Friday, April 17, 2009

روح واحده مزدوجه الملامح

تحديث
رساله جديده فى مدونتى الاخرى جين اير
http://anawajane.blogspot.com/
طوال الليل كنت افكر فيها وتذكرت ابتسامتها الحبيبه وحنانها الغامر وهى تستمع وتنظر الى وكيف تخبرنى انى ابنتها رغم اننا فى نفس العمر،لكم اشتاق اليها فقد مر وقت طويل منذ رايتها اخر مره
وفى الصباح رايتها امامى ظللت اردد مش معقول)
واخبرتها انها كانت فى خاطرى واخبرتنى انها رات حلم وشعرت بالقلق على صديق وبما انى الاقرب اليها انتظرت الصباح ثم جائتنى وترددت فى قص حلمها ثم اخبرتنى به فوجدتنى اقبلها واهتف حبيبتى نحن روح واحده مزدوجه الملامح فقد كان ما راته هو ما مر بى فى اليوم السابق بالفعل


واخذنا الحديث واعتذرت انها حاولت الاتصال بى تليفونيا دون ان تتلقى رد فقد كان تليفونى الارضى معطلا ولم تكن تعرف رقم هاتفى المحمول بعد كى تطمان على قريبتى التى كنت اتصلت بها كى استشيرها فى امر يخص تلك القريبه
وتخشى ان اظن ذلك اهمال منها لى اندهشت وقلت ( انا على يقين من حبك لى ويكفينى ذلك لافسر كل شئ بحسن ظن) اتعلمين لقد كنت فى قمه الخجل تلك الليله عندما اكتشفت انكم قد خلدتم جميعا للنوم بعد يوم شاق لكن كلمات والدتك الحبيبه المشجعه اشعرتنى انى احد افراد العائله التى من حقها الاتصال فى اى وقت لتجد الحب والترحيب

لكم هو رائع ان تشعر ان هناك من يهتم بك، يفهمك حتى دون ان تتكلم يعطف ويتعاطف ولو من بعيد لا يرى منك الا ماهو جميل ويجد لك دوما الاف الاعذار ان قصرت فى حقه
صديقتى التى اتحدث عنها لا علاقه لها بالنت ولن تقرا كلماتى لكنى على ثقه انها ستشعر بها


حبيبتى...
مجرد الحديث عنكى يسعدنى
فما بالك حين اراكى
فكونى دائما معى بروحك
ولا تحرمينى متعه رؤياكى

42 comments:

romansy said...

السلام عليكم
الحب موجود فى الدنياوالروح بقى بتعرف توصل كويس اللى مش بتعرف نقوله
بتحصل كتير لما نكون مرتبطين بانسان قوى
ولما تكون روحنا واحده واحساسنا واحد
ربنا يخليكوا لبعض
ويديم عليكم
الحب دايما

blue-wave said...

الله عليكم بجد
ربنا يباركلكوا ويبارك فى صداقتكوا دى طول العمر

موناليزا said...

ياااه يامنمن اخيرا ظهرتى:)
وحشتيييييييينى جدا وقلقتينى عليكى
يارب دايما تكونى بخير

ربنا يخليلك احبابك
وعلى فكرة ماتستغربيش لانك بجد حد يستاهل ان كل اللى يعرفه يحبه
(أحسبك كذلك ولا ازكى على الله احد)
بحبك جدا فى الله

mohamed ghalia said...

لكم هو رائع ان تشعر ان هناك من يهتم بك، يفهمك حتى دون ان تتكلم يعطف ويتعاطف ولو من بعيد لا يرى منك الا ماهو جميل ويجد لك دوما الاف الاعذار ان قصرت فى حقه
صديقتى التى اتحدث عنها لا علاقه لها بالنت ولن تقرا كلماتى لكنى على ثقه انها ستشعر بها
كم هى رائعة كلماتك

مـجـنـووون said...

الروح جند مجنده من عند الله عزوجل

ربنا يديم بينكم المعروف أن شاء الله

تقبل مروري
مجنووون

الازهرى said...

بجد جميلة جدا جدا
ربنا يخليكم لبعض
ويخلى التفاهم بينكم دايما وتكونوا مع بعض

Butterfly said...

لكم هو رائع ان تشعر ان هناك من يهتم بك، يفهمك حتى دون ان تتكلم يعطف ويتعاطف ولو من بعيد

فعلا مفيش أحسن من كده ...!

SHAPE YOUR LIFE (ABOALI) said...

وايه الجديد يعنى
قدرة خالق لعلك تفهم يعنى
جمع ووفق وبيقولوا يعنى
مشاهد مناظر احداث ولسه بيقولوا يعنى
غرباء مع انفسنا لسه يعنى
ولا نسينا تكريم الخالق لينا يعنى
ولا يعنى


اه علينا يا يعنى

تبسمى
فاءن البسمة نور ورؤيتها سرور ولك فيها جزاء مبرور
فابتسمى
ليه البخل يا احاسيس كل العصور

L.G. said...

ههههههههه
طبعا الكلام ده كله عني
بس متحلفيش من غير حلفان انا عارفة برضه

ياريت تظهري على النت شوية بالنهار يعني
من فضلك ولا نقضيها نوم نتقابل في الاحلام

تحياتي ودعواتي الدائمة لك بالتوفيق والسداد

secret-love said...

السلام هليكم
بجد الحب جميل لكن احيانا حاجات كتير بتيجى تفسد الحب ثانيا انتى عامله ايه انا عارف والله انى مقصر بجد

WhItE HeArT said...

جمييييييل اوي بجد

ربنا يخليكوا لبعض يااارب

Gannah said...

ازيك يا منى؟؟
وحشانى جداا جداا
عجبنى الكلام اوى ..الصديق المتفهم عملة نادرة

"لكم هو رائع ان تشعر ان هناك من يهتم بك، يفهمك حتى دون ان تتكلم يعطف ويتعاطف ولو من بعيد لا يرى منك الا ماهو جميل ويجد لك دوما الاف الاعذار ان قصرت فى حقه"

هذا الصديق هو ما يجعل الحياة محتملة
بلاش تغيبى كتير اوى يا منى
تحياتى

حاول تفتكرنى said...

الارواح جنود مجندة ، من تعارف منها ائتلف ومن تنافر منها اختلف


عودة حميدة

تحياتي

اوراق قديمة said...

الاخت الرقيقة منى
لكم هو نادر وقليل ورائع ذلك الذى تكتبين عنة بين الاصدقاء
اما اسلوبك فغاية فى العذوبة والسهولة دون تصنع
منى انك من المدونات القليلة جدا التى مررت بها ووجدت فبها الصدق والدفء
ادام اللة عليك صداقتك الصادقة
تقبلى احترامى
ام محمد

مجداوية said...

السلام عليكم

جميل جدا أن تكون لك صديقة مقربة إليك وتفهمك دون كلام والأجمل أن تعبري لها عن هذا الحب في الله فأوصلي كلماتك الجميلة هذه إليها فمن حق من نحبه أن يعرف كم هذا الحب
أدام الله صداقتكما وحبكما فيه

منى said...

رومانسى
وعليكم السلام ورحمه الله وبركاته
ربنا يكرمك يا رب ويبارك لك فى اهلك وحبايبك
تحياتى

منى said...

BLUE WAVE
امين يا رب
ويبارك لك فى اعزتك جميعا
تحياتى

منى said...

موناليزا
والله الدنيا هنا كانت وحشانى اوى بس اعمل ايه الحمد لله على كل حال
ربنا يكرمك يا منى على كلامك الجميل دايما كده رافعه معنواتى ربنا ميحرمنبش من وجودك فى حياتى ابدا ويبارك لك فى كل حبايبك
تحياتى

منى said...

mohamed ghalia
الاروع هو وجودك اخى
سلمت
تحياتى

منى said...

مجنووووووون
صدقت اخى
تقبل الله منك وجزاك كل الخير
تحياتى

منى said...

الازهرى
يارب يتقبل منك الدعوات الجميبه دى
ويجزيك عنا كل خير
تحياتى

منى said...

buterfiy
فعلا مفيش اجمل من كده
وصعب اوى ان احنا نلاقى كده ربنا يديم علينا نعمه
ويجزيكى كل الخير
تحياتى

منى said...

abo ali
ليه بس يا ابو على متخيل انى مش ببتسم انا بضحك اهو
ههههههه
وعلى فكره انا ولله الحمد متفائله لدرجه احيان تثير تعجب الاخرين
ربنا يكرمك يا رب دايما ويجزيك كل الخير
تحياتى

منى said...

l.g
ههههههه
ماكنتش بقعد على النت بس لما كنت بقدر كنت بدور عليكى بالليل وبالنهار مش لاقياكى
تعرفى انتى زيها فى حاجتين واحده انى بحس انك بتحبينى ومش بتضايقى منى
والتانيه فيه حد كده بيغير منكم انتم الاتنين بالذات طبعا فاهمانى
يا رب الاقيكى بقى
تحياتى

منى said...

secret love
وعليكم السلام ورحمه الله وبركاته
العلاقات الانسانيه اللى ممكن تفسد يبقى كانت مبنيه على غلط من الاول
سوء اختلاف قوى فى الطباع او نيه مش خالصه لله وفى الله

صحيح نتمنى دوام التواجد
لكن برضه نتمنى لك التوفيق فى العمل وزى ما قلنا فى البوست نجد الاعذار المهم تطمنا انك بخير دايما
تحياتى

منى said...

white heart
اللهم امين
الله يكرمك ويرزقك صحبه الخير
يا رب
تحياتى

منى said...

ganaah
وحشانى اكتر نفسى اشوفك كل يوم
الحمد لله انا بقيت كويسه
بجد بعتبر الصديق الحقيقى من اكبر نعم ربنا

انا كمان مش عايزه اغيب ادعيلى ةيارب متغبيش انتى عننا
تحياتى

منى said...

حاول تفتكرنى
صدقت اخى
فى انتظار عودتك
تحياتى

منى said...

اوراق قديمه

العزيزه ام محمد
لا استطيع ان اصف ما فعلته بى كلماتك فى اول زياره
انه مزيج من السعاده والامتنان والحب تقبل الله منك وادام على تواجدك
تحياتى

منى said...

مجداويه
وعليكم السلام ورحمه الله وبركاته
بالطبع معك حق
هى صحيح مشفتش البوست ده
لكن عندها عشرات الرسائل منى تحمل الكثير من المشاعر مما يفوق البوست بل والمدونه كامله
رغم انى لا اجيد المجاملات ولا هى
لكن حديثنا مختلف تماما لانه ليس مجامله بل صدق صافى
دمتى بكل الخير عزيزتى
تحياتى

rovy said...

ما شاء الله عليكم اختى الغاليه
ربنا يبارك لكم فى صداقتكم الجميلة و يديمها عليكم يااارب
صدقينى يا منى الصداقة الحقيقيه و وجود حد يحس بيكى بجد و تحسى بيه شىء نادر جداا فى زماننا هذ لذلك ادعوا الرحمن ان يديم عليكم هذه النعمه و ان يحفظكما من كل سؤ و ان يبارك فيكم و لكم ..
دمتى غاليتى بكل الخير

تحياتى

منى said...

rovy
روفى الحبيبه
ربنا يتقبل منك ويبارك فيك ولك
فعلا انك تلاقى حد كده صعب اوى
عشان كده بعتبرها نعمه كبيره
ربنا يديمه
تححياتى

الازهرى said...

لكم هو رائع ان تشعر ان هناك من يهتم بك

صدقبنى ان قلت لك اننى اكثر من يحس بهذا المعنى

ادام الله عليكم تلك الصداقة الجميلة وجزاكم عنها خير الجزاء

ammola said...

السلام عليكم
ازيك يا منمونة..وحشتك صح؟
وانتى كمان وحشتينى
:)
ياريتنى عندى صديقة زيك..كان زمانى استغنيت بيها عن كل حاجة

منى said...

الازهرى
اصدقك اخى
وادعو الله ان يرزقك الصحبه الطيبه الصالحه وكل ما تتمناه من خير
تحياتى

منى said...

اموله
وعليكم السلام ورحمه الله وبركاته

كل الغيبه دى
عموما بلاش عتاب
المهم
انك رجعتى بالسلامه
وحشتينى بس
دانتى وحشتينى وقلقتينى وجننتينى

طب ما انا عندك خدينى يا ستى تحت امرك
اوعى تغيبى تانى

almasry said...

انتى بجد موووووووووووووووووووهوووووووووووووووووووبه



تقبلى مرورى وافتكرينا

منى said...

المصرى
حد يا بنى ينسى اخوه الصغير وبلدياته كمان
تحياتى

WhItE HeArT said...

على فكره البوست الجديد اتأخر اوي

احنا عايزين حاجة جديدة يامنى

وطمنينا عليكي

rovy said...

فينك يا منى ؟؟
ادعوا الله ان تكونى بخير حال

وحشتينا

Anonymous said...

white heart
rovy
الحمد لله انا بخير وان شاء الله اكتب قريب
ربنا يكرمكم ويجزيكم كل خير ع السؤال
تحياتى

منى

التميز المثالي للخدمات المنزلية said...

شركة تاج للتنظيف بالدمام 0551844053

شركة مكافحة حشرات بالدمام

شركة رش مبيدات بالدمام

شركة تنظيف شقق بالدمام


شركة تنظيف فلل بالدمام

شركة مكافحة حشرات بالخبر

شركة تنظيف بالدمام

شركة مكافحة حشرات بالاحساء

شركة مكافحة النمل الابيض بالاحساء

شركة مكافحة حشرات بالجبيل

شركة تنظيف سجاد بالجبيل

شركة مكافحة النمل الابيض بالجبيل

شركة تنظيف منازل بالجبيل

شركة رش دفان بالدمام

شركة مكافحة النمل الابيض بالدمام