Tuesday, May 26, 2009


يالى ماسك مشرطك ومن بعيد فيا بتجرح


هو ليه لما ببكى انت بتفرح؟؟


لو صحيح الامى بتخليك سعيد


اتفضل ...ادبح

29 comments:

حاول تفتكرنى said...

كلمتين
بمليون معني
كأنك استعرتِ اسلوب صلاح جاهين
حين تزف كلمة واحدة الف دمعة

أحييك بشدة

romansy said...

ازاى بقى يقدر يدبح
اكيد بس بيحاول يخليكى تقولى اى حاجه بيضغط عليكى علشان تريجى قلبه

موناليزا said...

مين ده اللى يتقضل يدبح؟؟
ليه يعنى
مستغنية عن نفسك اوى كده
ولا مفكرة انه كده ممكن يحس بالامك
النوعية دى بتحتاج حد يعاملها بالمثل عشان ماتتماداش فى جرحها ومش وقت طيبة او ضعف خالص
===
شوفتى كلمتين مختصرتين كتبتيهم كنتِ هتخلينى اكتب لك موضوع طويل فى التعليق:)

وحشتينا بقى كنتى فيييين

Eno said...

كلمات رغم الالم اللي فيها بس حلوين اوي

تسلم ايدك يامني
وحشتني :)

رحــــيـل said...

منى

مااااااااااااالك سلامتك من الدبح
لالالالالا انتى تكلمينى على الميل ضرورى
فييين الاسد اللى متفقين عليه
:)

طوبة ذهب وطوبة فضة said...

من يعلم انه يجرح فيكى ويستمر فى جراحه فمن الشجاعه ان تقفى امامه وتتركيه يجرح كما شاء فبالوقت ستسير اقوى من ذى قبل وقتها لن تفيد جراحى بل بالعكس ستزيدك قوه

Anonymous said...

ازيك يا حبيبتى
ايه البوست الدموى ده
بس هو ليه بتقولى انه بيدبح مش يمكن بيداوى يا منمن
ربنا يحفظك يا منى ويارب دايما اشوفك بخييييييير
منى
سلامى لكل اللى عندك
طبعا عرفتينى صح

كيــــــــــــارا said...

ليه بس كدا يامنمونه

كلامك صعب اي حد يتحمله

أنا ملكه زماني وقصري كله ناس said...

السلام عليكم
بصراحه انا اقول مره اعلق عندك بس بصراحه عجبتني الطقطوقه الصغيره دي
وبجد كلمها جامد جدا
وتقبلي مروري
تحياتي

WhItE HeArT said...

معجبنيش

هو ليه الاستسلام

وليه الود والعشره والحب يوصلوا لمرحلة التنازل ولا مش تنازل مبرر لا مجرد ان الانسان ده مقدرش اجرحه

ليه الواحد ميعيشش ثانية بثانية هتجرحني هجرحك وهتودني هودك

بجد ده ضعف واستسلام لقلبنا قبل عقلنا

بس صحيح انتي ايه اخبارك

والبوست اتأخر كده ليه انا كنت فكرت كده ففكرة ان احنا ممكن نفتح المدونة متحف تاريخي وكنت داخل اقول لك على الفكره بس لقيتك عملتي ريفريش

ههههههههههه

دعواتك علشان الامتحانات

تحياتي

منى said...

حاول تفتكرنى
اشكرك بشده اخى علىتعليقك
ولا اخفيك شرا
يؤثرنى بالفعل اسلوب صلاح جاهين ورباعياته الفلسفيه العميقه
التى تشرح المعنى ثم تجمل النتيجه او السبب فى العباره الاخيره
وان كنت لا اجيدها
تحياتى

منى said...

romancy
طبعا رومانسى بيفكر برومانسيه هيقول ايه غير كده؟
خلتنا نروح بالتفكير لاتجاه تانى
واحتمالات اخرى
تحياتى

منى said...

موناليزا
حبيبتى موناليزا
يا ستى اكتبى براحتك كلامك بيريحنى وكمان بيفدنى
على فكره كلامى ده بينى وبينكم بس مقدرش اقوله لاى حد
بس فعلا الناس المهمين والقريبين لما بنجرح منهم مبعرفش اتصرف ساعات بنفعل بس نادرا لكن غالبا بسكت خااالص مش طيبه لكن سميه عجز عن مواجهه الاعزاء طالما مازلوا يسكنوا تلك المنطقه داخلى

اما سؤالك كنت فين؟
فانا كنت هربانه داخل نفسى فعلا كنت بحس الايام غريبه اوىى
اما حاليا فانا فى سفر فعلى يوميا
ادعيلى
ادينى انا اللى كتبت تعليق اضعاف البوست
تحياتى

منى said...

eno
ربنا يكرمك يا اينو
وطبعا دايما وحشانى
نفسى ارجع زى زمان و اشوفكم كل يوم
تحياتى

منى said...

رحيل
الله يسلمك يا ساره
اسد ايه بقى
كل واحد بيرجع لاصله يا بنتى
ههههههه
بس حبيبتى متخفيش جايز القطه تقدر تتصرف افضل فى بعض المواقف
البوست صحيح كان بالسبب ده لكن فى عناصر اخرى هى اللى بتدبح وفعلا عاجزه معاهم
انا كمان عايزه اشوفك واكلمك
تحياتى

منى said...

طوبه ذهب وطوبه فضه
عندك حق
بس مش كلنا نقدر على المواجهه
ساعات نخاف منها
فعلا نفسى ابقى اقوى
تحياتى

منى said...

غير معرف
طبعا عرفتك وهل يخفى القمر يا فندم
بس معلش بقى مش مقتنعه بتفسيرك
اللى بيوصلنا لاحساس انه بيدبح مش معقول يكون يقصد يداوى الا بقى ان كان فاهم غلط جدا
ودى مشكله تانيه
(بوست دموى)
الكلمه دى خلتنى اقرى البوست تانى الصوره اللى جت فى خيالى بجد مفزعه لو فى التلفزيون اكيد كنت هخبى وشى عشان مشفهاش
وده حسسنى انى كنت موجوعه اوى
ربنا يكرمك دائما
تحياتى

منى said...

كيارا
معلش يا كيارا
بس زى ما بيقولوا دى الحقيقه المجرده
يا ريت كل واحد ياذى حد يشوفها يمكن يحس بغيره
تحياتى

منى said...

انا ملكه زمانى وقصرى كله ناس

اهلا بيكى وعلى فكره اسمك حلو اوى وعجبنى لما شفته اول مره
ومرسيى على حضورك وتعليقك جدا
تحياتى

منى said...

white heart
تصدق عمدك حق
يمكن لو قريت الوضوع ده عند حد تانى كنت قلت نفس كلامك
انا اقدر اخد حقى اوى بس فعلا
زى ما قلت لموناليزا ساعات بحس بسكت وعقلى بيوقف
لو حد غريب اما مش هتاثر اصلا او هقدر اخد حقى بالادب برضه
لكن الناس القريبين فعلا بحس بالعجز
ماهو لو كل واحد اساء هسيئ مش هنخلص ومش هنرتاح والدنيا هتبقى وحشه اوى وممكن اكون انا غلطانه ومش واخده بالى وجايز هما شايفنى انى اللى بدبح حتى لو تفسيراتهم غلط
هى فعلا مشكله ربنا يهدينا جميعا
حلوه فكره المتحف دى على راى اختى انا قديمه اووى
ههههههه
ربنا ينجحك انت واخويا وكل الطلبه يا رب
ويوفقنا جميعا للخير
تحياتى

rovy said...

بعد الشر عنك حبيبتى من الدبح
او اى مكروه ..
ربنا يحفظك يارب و ينصرك دايما على كل ظالم او غادر او قليل الاصل

ربنا يحميكى و يعزك و يسعدك

كلماتك قليله .. لكنها كبيرة المعنى جدا
خالص تحياتى لكى

الازهرى said...

يااااااااه
بجد قلبتى على كتيييير جدا

لكن لازم نعرف نتعامل معاهم
ولازم نوقف مشارطهم قبل ما تيجى على شريان غالى وندفع حياتنا تمن لهم

تحياتى دوما

Anonymous said...

هو للدرجه دى انتى متاكده انه
بيدبح؟؟؟؟
والله ان كان اللى بيدبح ده غالى عندك عاتبيه*العتاب لغه الاحباب
وقربى يمكن يكون هو اللى مدبوح وعلشان كده بيوصل الاحساس ده
خاصه انك قلتى يمكن فاهم غلط
ياريت
ان كان مهم نحاول نتكلم معاه
اما ان كان شخص عادى خلاص ابعدى
ربنا يحفظك يا منى
وربنا يهدينا جميعا وينقى قلوبناويصرف عنا شياطين الانس والجن
اختك

Anonymous said...

منى عاوزة البوست الجاى ان شااااء الله كله تفاااااااااااااااااااؤل
ماشى يا منمن
وربنا يجعل ايامنا كلها حب وتفاؤل
اختك

منى said...

rovy
الله يا روفى لى دعواتك الجميله
دعوات تفصيل محتجاها فعلا وكلنا محتاجينها
ربنا يكرمك يا حبيبتى ويجزيكى الخير كله
تحياتى

منى said...

الازهرى
انا اسفه والله انى قلبت عليك المواجع ووخصوصا وانت بتمتحن
ربنا معاك
يا ريت فعلا نقدر نوقفهم وياريتهم يحسوا بجد اد ايه بيالموا غيرهم
تحياتى

منى said...

غير معرف
بصى يا نوجا
الاحساس مش محتاج ادله وتاكيد كفايه نحسه من ناس بنحبهم
ومع ذلك مش بتكلم حتى بينى وبين نفسى غير لما يكون فيه افعال فعلا

عارفه لما بقول دايما لما ننده لحد باسم هو مش بيحبه حد لو الاسم حلو يبقى حرام علينا
يعنى كفايه اننا عرفنا انه هو مش بيحب كده عشان نتوقف ده لو هو مهم عندنا فعلا

بتقولى عاتبيه؟
ان كان هو مش عايزك تعاتبيه حتى لو كرر الطلب ده. بيعاتب هو او بالضبط بيلوم دايما لكن مش محسسك انك مهم عنده ولك حق تعاتبه وبعدين فى حكمه بتقول اذا كنت معاتبا صديقك على كل صغيره لن تجد صديقا تعاتبه ان شخصيا مبتهونش عليه العشره بحس خلاص بيقينا اهل فلما احس انى هنت بحس انى فعلا بندبح
امين بامن على دعواتك
ربنا يكرمك يا نوجا
تحياتى

منى said...

غير معرف

فعلا كنت داخله اكتب وحاسه انى لو كتبت هكتب حاجه من اللى انتى عايزاه بس مش عارفه المود اتغير ليه هلف لفه وارجع يمكن يتغير تانى
بصراحه مش عايزه انكد على الناس تانى وفى نفس الوقت مقدرش اكتب غير اللى حاساه
سلام
اشوفك الصبح ان شاء الله
تحياتى

شركة تنظيف بالدمام شركة تاج said...

شركة تاج للتنظيف بالدمام 0551844053

شركة مكافحة حشرات بالدمام

شركة رش مبيدات بالدمام

شركة تنظيف شقق بالدمام


شركة تنظيف فلل بالدمام

شركة مكافحة حشرات بالخبر

شركة تنظيف بالدمام

شركة مكافحة حشرات بالاحساء

شركة مكافحة النمل الابيض بالاحساء

شركة مكافحة حشرات بالجبيل

شركة تنظيف سجاد بالجبيل

شركة مكافحة النمل الابيض بالجبيل

شركة تنظيف منازل بالجبيل

شركة رش دفان بالدمام

شركة مكافحة النمل الابيض بالدمام