى said...

اخى محمود
فعلا اقصى حاجه الواحد ممكن يتعرض لها هى انه يحس انه انخدع من صديق
الله يكون فى عونك

Unknown said...

كلام رائع و صادق جدا
اسوء الصفات الانانيه و الكره و الحقد
و اسوء الجرح الي بيكون من صديق محل ثقه
تحياتي ليكي

مدحت محمد said...

منى
لا تستسلمى
ولا تياسى
كلامك فى احساس عالى اوى
ويدل على شخصية رقيقة
وحساسة لابعد الحدود
تحياتى ليكى

منى said...

ايمى
مرسيي جدا على المرور والتعليق الرقيق
مستنيه رايك دايما

منى said...

دوحه
مرسيي على الكلام الجميل ده
ومتخافش عليه دايما ربنا بيصبرنى والحمد لله

خيرالدين said...

بدايه جميله من انسانه تظهر الرقه فى ملامح كتاباتها بوضوح


بنات امنصوره قادمات

Anonymous said...

الاخت الرقيقه منى
طبعا هو مش كده خالص انا لما نزلت بوست من غير كومنت كنت قاصد الى وصل ليكى مع البوست ابو كومنت ولما نزلت بوست بكومنت كنت قاصد بيها الى وصلك مع البوست الى من غير كومنت
فهمتى حاجه طبعا لا
اصلا برضه مش فاهم انتى تقصدى ايه هناك وايه الى وصلك قولى ايه الى وصلك ولو صح حقولك على طول والله

منى said...

احنا
شكرا بجد على الكلام الجميل اخجلتم تواضعنا
اهلا بك دائما

منى said...

رئيس جمهوريه نفسى
او نفسه
مش مهم انا اقصد ايه او انت تقصد ايه المهم انك رجعت واتكلمت
حمد الله على السلامه
اختك منى

محمد جمعه said...

بسم الله أبدأ
يقول الامام ابن حزم لاتبغض عدوك فربما يكون صديقك ، وقد حدث لى ذلك فكنت أراسل أحد العلماء وكنت أبغضه وبعد مرور سنين التقيت به فوجدته نعم الصديق ولا أهمية هذا الموضوع لابد لنا ان نوضح المهم
بارك الله فيك موضوع شيق

منى said...

محمد جمعه
اهلا بك وبتعليقاتك المفيده
نورتنا بزيارتك

Waleed Fareed said...

كلماتك رقيقة
ومعانيها دقيقة
تصيبني بالشقيقة

منى said...

noheal
هههههههه
انا برضه باجيبلك صداع ربنا يسامحك

بس بجد نورتنا

jeen said...

منى

الصداقة من أغلى الأحاسيس اللى ممكن حد يتوق اليها

واعتقد انسانة بحلاوة شخصيتك اكيد يأثر فيها صديق او صديقة زائفة كل التأثير ده

اهنى اصدقائك المقربين على قربهم ليكى .. واشفق على كل شخص ابعدتيه لسبب وجيه .. لأن صداقة شخص زيك اكيد رائعة

تحياتى يا منى

منى said...

jeen
انا بجد مش قادره اقولك انا فرحانه بوجودك ومعرفتك قد ايه
زى ما قلتلك كنت دايما انا جين ايميلى واسمى فى المنتدى اللى كنت فيه وحاجات كتير
جين جزء منى

اما المفاجاه
فهى مجموعه رسائل كنت بكتبها لصديقتى الانتيم جين اير طبعا الرسايل دى عندى انا وقررت انى احولها لبوستات و ظهورك ليا عجل بالموضوع ده

واتمنى انك تتابعيها باحساسك الجميل

اما عن الكلام الرقيق فى تعليقك فمش غريب انه يطلع من جين

بنت الاسلام said...

لالا

لستي انتي التي تستحقين مغادرة الحياة

من اجل صديق غادر

رحيله هو عنكي خير لكي

لايستحق منكي دمعة واحدة

فما بالك بالرحيل

ان كان ينبغي علي احد الرحيل

فليرحل هو

والي الابد

منى said...

بنت الاسلام
اشكرك على المسانده
احيانا نشعر وكان الحياه ليس بها مكان لنا
كلماتك اسعدتنى
تحياتى

من انا؟؟ said...

نعم سادعو لك
لانى لست مثلك
لا اكرة مثلك
لا اخون مثلك
لكنى فقط اتألم
من اجلى....
و اجلك
اعتقد ان ده احسن عقاب للاصدقاء اللى بالشكل ده
اصل انا واحده من الناس اللى مريت بناس زى دول كتييييييير
على فكره مدونتك حلوة قوى ربنا يوفقك

Anonymous said...

يمكن دا اول تعليق وعلى حاجة قديمة اوى بس حستها اوى وقبل مااعلق خدت فكرة عامة
فعلا عندك حس عالى جدا وملكة الكتابة عندك موجودة بشكل جميل واسلوبك بسيط اوى
لكن تعليقى لان فعلا موجود الصنف دا تبدا معاهم بخطوات منهم تجاهك وبسرعة رهيبة يقربوا منك ويقولك ياصاحبى وياحبيبى ويارفيقى وفجاة هوب لا انا ماعرفكش انت مين ويبدا يكفرك حتى بحاجة اسمها صداقة ويفقدك الثقة فى حاجات كتير ويطلع فيك عيوب يتحجج بيها انه بعد عنك لغاية مافعلا تبقى على وشك انك تصدقه وتحاسب نفسك حساب الملكين على احطائها او عيوبها للى بعدته عنك

بس الحمد لله انه بوقت مناسب تسترد نفسك وانت للى تاخد قرار البعد قبل ما تخسر كل شىء فى جوار انسان مزيف وفقاعة هواء مالهاش وجود ولا اساسي

تسلمى تانى على كتاباتك واسلوبك اخت منى
:))