Monday, August 11, 2008

دعواتكم بالله عليكم

احدث تحديث
الحمد لله بابا بقى كويس وكمان هيام ورشا بقوا احسن كتير وبالتالى انا كمان بقيت احسن
حاسه ان كلمته شكرا ليكم دى كلمه ضئيله اوى بالنسيه للمعنى اللى اقصده
ومش لاقيه كلمه تعبر عن اللى جوايا
ربنا مش يحرمنى منكم ابدا يا اجمل من عرفت فى حياتى
ويمن عليكم دوما بالخير والرضا والسعاده
وليكن لقاءنا فردوس الجنه مع الحبيب المصطفى
تحديث
الحمد لله بابا عمل العمليه والحاله مستقره صحيح تعبان شويه لكن ماشاء الله احسن من العمليه اللى فاتت كتير
والله حاسه ده من فضل ربنا بسبب دعواتكم والله حاجه غريبه وهو فى العمليات كنت حاسه بسكينه غريبه ولاول مره افهم كلمه _كنت حاسس بدعواتكم_اللى بقراها كتير فى المدونات فعلا حسيت حاجه مش عارفه اوصفها رهبه وسعاده رغم حاله الخوف كانى سامعه اللى بيدعى وحاسه باللى حاسين بيه
بابا جنبى دلوقتى وقلتله انكم بتدعوله
وطبعا فرح بس انا اكتر
كملوا جميلكم بقى واستحملونى ومتنسوش رشا وهيام من الدعاء
مكنتش عايزه اتكلم عشان محدش يشيل همى او حد يضايق منى
لكن لقيت انكم ممكن تفتكروا انى انا اللى اهملتكم وكمان محتاجه اوى دعواتكم
انا فى ازمه شديده
اكثر ناس بحبهم فى خطر شديد وانا عاجزه قدامهم
ومش قادره احكى ولا اتكلم
لسه لحد دلوقتى واقفه على رجلى بس مش عارفه لحد امتى
ادعوا لبابا ورشا وهيام
ادعولهم اوى بالله عليكم
بابا هيعمل عمليه النهارده
خليكوا معايا بدعواتكم
واعذرونى ربنا اللى يعلم بحبكم اد ايه وبخاف عليكم اد ايه
واسفه لو تقلت عليكم
بس مش مستحمله انتم كمان تزعلوا منى عشان كده حكيت
مش عارفه هقدر اكتب تانى امتى
اول لما اطمن شويه هاجى جرى اقولكم
ادعولنا بالله عليكم
واللى زعلته فى اى وقت بقوله
ارجوك سامحنى

75 comments:

zOzO said...

قلقتيني عليكي
ان شاء الله خير
والله
مش تقلقي
وسبيها ع ربنا
اللي هو احسن من اي حد
وان شاء الله هندعيلهم
ابقي طمنينا عليكي ع طول
في رعايه الله

سلوى said...

ربنا معاكم يا منى

ياسر said...

اسف جدا علي التاخير في الزيارة
بس والله غصبن عني لظروف اقوي مني
بصي بقي ياستي اولاا انا بحب مدونتك
جدا اولاا علشان علي اسم اختي
وانشاء الله تعالي يشفي بابا ويقومة
بالف الف سلامة يارب اللهم امين
ويفك ضيقة وازمت كل مسلم
بس تمالكي اعصابك والصبر والصلاة
وابقي طمنيني لو سمحتي
تحياتي

Gihad N. Sohsah said...

صدقيني ان شاء الله ربنا يطمنك عليهم
وانتي كمان ابقي طمنيني عليكي
صدقيني انا بحبك جدا من غير ما اشوفك او اسمع صوتك حتى
بس نقول ايه الارواح جنود مجندة

رحــــيـل said...

منى
الف الف سلامه على بابا

ان شاء الله يكون بالف سلامه والف خير

اجمدى انتى عشان اخواتك مش يشفوكى ضعيفه

ربنا معاكم يارب

ياقوت الأزهري said...

اللهم رب الناس
اذهب البأس اشفى انت الشافى شفاء لا يغادر سقما

أسأل الله العظيم
رب العرش العظيم
أن يشفى والدك
ووالدى
وكل مريض على وجه هذه البسيطة

قال تعالى

وَأَيُّوبَ إِذْ نَادَى رَبَّهُ أَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ{83} فَاسْتَجَبْنَا لَهُ فَكَشَفْنَا مَا بِهِ مِن ضُرٍّ وَآتَيْنَاهُ أَهْلَهُ وَمِثْلَهُم مَّعَهُمْ رَحْمَةً مِّنْ عِندِنَا وَذِكْرَى لِلْعَابِدِينَ

اللهم استجب لنا
كما استجبت لعبدك ونبيك
ايوب

Anonymous said...

رغم اني اردت الابتعادا مؤقتا عن عالم المدونات , لكن مكنش ينفع اقرا البوست ده ومعلقش

ان شاء الله ربنا يزيل عنك الكرب والشده دي يا مني , واكيد اندعيلك من قلوبنا ..

طبعا مش ممكن نزعل منك وانتي انسانه عزيزه وغاليه عند الجميع..

مع خالص تقديري ودعواتي

محمد

سنووايت said...

فرج الله همك وكشف عنك وعنهم
وان شاء الله والدك يقوم بالسلامة

قلقتيني يا مني
بس انا واثقة ان ربنا مش هيسيب انسانة جميلة زيك في ضيقة.. اطمني

وابقي طمنينا عليكي

bastokka طهقانة said...

اللهم يا كاشف الهم و الغم اصرف عن اختنا ما تشعر به
و اشرح صدرها بالخير و السرور
و سلم والدها من كل سوء
و ارزقه الصحة و العافية
امين
امين

موناليزا said...

ياحبيبتى ربنا يشفيه ويخفف عنه ويقومه بالسلامة يارب
طيب ورشا وهيام ندعيلهم بالشفاء برضه؟
منى هو فيه ايه
فضفضى يابنتى
اتكلمى احكيلنا
حتى لو مقدرناش نعمل حاجة غير الدعاء بس على الاقل تحسى اننا معاكى
ربنا ييسرلكم جميع الامور ويفرج همكم ويفك كربكم اللهم امين

الربان said...

تحياتي


أسأل الله العظيم رب العرش العظيم ان يشفي و الدك...شفاء لا يغادر سقم.

وان يحفظه من كل سوء ...

و ادعو الله لك و لافراد الاسرة بأن ينفث
الله الكرب عنكم...و يقوي من إيمانكم...
وان يقر اعينكم بشفاء الوالد الكريم.


يارب يا حنان يا منان ياذي الجلال و الاكرام...تقبل دعائنا لاختنا في الله مني
و من عليها بشفاء والدها.


تحياتي و تقديري

مدحت محمد said...

يارب يارب
يقوم بابا بالسلامة ويطمنك عليه يارب

اللهم انه عبدك ابن عبدك ابن امتك ناصيته بيدك ماضى فيه حكمك عدل فيه قضاؤك اسألك بكل اسم هو لك سميت به نفسك او استاثرت به فى علم الغيب عندك او علمته احد من خلقك او كتبته فى كتابك ان تشفيه يارب العالمين


اسال الله العظيم رب العرش العظيم ان يشفيه


اسال الله العظيم رب العرش العظيم ان يشفيه


اسال الله العظيم رب العرش العظيم ان يشفيه



اسال الله العظيم رب العرش العظيم ان يشفيه



اسال الله العظيم رب العرش العظيم ان يشفيه


اسال الله العظيم رب العرش العظيم ان يشفيه



اسال الله العظيم رب العرش العظيم ان يشفيه




باذن الله باذن الله خير يامنى

ياريت تطمنينا

*الطالبة عفو الله *زوزو said...

ربنا معاكي يا منى و بدعيلك من كل قلبي
اللهم رب الناس اذهب الباس اشفي انت الشافي شفاء لا يغادر سقما
اللهم يا رب فرج كربها
اللهم يسر الامور
ربنا معاكي يا حبيبتي
و يا رب تطمنينا لانني فعلا بالي حيفظل منشغل بيكي

الربان said...

تحياتي

حمدا لله علي نجاح العملية...و ان شاء يكتمل شفاء الوالد علي خير...قلوبنا معك...ندعو و نبتهل الي الله من أجلك
و اسرتك ( الوالد و الشقيقتان)...ربنا يقر أعينكم بما ترغبون...و ييسر لكم الاسباب ...اللهم امين.

تحياتي و تقديري

بنت الاسلام said...

ربنا يشفيه يارب ويطمنكم كلكم عليه وان شاء الله نشوفك قريب معانا باذن الله

almasry said...

اانتى طالما تعبانه يبقى أكيد احنا تعبانين من غير ماتصرحى وتقولى دى احاسيس (اسم مدونتك ) يبقى لازم تكون عندنا .. طول السنه بتعلمينا كده ولا عاوزه تفهمينا اننا تلاميذ خايبين؟


عموما يارب تقومى بالسلامه


تحيـــاتى
المصــــــــــرى

حاول تفتكرنى said...

منى

معك

بدعواتنا

وبكل ذراتنا

تحياتي

بنت الصالحين said...

الحمدلله يامني


يارب يتمم شفاه علي خير يارب

ويارب يصلح حال كل المسلمين يارب


دمتي بخير وبافضل حال


اسال الله العظيم ان يبلغنا واياكي رمضان حبيبتي

مدحت محمد said...

الحمد لله رب العالمين

Gannah said...

منى
آسفة والله انى اتاخرت عليكى
السفر والاجازة
أسأل الله العظيم رب العرش العظيم ان يشفى والدك
ارجوك بلغيه سلامنا ودعواتنا وتمنياتنا الطيبة
وربنا يقويكِ على بره ورعايته
فى امان الله
طمنينا يا منى
تحياتى

موناليزا said...

الحمدلله
الف حمدالله على سلامته
ان شاء الله يقوم بالسلامة ويرجع احسن من الاول
ربنا يتمم شفاه على خير

صاحب المضيفة said...

ربنا يشفيه ويعافيه ويجعل مرضه ده في ميزان حسناته وكفارة عن سيئاته يارب


ويقومه بالسلامة يارب

منى said...

zozo
الحمد لله يا زوزو هما احسن دلوقتى ربنا يتمها على خير
مرسي لكى
واسفه عشان قلقتك
ربنا مش يحرمنى منك
تحياتى

منى said...

سلوى
ربنا يكرمك يا سلوى
ادعيلهم اوى
تحياتى

منى said...

ياسر
اشكر لك اهتمامك اخى
وربنا يبارك فيك وفى اختك
ويسمع منك
الحمد لله احنا احسن دلوقتى
جزاك الله خيرا
تحياتى

منى said...

صانعه الاحلام
الحمد لله يا حبيبتى ربنا طمنى
واسعدنى جدا تعليقك
تعرفى اكتر حاجه بحبها فى المدونات اننا بنعامل ارواح وافكار مش وجوه ومواصفات
ربنا يديم الود
وتسعدينى بزيارتك دايما
تحياتى

منى said...

رحيل
الله يسلمك يا رحيل ويكرمك دايما
عندك حق انا الكبيره ودايما لازم اكون قويه واشيل شويه لوحدى
بس الحمد لله على كل حال
تحياتى

منى said...

ياقوت
امين
ربنا يشفى كل مريض
ويهدى كل ضال
ويثبت المؤمنين

جزيت خيرا
تحياتى

منى said...

الفارس الملثم
اشكرك اخى للاهتمامك
وتعليقك رغم قرار الابتعاد
ربنا يسمع منك
وارجو ان تكون انت ايضا بخير وتعود لمدونتك سريعا
تحياتى

منى said...

سنووايت
ربنا يسمع منك
اسعدنى وجودك وتعليقك وحسن ظنك
الحمد لله احنا كلنا احسن دلوقتى
تحياتى

منى said...

طهقانه
امين
امين
امين
ربما يسمع منك ويتقبل دعائك الجميل
نورتينى
تحياتى

منى said...

موناليزا
ربنا يسمع منك
ايوه رشا وهيام كمان محتاجين الدعاء يالشفاء وتفريج الكرب
بيمروا بازمات نفسيه رهيبه اثرت عليهم صحيا
ربنا يعافيهم ويعافى الجميع ويفك الكروب
ودمتى لى اخت حبيبه
تحياتى

منى said...

الربان

تقبل الله منك دعائك الجميل
وعافاك والخلق اجمعين
ارجو ان يكون اخاك بخير الان
جزيت اخى كل الخير
تحياتى

منى said...

مدحت محمد
اخى لا اجد من الكلمات ما يوفيك حقك
من الشكر
ولا ما يبلغنى ما اريد من الاعتذار

جزيت الخير كله وكفيت الشر كله
ورزقك الله الفردوس الاعلى
تحياتى

منى said...

zizi
الحمد لله ربنا يسر الامور
واستجاب لدعواتكم
والله نعمه كبيره انى اتعرف على ناس رائعه زيكم
تحياتى

منى said...

الربان
مره اخرى
اغرقنى كرمك سيدى
الحمد لله تقبل الله منك

على فكره رشا اختى وهيام قريبتى

جزيت كل خير وادعو لك بسعاده الدارين
انت ومن معك
تحياتى

منى said...

بنت الاسلام
جزيتى خيرا عزيزتى
الحمد لله على فضله
تحياتى

منى said...

almasry
لاء طبعا انتم مش خايبين
انا اتعلمت كتير من كل مدونه دخلتها
وربنا يكرمك على نبل كلماتك
انا الحمد لله بخير وهما كمان احسن
ويارب كلكم تبقوا بخير دايما
تحياتى

منى said...

حاول تفتكرنى
اشكرك اخى
وجزيت خيرا
تحياتى

منى said...

عاشقه الفردوس
الحمد لله
جزاكى الله كل خير
واياكى
تحياتى

منى said...

مدحت محمد
الحمد لله
ربنا يكرمك دايما بكل خير
تحياتى

منى said...

ganah
لاء يا حبيبتى
مفيش داع للاسف
نورتى مصر كلها كان نفسى اشوفك فى الاجازه
لكن قدر الله وماشاء فعل
ربنا يقبل الدعوه الجميله دى
ويجزيك كل الخير
تحياتى

منى said...

موناليزا
الحمد لله يا حبيبتى
ربنا مش يحرمنى منكم ابدا
تحياتى

منى said...

صاحب المضيفه
ربنا يسمع منك
ويجزيك كل خير
تحياتى

ساعد نسرين الايمن said...

مني

الف سلامة علي بابا

وربنا يطمنئك عليه هو ورشا وهيام

فقط ادعو الله كثيرا

ولو احتاجي اي حاجة من اي حتة في العالم
انا تحت امرك والله
مش عزومة مراكبية خالص
لو في اي حاجة ممكن ترسلي ميل
او تكلميني علي الرقم
00966500020752
وان شاء الله ربنا معكي

مني
انا عارف اد ايه انتي رقيقة
بس عارف برضه انه في المعتاد
انتي اقوي من كده بكتير
انتي اقوي من 100 رجل
لازم تفضلي ثابتة
لغاية لما الازمة تعدي
وان شاء الله هتعدي بسرعة
وياليت تبقي تطمني

.. نرمين زين الدين .. said...

شفاهم الله وعافاهم جميعا حبيبتي
وثبتكي الله وثبتهم ..
ربنا يخلهملك وميحرمكيش منهم
ربنا يزقوا الجنة جميعا
دعواتي لكم

blue-wave said...

سيبيها على ربنا
وانشاء الله ربنا هايكرمهم
ودعواتنا كلنا معاهم

"النجم القادم" said...

الف سلامه على الوالد

شفاه الله وعفاه

وان شاء الله غمه وتزول

وربنا يكرمه بصحته وعفيته اللهم امين

Eno said...

الف حمد الله علي سلامة باباكي
ربنا يتملكم شفاه علي خير يارب

ويارب يشفي رشا وهيانم ويفرج كربهم
ربنا يتقبل دعاء كل الناس ياااااااااارب

رفقة عمر said...

منى انا اسفه ليكى كتير وزعلانه منك اكتر
انا مش كنت بادخل نت خالص
ولسه داخله مدونتك ليه مش قولتيلى ان بابا تعبان
ربنا يتم شفاه على خير
وطهور االلهم امين
وجعل كل الم شعر به فى ميزان حسناته ورفعه الله به فى اعلى الدرجات
اللهم امين يارب العالمين

bastokka طهقانة said...

الحمد لله
ربنا يتمم شفاه و يقوية و يديله الصحة
و ترجعي لنا بالسلامة يا جميلة

اوروفوار

Mohamed Hesham Safa said...

ربنا معاكم ...

وأتمنى الشفاء للوالد ...

ياقوت الأزهري said...

حمدا لله على سلامة الوالد
وأتم شفائه على خير

وكم اتمنى
أن تأتى ببوست

يصف حالة التوجه إلى عز وجل
أثنا هذه الظروف

لاعليك
اسعدتنى عودتك

L.G. said...

حمد الله على سلامة بابا قوليله ال جي بتسلم عليك وحتبعت تليفزيون وتلاجة ومروحة :)

وسلامة رشا وهيام وكل من أحببت
شملك الله بعطفه وكرمه وعطاياه أنت وكل من شملته شفقة قلبك ويارب أكون منهم

آسفة على التأخير
ربنا يمتعك وأهلك وحبابيك بالصحة وتسلموا من كل سوء

Mona Shereif said...

الف حمد الله على سلامة بابا يا منمونه
ويـــــــــــارب اشفى كل مريض يارب
ما تقلقيش انا كويسه يا منى الحمد لله بس اعصابى متوترة علشان النتيجه اصلها لسه ما ظهرتش
وان شاء الله سنعود بإعلان النتيجه
ويارب تكون مشرفه
خلى بالك انتى من نفسك كويس
كل سنه وانتى طيبه يا حبيبة قلبى

منى said...

ساعد نسرين الايمن
الله يسلمك
ومرسىى ليك جدا
الحمد لله احنا احسن دلوقتى
وفعلا ربنا فى المواقف اللى زى دى بيعطينا قوه غريبه
فله الحمد وله الشكر
تحياتى

منى said...

نرمين زين الدين
امين
ربنا يسمع منك
ويرزقك الخير كله حبيبتى
تحياتى

منى said...

blue wave
ربنا يكرمك
مرسيي جدااا
تحياتى

منى said...

النجم القادم
الله يسلمك
الحمد لله على كل حال
جزاك الله خيرا
تحياتى

منى said...

eno
ربنا يكرمك حبيبتى
ويسلمك من كل شر
ويسمع منك
تحياتى

منى said...

رفقه عمر
حبيتى طبعا مفيش داعى للاسف
وياريت كمان متزعليش منى
زى ما قلتلك محبتش اقلقك عليه
وكتبت البوست فى لحظه صعبه لولا تعليقات الناس كنت حزفته
ربنا ميحرمنيش منك ابدا
ويديم الود
تحياتى

منى said...

طهقانه
الحمدلله
انتى والله اللى جميله وكلك ذوق
ربنا يكرمك دايما
تحياتى

منى said...

mohammed hesham
جزيت خيرا على مشاعرك الطيبه
واسعدك الله دوما
تحياتى

منى said...

ياقوت
سلمك الله من كل سوء
بالفعل كانت حاله غريبه ولكنى لا ادرى ان كنت استطيع صياغتها ام لا

شكرا لك
تحياتى

منى said...

l.g
وحشتينى اوى
بابا بيقولك الله يسلمك ومفيش داعى تكلفى نفسك كفايه مروحه

ايه الكلام والدعوات الجميله دى
ربنا يتقبل منك ويكتب لك مثله وزياده
طبعا مفيش مجال للاسف انا عمرى ما ازعل منى
بس بتوحشينى وبقلق عليكى
تحياتى

منى said...

sometime
وانتى بكل خير يا حبيبتى
ويارب النتيجه تبان بكل خير ونفرح كلنا معاكى
والحاجه الساقعه عليه كمان
تحياتى

هانى المصرى said...

ربنا يقومه بالسلامه يامنى
ويارب بالشفا العاجل
تحياتى

momken said...

ربنا يتم شفاه على خير ان شاء الله
ويطمنكم عليه ويشفى كل مريض ان شاء الله

تحياتى

Unknown said...

ربنا يشفيه ويعافيه يا منى يارب
كل ودي وصدقيني هأدعيلو كتير

Gannah said...

منى
ازيك؟؟
يا ترى اخبار بابا ايه؟؟؟
يارب يكون بخير
بلغيه سلامى
ربنا يبارك فى عمره
تحياتى

منى said...

هانى علوان
تقبل الله منك
اشكرك اخى
جزيت خيرا
تحياتى

منى said...

momken
امين
جزيت خيرا اخى
تحياتى

منى said...

كاتب مصرى
ربنا يتقبل منك
ويكرمك يارب
تحياتى

منى said...

gannah
الله يسلمك يا حبيبتى
الحمد لله انا وبابا وكلنا بخير

الحمد لله ربنا تقبل الدعوات الجميله
ربنا مش يحرمنى منكم ابدا
تحياتى

عاشق الورد said...

منى
ربنا يطمنك على بابا ورشا وهيام
ويكون فى عونكم جميعا ياااااااااارب
وتكونوا بخير وتعيشوا فى هنا وسلام على طول
يااااارب امين