Tuesday, August 26, 2008

تسديد ديون




اربع تاجات مره واحده قلت اخلص ديونى قبل رمضان



شكرا للى بعتوها وشكرا للى هيستحملوا ويقروها

وكل عام وانتم بالف خير

تاج الصور من الفارس الملثم


ما اسمك؟

حيوان أليف تملكه؟
اوصف شكلك؟

الحلوى المفضله
ماذا تقود؟










الحاله الاجتماعيه





الحاله المزاجيه







المطرب المفضل






الفرقه المفضله





محل الاقامه






محل العمل








عملت ايه امبارح؟





هتعمل ايه النهارده؟








البرنامج المفضل؟




تاج النجم القادم

ماسبب مضايقة الشاب للبنت في الاماكن
العامة؟
محاوله جذب الانتباه ليشعر ان له وجود ولا يدرك انه يعطى عن نفسه صوره مقززه
هل تعقدين ان الشباب هو من يبدأ في مغازلة البنات؟
اه طبعا
ما الداعى لتبرج البنات وعدم احتشامهم؟
اهتمام بالمظهر على حساب الجوهر واحيانا بيبوظ الاتنين
هل تعقدين ان الإنفتاح على الغرب هو سبب ظهور هذه الفتن
مثل الكليبات والفضائيات الهابطة؟

يمكن ده خلى الموضو ع ا سهل وتلاقيهم بيقولوا عادى كل البنات بتلبس كده

هل تدخل اسرتك في انتقاء ملابسك يضايقك ويقلل من شأنك
ويسلبك حريتك الشخصية؟
بصراحه هما مش بيدخلوا اساسا فى لبسى انا بلبس اللى يرضينى ويرضى ربنا ويعكس شخصيتى
فى رايك ماهى نظرة الناس للفتاة المتبرجة
لو تقصد اللى لابسه ضيق وملزق وقصير او مكشوف والكلام ده انا شخصيا باشعر بالغثيان من المناظر دى
مامدى تاثير اصدقائك على طباعك وشخصيتك؟
طبعا بياثروا جدا خصوصا فى مرحله المراهقه وتكوين الشخصيه لكن بعد كده بتلاقى نفسك تنجذب للناس اللى قريبه من تفكيرك واخلاقك

والحمد لله اصدقائى بفخر بيهم واهلى دايما يشيدوا باختيارى
*********************************************




تاج الصفات
من مدحت محمد
1 صريحه
2خجوله لكن وقت اللزوم اسد معرفش ازاى
3كسوله احيانا عندما يكون امر يخصنى
4دقه قديمه
5نفسيه جدا
6اجتماعيه
7هاديه غالبا
8كتومه
9 ثرثاره احيانا
10قلوقه جدا على الناس اللى اعرفهم
12 صبوره
13 قارئه جيده
14 موضوعيه
15بيقولوا رومانسيه
16 برضه بيقولوا حنونه

تاج الاسرار من رفقه عمر
1بقدر اتحكم فى نفسى لكن لما الضغط يزيد وانفعل بيبقى اعصار ربنا يعافيكم

2 بهتم بالابتكار فى الاكل
وتقديمه لكن باكل قليل جدا وبقلق من الناس اللى بتحب الاكل وبتاكل كتير
3لما بمر بموقف يثير اهتمامى سواء حصل معايا او غيرى بياخد منى وقت وتفكير وتحليل كتير قد يستمر العمر كله حتى لو مش اعرف ابطاله
4لما اشوف او اسمع عن اى حد مصاب، اتكعبل او اى موقف زى كده او حتى اسفه يعنى لو حيوان اتعور غصب عنى بقول بصرخه كده اه..يا حبيبى او يا حبيبتى حسب الحاله
وبدوب من الكسوف بعدها الحمد لله محدش غريب سمعنى لحد دلوقتى بس انا بقولكم من دلوقتى عشان لو شفتونى عملت كده محدش يضحك عليه
5 بحب امشى على قضيب السكه الحديد او اى سور صغير كانوا بيقولوا زمان منى المفروض تبقى لاعبه جمباز او باليه لكن ربنا ستر ودلوقتى عشان كبيره يعنى معدش قدامى غير شباك السرير بمشى عليه احيانا
6 عندى احساس دائم انى مزعله حد من غير ما اقصد وببقى نفسى اعتذر بس اخاف يكون الحد ده مش زعلان ولا حاجه اقوم انا اخليه ياخد باله ويضايق

70 comments:

blue-wave said...

ياااااااااااة
كل دا مرة واحدة؟
طيب كنتى قسميهم
عموما بجد اجاباتك حلوة
وعاجبانى فكرة الصور اللى فى الأول دى
تحياتى وكل سنه وانتى طيبه

موناليزا said...

شباك السرير يامنى ههههههههه هى حصلت
على فكرة اختيارك للصور بيدل اننا فينا حاجات من بعض
وده معناه برضه انه اختيار موفق هههههه
كل سنة وانتى طيبة ياجميلة

رفقة عمر said...

منى اجاباتك رقيقه زيك
باحسك انك نسمه منى
ربنا يكرمك يارب
كل سنه وانت طيبه
رمضان كريم
انا كويسه بس ولاد اختى محتلين الكمبيوتر
بدخل ثوانى واخرج لما يكونوا مشغولين
بس اول ما يلمحوا انى قعدت يقومونى من عليه
شوفتى الظلم

*الطالبة عفو الله *زوزو said...

ايه الجمال دة يا منى ما شاء اللع عليكي
اجاباتك جميلة فعلا و الاجمل صراحتك و عفويتم
بجد انا بشكر اوي الي اهدولك التاجات عشان خلونا نتعرف عليكي اكثر
ما شاء الله ربنا يزيدك من جماله
دمتي في حفظ الله يا غالية

الفارس الملثم said...

ايون مفروض طبعا تسددي الديون المتاخره اللي عليكي , ولو انك برده كده عليكي غرامات تاخير

شكلك معجبه بشخصية مني الشاذلي وانا برده بحترمها لانها فعلا شخصيه محترمه ...

بحب امشى على قضيب السكه الحديد او اى سور صغير كانوا بيقولوا زمان منى المفروض تبقى لاعبه جمباز او باليه لكن ربنا ستر ودلوقتى عشان كبيره يعنى معدش قدامى غير شباك السرير بمشى عليه احيانا

هههههههههه اشمعنا يعني , شكلك عندك حلم بالتحليق زي الطيور مممممممممم

6 عندى احساس دائم انى مزعله حد من غير ما اقصد وببقى نفسى اعتذر بس اخاف يكون الحد ده مش زعلان ولا حاجه اقوم انا اخليه ياخد باله ويضايق

ده يمكن لانك شخصيه حساسه وبتخافي انك تجرحي حد

اجابتك طبعا جميله اوي ,واتمني لكي مزيد من التوفيق وكل سنه وانتي طيبه

,.-~*'¨¯¨'*•~mr ,.-~*'¨¯¨'*•~monshed said...

ايه الجمال واحلاوة والرقة والصارحة في نفس الوقت اهنيكي علي ده كله واله بجد ربنا يبارك فيكي
وان شاء منتظر زيارتك لمدونتي اخوكي منشد

.. نرمين زين الدين .. said...

السلام عليمن ورحمة الله بوركاته
:) :) :)
والله انتي شكلك عسل جدا
إيجاباتك جميلة اوي
وحاسه بيها كده بطفوله علي شقاوة عي رزانةعلي رسيان ... مش عارفه
بس المجمل انه طلع حاجه جميله اوي ..
ما شاء الله عليكي
:)
مش عارفه اقولك ايه
ربنا يحمبكي ويحفظك يا حبيبتي
و بالنسبه لشباك السرير إيه نظامه دلوقتي لسه علي قيد الحياه ولا ايه ..
طب بلاش شباك السرير .. انا خايفه عليكي انتي
متعميش كده تاني يا بنت .. خدي بالك علي نفسك .....

دمتي بكل خير وسعاده بإذن الله
يا جميليتي

ياقوت الأزهري said...

كلام جميل

(احمد سكر ) said...

والله انتى يتعملك تمثااال

بس بجد
اختيارك للصور راائع

كل سنه وانتى طيبه

رضان كريم


تحياتى

احمد سكر

مدحت محمد said...

ربنا يكرمك يامنى على اجابتك التاج ربنا يعزك


وبجد شخصيتك كما توقعتها


وبالذات موضوع ثرثارة احيانا دى هههههه

بهزر لحسن تزعلى

ربنا يعزك يارب ويبلغنا واياكى رمضان يارب

وكل سنة وحضرتك طيبة

Anonymous said...

misss uuuuuuuuuu
pray 4 meeeeeee

Gihad N. Sohsah said...

معلش معلش

التاج علينا حق

Mona Shereif said...

فرحانه انى عرفت الكلام ده عنك يا منمونه
ربنا يبارك فيكى يا قمراية

"النجم القادم" said...

الله ينور يامنى

على الاجابات الجميلة دى

وعلى اجابتك التاج ربنا يباركلنا فيكى

L.G. said...

انتي لميتي التاجات اللي في البلد ومبتبعتيش حاجة لحد
تاج الصور كله حلو بس مفهمتش عملت ايه امبارح
وحيوان أليف عندك معزة :)
سايقة عربية ذات الحذاء سرقتيها يعني :))
الحالة المزاجية
عارفة ان البنفسجي يدل على الروحانية
المطرب عندك حق مفيش أحلى من صوته
تاج النجم القادم
الاجابات عشرة على عشرة ونجمة
تاج الصفات
ايوة صح المهم انك شايفة نفسك صح
بس بلاش تمشي على السور :)) أخاف عليك

صاحب المضيفة said...

أحلى اجابات .. اجابات الصور دي


بجد طريقة جديدة ورايقة في الاجابة



تحياتي

إخوانى حتى النخاع said...

أربعة مرة وااااااحدة ؟؟!!!



وحلوة أوى فكرة التاج الأول بتاع الصور


وإجابات موفقة

أخووكى

شفـقــة و إحســــان said...

مبروك على التاج
كل سنة وانتى طيبة

Amr Abodraiaa said...

ما شاء الله إجابات رائعة بس حاسس إن فيها تناقضات كتيرة

Gannah said...

منى حبيبتى
كل سنة وانت طيبة
واضح انك رقيقة جدااااااا وفينا من بعض كتير
انا اجازة من التدوين من اول رمضان واشوفك ان شاء الله فى العيد
مش عارفة ليه يامنى كنت فاكراكى متجوزة
ولا انا فاهمة غلط
سلامى لبابا يا جميل
تحياتى

Anonymous said...

منى

السلام عليكم

اول زيارة والاقى تاجات كتيرة قوى كدة انا تقريبا عرفت كل حاجة عنك من الصور

اجمل تاج فيهم والله واجاباتك عليه جميلة حتى ان شفت فيهم وحدة ورقة وهدوء
المهم

كل سنة وانتى طيبة

رمضان كريم

Abd-Alrahman said...

جامد اوي تاج الصورة دة
بجد معبر اوي اوي
احب اقولك مع اني بقالي فترة كبيرة مش جيت المدونة الا انها كل يوم بتكون اجمل واروع بمجهوداتك

احب اقولك كل سنة وانتي سالمة
ورمضان كريم
ويارب تعود الايام بخير وسلامة

تحياتي

هانى المصرى said...

جميل قوى ردودك بالصور ..
بوست رائع
كل سنه وانتى طيبه

bastokka طهقانة said...

اللهم بلغنا رمضان و اعنا على صيامه و قيامه و اجعلنا من عتقائك من النار في هذا الشهر الفضيل
امين
أختكم
عبير عبد الشافي صاحبة مدونة طهقانة و كلبوزة لكن سمباتيك

منى said...

blue_wave
كل سنه وانت بكل خير
انا بلم التاجات على بعض عشان اخبى الاجابات فى الزحمه
ياريت نشوف اجاباتك لتاج الصور
تحياتى

منى said...

موناليزا
وانتى طيبه وبالف خير يا قمر
هو يعنى انا لقيت غير شباك السرير وقلت لاء
هههههههه
وطبعا يشرفنى انى اشبه انسانه جميله زيك فى اى حاجه
تحياتى

منى said...

رفقه عمر
وانتى طيبه وبالف خير يا رب
انا نسمه؟؟؟
كلك زوق والله يا رفقه
يبدو ان اولاد اختك لسه عندكم
ربنا يبارك فيهم ويزهقوكى براحتهم
الاطفال احباب الله واحبابى
تحياتى

منى said...

zizi
والله اخجلنى ذوقك
ربنا يكرمك
ويجبر بخاطرك يا بنتى
وانى اللى بشكرك على حسن ظنك
ويارب منورانى دايما
تحياتى

منى said...

الفارس الملثم
ادينى سددت الديون

وغرامه كمان؟؟؟؟
مش كفايه انى اتعلمت تنزيل الصور مخصوص عشان التاج ده
وبعدين رمضان كريم بقى

اه فعلا نفسى اطير او بمعنى اصح ابقى طير

ربنا يكرمك وكل سنه وانت طيب

منى said...

منشد
ربنا يكرمك على حسن ظنك
ويجبر بخاطرك
وطبعا تشرفنى زيارتك
تحياتى

عاشــــــ النقاب ـقــــة"نونو" said...

السلام عليكم
والله انتي قلب صافي
ومبروك سداد ديونك
عقبالي
كل عام وانتم الى الله اقرب

منى said...

نرمين زين الدين
وعليكم السلام ورحمه الله وبركاته
ربنا يكرمك يا نرمين يا رب ويسعدك دايما زى ما بتسعدينى بكلامك الجميل
لاء شباك السرير تمام وبيبصلى وبيبتسم حاسس اننا بنتكلم عليه
ربنا يستر بقى ويرزقنى بحاجه تانيه امشى عليها
هههههههه
كل سنه وانتى طيبه يا حبيبتى
تحياتى

منى said...

ياقوت
الاجمل هو مرورك اخى
تحياتى

WhItE HeArT said...

ده انا جيت في وقتي بأه

حمد لله على السلامه

ليا طبعا

وبجد مدونتك وحشتني جدا

وردود مميزة كالعاده دوما

دعواتي بالتوفيق والسداد في هذا الشهر المبارك

وكل سنة وانتي طيبه

تحياتي

ياسر said...

مني
كل عام وانتي طيبة
رمضان كريم
بجد تاج جميل اوي بقالي ساعة ونصف
فية بس رودودك بالصور دة جميل جدا
وبجد موتيني من الضحك علي شباك
السرير ههههههههههههههههههههه
بس والله اجابتك كلها جميلة وبتدل
علي شخصيتك الطيبة
تحياتي اختي الكريمة
رمضان كريم

منى said...

احمد سكر
كل سنه وانت طيب
الله اكرم
مرسيي ليك جدا ده بس من زوق
ربنا يكرمك
تحياتى

منى said...

مدحت محمد
كل سنه وانت بخير يا مدحت
ماشى يا سيدى ثرثاره دى اللى عجبتك اوى هو الموضوع وصل عندكم ولا ايه
على فكره دايما لما اتكلم كتير اكتشف انى بعمل كده عشان محدش يسالنى مالك يا منى؟
طبعا مش زعلانه ولا حاجه حد يزعل من اخوه برضه
تحياتى

منى said...

شيماء سمير
ازيك يا حبيبتى
انتى وحشتينى جدااااااا
وكمان قلقتينى عليكى هدعيلك طبعا ويارب تكونى بخير
تحياتى

منى said...

صانعه الاحلام
هههههههه
عندك حق
تحياتى

منى said...

sometimes
ربنا يكرمك يا حبيبتى
حاسه الناس كلها شايفانى دلوقتى
ربنا يسامح اللى كان السبب
ههههههههه
تحياتى

منى said...

النجم القادم
ربنا يكرمك ويعزك
تحياتى

منى said...

l.g
ال جى اللى بتظهر زى هلال العيد
بتوحشينى يا بنتى
عملت ايه امبارح؟
كنت بحلم انى بطير
بلاش امشى على السور؟؟
هو فين بس احنا لاقيين
مرسى على النجمه
ولما اشوفك هقولك ليه مش بهدى التاج لحد اصله موضوع طويل
تحياتى

منى said...

صاحب المضيفه
ربنا يكرمك
اتفضله
ياريت نشوف الاجابات المصوره عندك
تياتى

منى said...

اخوانى حتى النخاع
ربنا يكرمك
مرسىى جدا
تحياتى

منى said...

شفقه هانم واحسان بك
الله يبارك فيكم
وكل سنه وانتم بالف خير
تحياتى

منى said...

eng
عندك جق
انا نفسى وانا بقرا اللى كتبته اكتشفت التناقضات دى
بس مين فينا مش مليان متناقضات
تحياتى

منى said...

gannah
وانتى طيبه وبالف خير ياحبيبتى
مرسس جدا ربنا يكرمك
بس انا مش متجوزه
هو ساعات بكتب حاجات اتقمص فيها احساس حد تانى يمكن ده خلاكى تفتكرى كده
السلام وصل لبابا
الله يسلمك من كل شر انتى وكل حبايبك يا رب
تحياتى

منى said...

المحارب المتيم
وعليكم السلام ورحمه الله وبركاته
اه فعلا انا قلت كتير جدا
ربنا يكرمك
الله اكرم وكل سنه وانت طيب
تحياتى

منى said...

abd_alrahman
والله رفعت معنوياتى
ربنا يكرمك
للاسف مع كل ويندوز جديد بتضيع منى لينكات مدونات مهمه
بس كويس انك جيت تانى
كل سنه وانت طيب
والله اكرم
تحياتى

منى said...

هانى علوان
الاروع هو مرورك اخى
كل سنه وانت طيب
تحياتى

منى said...

طهقانه
كل سنه وانتى وطهقان والطقهانين الصغيرين بالف خير
تحياتى

منى said...

عاشقه النقاب
وعليكم السلام ورحمه الله وبركاته
ربنا يعزك ويكرمك
ويجبر بخاطرك
ولن شاء الله نشوف تاجاتك قريب
تحياتى

منى said...

white heart
طبعا الف حمدالله على السلامه
رغم انى كنت زعلانه برضه
بس خلاص بقى كل سنه وانت طيب
ويارب دايما منورنى
تحياتى

منى said...

ياسر
الله اكرم

ساعه ونص؟؟
انت فصصته بقى
يعنى خطتى انى اعملهم سوا فى الزحمه منجحتش
بس ضحكت عليا مش مشكله المهم انك ضحكت
ربنا يسعدك دايما
تحياتى

المستنصر بالله said...

كل سنه وحضرتك طيبة
اجابتك جميله كلها
تحياتى

kochia said...

كويس ان الديون اتسدت طبعا ده الاهم

ثانيا اجاباتك لطيفة اوي

كل سنة وانتي طيبة

تحياتي

كلام على بلاطة said...

;;
كل عام وانت بخير
تحيانتى

منى said...

المستنصر بالله
كل عام وانت بخير اخى
جزاك الله كل خير
تحياتى

منى said...

kochia
ربنا يكرمك يارب
الحمد لله طبعا انها اتسددت
وكل سنه وانتى طيبه
وبالف خير
تحياتى

منى said...

كلام على بلاطه
وانت بخير
تحياتى

doctor mohamad said...

منى: هى التعليقات مقفولة ف البوست الأخير؟ ولا بيتهيألى؟؟ .. معلش بأسأل لإنى باتصفح النت من خلال الموبايل .. أتأكد! .. نفسى أعلق على كل ما قرأت .. بس صعب جدا .. عايز مقالات .. >إبتسامة< .. أما نبضاتك الأخيرة .. فرغم تنوع موضوعاتها الثلاثة و تباعدها إلا إنى بأشعر بصدقها .. إحساسك فعلا صادق .. و أحترم جدا سعيك الدائم لإيجاد صور و تعابير جديدة غير تلقائية .. بس أستسمحك لو تفتحى التعليق هناك .. دا لو كان مقفول أصلا .. أما لو كان مفتوح فيا ريت تبلغينى .. >إيه الإحراج ده!<

منى said...

doctor mohamad
اولا اشكر لك قراءتك وتعليقك من خلال الموبايل

سعيده جدا بتعليق حضرتك

هى فعلا التعليقات مقفوله
لانى حاسه انى هفكر اشيل البوست خالص
ومش اقدر اشيله وعليه اى تعليق
على فكره انا بكتب بتلقائيه شديده وقد يكون ده الدافع لحذف البوست
اشكرك مره اخرى للاهتمامك اخى
تحياتى

Unknown said...

مني
يا احلي احاسيس

كان نفسي اكتب نو كومنت وامشي

لكن هلخص كل ده في كلمه واحده

(متميزه)
وبجد افخر بكونك من المنصورة


تحياتي العطره

اخوكي برقش

ابراهيم بكر said...

مدونة جميلة سعيد لمرورى عليها

كل عام وانتى بخير

doctor mohamad said...

But i have commented already .. (smile) .. ok . no problem ,let me comment on this post here , ur answers using pictures is realy wonderful , very nice idea , ur answers is showing that ur imaginations area is wide..wonderful. i would like to ask about ..ammmmmm where do u work? Through the pic. i can understand that u r working at a school, as a teacher?.. sorry 4 using another language apart from arabic(my beloved language),, because of the keyboard .. RAMADAN KARIM.

منى said...

bar2ash
ربنا يكرمك يا برقش
كل سنه وانت طيب
منورنى دايما
تحياتى

منى said...

hinger
وانا الاسعد بمرورك
كل عام وانت بخير
تحياتى

منى said...

doctor mohamed
هو حضرتك فعلا علقت بس التعليق محفوظ لكن لو كنت فاتحه التعليقات وعلقت هناك مكنتش اقدر احذفه

اما عن تعليقك الجديد
اعتقد ان الخيال نعمه كبيره من ربنا بتخلينا نتحمل صعوبات الحياه وخصوصا الناس اللى عايشين جد اوى

بالنسبه للسؤال انا فعلا مدرسه لكن عشان مش فى مدرسه حكوميه ففى نظام اسمه ام الفصل
يعنى مسئوله عن كل انشطه الفصل
بالنسبه للكتابه بالانجليزيه بصراحه لا احبذها فى العاده رغم ان تخصصى لغه انجليزيه
لكن بما انك قلت ان اللغه العربيه

your beloved language
ولظروف لوحه المفاتيح
فحضرتك اكتب باللغه اللى تريحك مفيش مشكله وما تخفش انا هفهم
الله اكرم وكل سنه وحضرتك بخير
تحياتى

عاشق الورد said...

سلام عليكم
الاخت منى
انا فى الاول ححنتكلم فعلا فى معاكسه الولاد للبنات
هو ممكن نقول انا ده بيحصل لما الولد يكون عايز يجذب انتباه البنت
وثانيا اما تكون البنت مش لابسه كويس
وثالثا طبعا الحين انا شوفت بنات كانوا بيعكسوا بنت بس البنت كانت جيبتها ممزقه
رابعا انا شوفت بنات هى اللى بتعاكس ولاد
وطبعا كنت فى نصف هدومى
وثانيا بخصوص الصفات
دى اصلا صاحبه او الشخصيه اللى بالك فيها
دى شخصيه طيوبه جدا ولا بتكون زى غضب ولا تعرف تغضب اصلا
بس دى ميزه على فكره مش عيب
بس كل الكلام ده طبعا احنا قولنا ناكد الكويس منه بس اللى بيظهر العصبيه والكلام ده
ده طبعا ممكن يكون اللى البطله بتاعتنا عيزاه
بس فى النهايه انا فعلا مبسوط من اللى مكتوب
جدا جدا
وبالتوفييييييييييييييييييييق
يالا باى باه

روح حبيسة said...

السلام عليكم ورحمه الله وبركاته

انا من المنصورة وعندى 13 سنة

ومعجبة جدا بيكى وببرنامجك

واتمنى ان اكون من صديقاتك

وكل عام وانتى بخير ورمضان كريم