Thursday, November 5, 2009

دردشه سريعه

السلام عليكم ورحمه الله وبركاته
يوم 23 اكتوبر كان نفسى اوى اكتب موضوع جديد بمناسبه مرور عامين على وجود احاسيس فى الدنيا بس ربنا ما اردش وبصراحه نادرااا جدا لما بدخل نت وكمان فترات قليله اطمن على الناس بسرعه ومش بلحق اعلق كمان
وفات كام يوم وفجاه دخلت لقيت تعليقات بايخه هى صحيح مالهاش علاقه بيه غير وجودها هنا فى مدونتى لكن بصراحه زعلت اوى عارفين احساس لما تسيب ابنك فى الشارع وتدخل تنام وتقوم تلاقى حد من الشارع ضربه وعوره ويقولك انا كنت بنده عليكى يا ماما وانتى مردتيش كده يا ماما تسيبيه يضربنى؟ انا حسيت كده .مش عارفه ليه افتكرت كمان حاجه دايما بفكر فيها انى لما اموت مش هقدر ابعد اى حاجه عن نفسى مش هقدر اقول للمغسله بالراحه الله يكرمك ، ولا ارد على اللى يقول على لسانى اللى مقولتوش
كمان مش هقدر امسح اى تعليق وحش من مدونتى عشان كده كنت بفكر ادى باسورد المدونه لاتنين من صديقاتى ولو انا مش قادره فى اى وقت ادخل المدونه لاى سبب كان هما بقى يراعوها او يقفلوها بصراحه حاولت انا اقفلها لانى مش قادره اراعيها واديها حقها بس مهانتش عليا دى بنتى يا ناس حتى لو حد شافها دمها تقيل برضه بحبها مش بيقولوا القرد فى عين امه غزال وهى يعنى مش قرد اوى هههههههه اعتقد يعنى
الناس اللى نسيونى عندهم حق والله انا عذراهم بس ياريت ميكنش حد زعلان منى
عايزه اسيبكم مع حاجه قراتها قريب وعجبتنى اوى
الهى قد تحاببنا ومنك الحب والعهد
فنرجو فوقنا ظلا يوم الحر يشتد
لنا ولاهلنا عفوا.ومنك العفو يمتد
ومغفره ونزله جنان ما لها حد

20 comments:

romansy said...

كل سنه وانتى طيبه
يا ارق احاسيس

مدونتك عمرها سنين

خلاص قربت تتكلم وتقول يا ماما

romansy said...

كل سنه وانتى طيبه كمان
بما انك ذكرتى الحب فى الله
كل سنه وانتى طيبه
بمناسبه عيد الحب

ان شاء الله ربنا يكرمك ويكرمنا بما فيه الخير دايما يارب

موناليزا said...

من حقنا نعرف بقى ايه شغلك عننا؟؟
الاول: كل سنة وانتى ومدونتك بخير
بصى ياستى لعلاج هذه المشكلة اعملى خاصية الاشراف على التعليقات

(المهاجر الى الله) said...

السلام عليكم:
كل لاسنة و اتى طيبه ومدونتك دايما بخير ، ولو اللى بيشغلك عنا اهم يبقى عذرك معاكى المهم منكنش احنا اللى شاغلينك عن حاجة اهم.

mohamed ghalia said...

حمدا لله على السلامة
وكل سنة ومدونتك وانتى بخير
وربنا يسعد ايامك دايما
ودايما بينا

Dr Ibrahim said...

كل سنة والمدونة طيبة
وسبيها يمكن تنفع حد

كيكى عوووووو said...

كدة يامنى؟؟
انا مبحبش الى كل شوية يقول
هبعد
هقفلها
هجيب ضارفها
مشغولة
لية كدة يامنى بتزعلينى لية يا اختشى؟؟
ومين فين مش مشغول بس الواحد لمة بيقعد بيحاول يدى لمدونته حق شوية
عاجبنى اوى احساسك تجاه مدونتك: ليه سبتى يضربنى؟؟
ونبى حساسه يناس فى كل كلمة بتقولها
***بقولك**
مدونتك الوحيدة عندى الى اجى اضفها حالفه بتلاته انها ماتضفش!!
حد قالك الموضوع دة غيرى؟
مممممممممممممم
هو انا هكلمك امتى بقى
كنتى فى شبرا هااااا
ماشى زعلت بس ابقى تعالى تانى وابقى قولى
امواااة
كل سنة وانتوا ال 2 احساييس فى بعض

مدحت محمد said...

ازيك يامنى عاملة ايه

وكل سنة ومدونتك بخير
بالنسبة لموضوع التعليقات انا والله كان بيجيلى تعليقات برضه بترفع لى الضغط

بس كنت بنفض

المهم انا عارف ايه شاغلك عننا

بس متاكد انه ميهونش عليكى تسيبى ناس بقالهم سنين بيتابعوكى وتتابعيهم

دى انا متاكدة منها

almasry said...

ازيك



مدونتك فعلا جميله ....... مش القرد فى عين امه غزال زى ما بتقولى


المصرى

منى said...

رومانسى
موناليزا
المهاجر الى الله
محمد غاليه
د ابراهيم
كيكى
مدحت محمد
المصرى
السلام عليكم جميعا ورحمه الله وبركاته
وجزاكم الله جميعا كل الخير
وكل عام وانتم بخير
سلامى
ودعواتى ولا تنسونى من دعواتكم

كيكى عوووووو said...

كل سنه وانتى طيبة ياحبيبتى
انا دلوقتى بروق الشقة وجيتى على بالى اوى قلت اكيد انا على بالها!!!
وحشتينى كتير
ادعيلى اخلص الشقة بسرعه

zOzO said...

كل سنه وانتي طيبه يا مني
وحشاني اوي
معلش مش بدخل خالص

انا بس قولت اسلم
وكل سنه وانتي طيبه مرا تانيه

WhItE HeArT said...

كل سنة وانتي طيبة

وعيد سعيد

وكل سنة ومدونتك طيبة كمان
:)

وسيبك من الناس والله بيكتبوه

Anonymous said...

منى حبيبتى كل سنه وانتى طيبه
وربنا يبعد عنك كل حاجه وحشه
ويعطيكى الصحه والعمر
ومتبعديش عنى ابدا ياااااارب
وبعدين كنتى هتدى الباسورد لمييييييييين اعترفى
كمان ماتخافيش على بنتك قوى كده ياستى احنا عرفنا نربيها
اختك

الملاك said...

السلام عليكم ورحمة الله وبركاته
أختى فى الله منى
كل عام وانت وأسرتك وأمتننا الحبيبة بخير حال
أعتذر على التأخر

دمت برعاية الله

secret-love said...

يارب تكونى بخير بجد ومعلش انا قفلت مدونتى شويه كده بس ياريت
تطمنينا عليكى اوى ويارب تكونى بخير

Sometimes said...

عامله ايه يا منمون
وحشانى
عايزه اتكلم معاكى زى زمان
مش هترجعى للمدونه بقى
عايزه اقرالك حاجه
وحشنى كلامك

ابراههيم خليل said...

المدونة رائعة وبها قفزات متتالية ومتتطورة ومشاعر فياضة متدفقة وبر بالوالدين وبالأم التى لها تأثير بالغ فى الكيان والوجدان والعيش متربعة فى الفؤاد حتى لورحلت الى بارئها ولذا أقدم لك بعض كلماتى المتواضعة عن الأم : اامى الحبيبة الطيبة ... دايما جنبى قريبة ... لمسة ايديكى حنينة .. فيها الحنان فيها الأمان لو جيت ليكى قلتى مرحبا .. وان غبت عنك تقلقى وفكرك يروح .. يا أحلى قلب وأغلى روح .. قلبك يبوح .. لو بعدت عنك القاكى لية متغربة .. م
فيكى الجروح .. متحملة وجهك صبوح مليان حنان( لن أطيل ففى مدونتى مدونة الشاعر المصرى ابراهيم خليل عشرون أغنية عن الأم مسجلة فى ديوان ومتوزعة فى مدونتى ومنها ايضا أغنية ( ضمينى ياأمة ميت ضمة .. يا كل الصحبة واللمة ..ضمينى ياأمة ضمينى .. ضمينى ياأمة ينور عينى .. انت الملاك أنت الرحمة .. انت الحنان وانت الصحبة .. من نهر حبك أسقينى وضمينى ياأمة يانور عينى )زز لن أطيل عليك ايضا فأنا مثلك تماما فقدت أمى وكان لها أعظم تأثير فى حياتة فهى الصحبة والجامعة وهى معلمتى الأولى والشمعة .. الفاتحة لهن مع تحياتى (ابراهيم خليل)--رئيس تحرير جريدة التل الكبير كوم ) أرجو مراسلتى ففى التواصل الخير الكثير (ابراهيم خليل).

مدير الشركة أبو جمال أفضل شركة فى السعودية said...

شركة رش مبيدات بالدمام

شركة مكافحة حشرات بالدمام

شركة مكافحة الصراصير بالجبيل

شركة مكافحة الصراصير بالقطيف

شركة مكافحة الصراصير بالظهران

شركة مكافحة الصراصير براس تنورة

شركة مكافحة الصراصير بسيهات

شركة مكافحة الصراصير بالخبر

شركة مكافحة الصراصير بالدمام

شركة تنظيف بالدمام شركة تاج said...

شركة تاج للتنظيف بالدمام 0551844053

شركة مكافحة حشرات بالدمام

شركة رش مبيدات بالدمام

شركة تنظيف شقق بالدمام


شركة تنظيف فلل بالدمام

شركة مكافحة حشرات بالخبر

شركة تنظيف بالدمام

شركة مكافحة حشرات بالاحساء

شركة مكافحة النمل الابيض بالاحساء

شركة مكافحة حشرات بالجبيل

شركة تنظيف سجاد بالجبيل

شركة مكافحة النمل الابيض بالجبيل

شركة تنظيف منازل بالجبيل

شركة رش دفان بالدمام

شركة مكافحة النمل الابيض بالدمام