Thursday, July 3, 2008

صديقتى دائما

ش كما طلبت ان ادعوها صديقتى منذ سنوات وحتى الان صداقتنا محل الحديث والحوار بين من يعرفونا رغم اننا لا نتقابل الانادرا ولا نتحدث فى التليفون كثيرا وللعلم نختلف فى الكثير ،ولا ادرى لما تذكرت هذه الايام المره الوحيد التى حدث بيننا خلاف
رغم انه لا يصح ان اسميه كذلك ،فلم تفعل احدانا مايسئ للاخرى لكنهم الاخرون
لم نتشاجر بالطبع كل ما جرى انها لم تجلس بجوارى كالمعتاد وتركت المدرسه دون ان تودعنى كما تفعل دائما ولكم ان تتخيلوا حالتى وقتها
نسيت ان اقول اننا كنا فى تانيه ثانوى
لن اطيل عليكم لكنى ساعرض لكم ما كتبناه عندما ذهبت كل منا لمنزلها
ش
كيف تعاتبين وانتى قاتلتى
انتى القاتله والسكين
فكيف تسالين
اراك بين ثنايا الحياه
تختفين
اراكى تبتعدين
وتلوحين
اردتك سندا فى غربه السنين
لكنى مللت الوهم والحنين
**************
اما انا فكتبت
يتهادى الحزن الى قلبى
يترائ الدمع فى عينى
لكن الكبر يلملمه
يمسح بيديه المى
ويظل الصفح يتباعد
يامر قلبى كى يبكى
ما اقسى لحضات الضعف
ما اقبح ان تحيا حياه
قائمه على الكذب
وفى اليوم التالى لم تتخيل باقى الصديقات اننا لسنا معا وبدا يتدخلوا فى الامر وساعتها لم استطيع ان اتحكم فى نفسى فانفجرت فى البكاء
ش كيف طاوعك قلبك ان تبتعدى ؟كيف استطعتى ان تقسى ؟كيف تستمعين وتصدقين دون تسالينى، لو تحبيننى حقا ما تركتنى
ولا ادرى ماذا قلت ايضا
ورغم اعتذارها الا اننى لم استطيع ان انسى بسهوله
حتى جاءتنى ش بهذه الكلمات
قد اقسو وقد ابدو بعيده
احتوينى بعيناك الدفيئه
دموعك تجعلنى غريقه
انتزعينى من دموع حزنك العميقه
والا ساكون شهيده دموعك البريئه
نظراتك اللائمه تجعلنى اتوه
لملمينى ايتها الصديقه
اهدينى اليكى
والا ساضل الطريق
ومن يومها ولله الحمد لم اغضب منها ولا هى فعلت
نتخذ لبعضا الالاف الاعذار ليس مهم من يتصل اكثر من يسال اكثر من يحب اكثر
المهم اننا اصدقاء

56 comments:

mohaawad8 said...

:D

بجد الصداقة دي اكبر تناقض في الحياة
لذة ومحبة

يمكن زي الحب
لانها حب
بس حب سامي
اكبر من حب الاخوة
واقرب لحب ولد وفتاة
ضربتها غادرة قاسية
و لمتها احلي السنين والاوقات

الاصدقاء هم الحياة
والحياة بدون صداقة راتبة مملة
ملل قاتل

بجد سعيد ان ده اول موضوع اشوفه بعد العودة والامتحانات
يمكن كلامي سطحي بس اعذريني
لسا دماغي واقع
وبدور عليه

ادعيلي

رفقة عمر said...

جميله قوى منى
فكرتينى بموقف ليا مع صديقتى وكنا فى ثانوى برضه فجاه هى اخدت قرار بالابتعاد ولم اعلم لما ذا الا بعد فترة من الوقت لكن ابتعادها عنى سبب لى الم فظيعا وكنت دايما ابكى بشدة من خصامها لى
وعلمت بعد كدة لماذا اخدت قرار الابتعاد لانها كانت تريدين صديق لها لو حدها وانا كانت ليا صديقات كتير قالت لى لم احتمل ان تكونى تعرفى غيرى
ولكن عندما كبرنا فهمت ان دة كان امر تافه لايستحق انها تفارقنى من اجله ولم نعود اصدقاء تانى الا بعد ما خلصنا جامعه
موضوعك فكرنى قوى بالموضوع دة لانها كانت لحظات صعبه عليا جدا
جميله قوى

موناليزا said...

منمونة الجميلة:هناك مقولة سمعتها تقول التمس لاخاك 70 عذرا وان لم تجد فلوم نفسك
مااجمل رقة مشاعرك وحبك للاخرين
دمتى بكل الخير

رحــــيـل said...

منى

احساس الصداقه ده من اجمل فلا العلاقات الموجوده واصدقها فى حياتنا

جميله جدا طريقه التواصل بينكم

تحياتى وحبى لكى

dr.gesho said...

دايما بيكون فيه اصدقاء فى حياتنا منقدرش نزعل منهم مهما عملنا ومهما حصل بجد مينفعش اصل الصداقه دى حاجه جميله جدا اكيد الانسان اللى له صديق حقيقى بيكون محظوظ واللى له اكتر من صديق دا بقى امه داعياله
ربنا مايحرمكوش من بعض
تحياتى

الفارس الملثم said...

ياه يا مني مشاعركم رقيقه بجد وكمان كلماتكم رغم ما بها من قسوة جميله اوي , اكيد سبب قسوتها دي انكم مرتبطين اوي ببعض

انتي عارفه بيكون مقدار المنا من انسان بيكون معزته عندنا , ساعتها ممكن حتي ابسط الاشياء تجرحنا منه اوي

ربنا يديم عليكم صداقتكم واحاسيسكم الرقيقه والجميله دي

تحياتي

ammola said...

احلى أحاسيس
ما شاء الله لاقوة الا بالله
يابختك بصديقتك
أنا أعز صديقة عندى من الطفولة خانتنى وباعتنى ودورت لها على مليون عذر ومالاقتش لاأنا ولا هى لها أى عذر
ياللا
قلبك أبيض

zOzO said...

الصداقه دي
احلي حاجه ف الدنيا
بجد
ربنا يخلي كل اصدقائك ليكي يا مني
ومش تزعلي منهم مهما كانت الاسباب
تحياتي ليكي
وليه مش جيتي اللقاء
زحلانه منك
ومخصماكي

مدحت محمد said...

ربنا يديم عليكم الصداقة دى يامنى


اكيد دى كانت عين حسود


وان شاء الله

تبقو اصدقاء للابد

حاول تفتكرنى said...

هذا الإحساس هو الوجه الحقيقى للصداقة

دامت صداقاتكما

تحياتي

سنووايت said...

ياااا يا مني
بجد احاسيس جميلة
وكلمات جميلة
فكرتيني باحدي صديقاتي كنا بردو بنتبادل الاشعار ونتعاتب ونتلام ونرجع تاني

جميلة انتي يا مني

Dr. Ibrahim said...

الصداقة شىء لا يعوض وكنز ولكن بشروط طبعاً

حتى لا نحتار أى صديق

وأهم حاجة فعلاً ان انتم أصدقاء

د/هيما

Unknown said...

الصداقة من اجمل الاشياء التى تتبقى للانسان ولكن دعينى احسدكم فقليلا هم من فى مثل صداقتكم التى اتمنى ان يديمها الله لكى ولها

تقبلى تحياتى

WhItE HeArT said...

ربنا يخلي صداقتكم دي ويدومها عليكم
بجد ماأجمل الصداقه


تحياتي

منى said...

mohaawad8
حمدالله على السلامه
يارب تكون جاوبت كويس فى الامتحانات
انا كمان سعيده انى من اول المدونات اللى شفتها بعد ما رجعت
على فكره كلامك مش سطحى ولا حاجه
بالعكس ده هو ده لب الموضوع
اجمل فى الصداقه انك بتختار صديقك بمحض ارادتك مش حب موروث زى الاخوه
ولا حب له اكتر من غرض زى حب واحد وواحده
حمد الله على السلامه مره تانيه
تحياتى

منى said...

رفقه عمر
فعلا قاتسى اوى احساس انك مش تلاقى صديقك جنبك
واصحب ما فى الامر ان يكون قرار الابتعاد بسبب عظم هذا الحب
غريب امر النفس البشريه
مهما عرفنا تفاجئنا بالمزيد
صديقتنا التى كانت سبب الخلاف فكرت بنفس الطريقه
لكن بدلا من ان تبتعد هى
فكرت ان تبعد ش عنى
لكنى تعلمت ان احافظ عليهم جميعا ولا اشعر احداهن ان افضل الاخرى حتى وان كان ذلك حقيقى
انتى فين النهارده لسه مش فتحتى الايميل ليه
دا انا مش رحت الشغل النهارده وكنت عايزه اكلمك
تحياتى ياا قمر

منى said...

موناليزا
ما اجمل وجودك انتى عزيزتى
بس بجد وحشتينى اوى
مش تشوفى حل فى الايميل ده ولا مش عايزه تكلمينى
وش زعلان
تحياتى

منى said...

سبحان الله انتم التلاته هنا ورى بعض
وفاتحه الايميل ولا واحده منكم فاتحه
رحيل
عووووووودى يا هاميس
قصدى
عووووووودى يا رحيل
معلش يا ساره اصل الحاله صعبه شويه وبدل ما اعيط بهييس
سلام

منى said...

dr.gesho
امين
فعلا انا ماما بتدعيلى دايما
ربنا يبارك لى فيها وفى دعواتها
انا كل الناس اللى اعرفهم مهمين اوى فى حياتى
لكن اصحابى جزء من عقلى
حبى ليهم بيغذيه الاحترام عشان كده الحمد لله قادرين نحافظ على بعض ومش نتوه من نفسنا رغم كل الصعوبات والزحمه
تحياتى

منى said...

الفارس الملثم
ربنا يسمع منك
انا مش عارفه من غير اصحابى هعمل ايه
يمكن زى ما قلت مش بنشوف بعض كتير لكن لم احس انى محتاجه حد اتصل باى واحده فيهم ننزل او نسافر او حتى نتفق على ميعاد ومش نتقابل
بس احساس ان كل واحده عايزه تخفف عن التانيه ده رائع
ربنا مش يحرم حد من اصحابه وحبايبه ابدا
تحياتى

منى said...

ammola
ازيك وحشانى اوى
تعرفى ان صداقه الطفوله بتختلف كتير
هى ممكن مش خانت ولا باعت لكن لم كبرتم افكاركم واحلامكم اتغيرت
انا حصل معايا كده
مش كنا اصحاب بس كانوا بيقولوا علينا توام
ورغم اننا جيرران لكن مش بقينا زى الاول
الصداقه اتغيرت
لكن حبنا لبعض مش قل ابدا
لسه الود موجود
بس احنا اللى اتغيرنا
تحياتى يا شهرزاد

منى said...

zozo
لاء لاء لاء
انا مش اقدر على زعلك ابدا
رغم المفروض انا اللى زعلانه
انا كنت عارفه الميعاد الاولانى وكان كويس
فجاءه اعرف ان فيه ميعاد تانى والوقت مش مناسب ليه خالص
اعتقد ان التجمعات الكبيره دايما الميعاد مش بيناسب الجميع
يا ريت لو مش عندكك مانع نحدد ميعاد تانى قريب لمجموعه محدده نقدر نضبط مواعيدنا
ماشى اوعى تخصمينى
وش بيعيط
تحياتى

منى said...

مدحت محمد
ربنا يسمع منك
اه تصدق باين انها كانت كده فعلا
اصل الكل كانوا بيقولوا
انتم مش بتزهقوا من بعض ابدا
ادينا دلوقتى مش بنشوف بعض غير مرتين تلاته فى السنه
ربنا يسامحهم بقى
ههههههه
تحياتى

منى said...

حاول تفتكرنى
فعلا عندك حق
ازاى اقول اصدقاء لو مش بنغفر ونتخذ الاعذار
ربنا يديمها علينا
تحياتى

منى said...

سنووايت
اه كانوا اصحابنا بيقولوا
حتى وانتم زعلانين بتكتبم لبعض
بس اعتقد الطرقد دى افضل
عشان الكلام المباشر ممكن نغلط فيه ونجرح حد من غير ما نقصد
لو سنو مش هتكتب شعر فى كل المواقف ممين عنى هيكتب؟
تحياتى

منى said...

dr_heama
فعلا حسن الاختيار هو ما يضمن الاستمرار
اكثر ما كان يسعدنى علاقتى امى الجيده باصدقائى واشادتها الدائمه بحسن اختيارى لهم لكنه فى الحقيقه توفيق من الرحمن
تحياتى

منى said...

هيثم الدهشان
لا لا لا
لن اتركك تحسدنا
هههههههه
بل اغبطنا اخى
تقبل الله دعائك
وبارك لك فى اصدقائك
تحياتى

منى said...

white heart
امين
يا ترى الدعوه دى من هنا ولا من هناك
تحياتى

Gannah said...

قد اقسو وقد ابدو بعيده
احتوينى بعيناك الدفيئه
دموعك تجعلنى غريقه
انتزعينى من دموع حزنك العميقه
عجبتنى قوى يا منى
صداقة المدرسة متتنسيش ابدا وانا لسه ليا اصحاب واعز اصحاب وبنحاول منبعدش عن بعض قدر الامكان
ادام الله صداقتكم وحبكم لبعض فالصديق الحقيقى هو عملة نادرة وخير معين على قسوة الحياة
بس ليه افتكرتى الخلاف؟
تحياتى

مجداوية said...

السلام عليكم

يا سلااااااااااااام جيت فى وقتى تمام

يعنى انت عمرك ما حتزعلى منى أنا كمان على تقصيرى
صحيح أنا لست مثل ش لكن أنا ميم برضه تمشى

أنا أعلم حقا انى مقصرة معك ومع كثيرين جدا ولكن اعتبرى زياراتى المتفرقة لك وان بعدت انها ود موصول واحترام دائم وحب فى الله لن ينقطع باذن الله

ومن يعرفك ويبعد عنك أختى الرقيقة المشاعر الحلوة الكلمات والقلب

ادعى لى بظهر الغيب ولا تنسينى

وسلام الله عليك ورحمته وبركاته

الفارس الملثم said...

صباح الخير يا مني

ليكي عندي تاج في مدونتي التانيه ثرثره مع نفسي

http://mygrazydreams.blogspot.com/

متتاخريش تاخديه ممممممممم

bedo said...

حفظكما الله لبعضكما
خلي بالك من صديقنك عشان مش سهل تكوني صداقة زي دي وهتجيبي منين كم سنة تبني فيها صداقة وهتجيبي منين حد يتحملك زيها وهتلاقي فين قلب يحس بيكي

بيدو

Unknown said...

ذكرتينى بصديق كنا دائما ما نتعارك

حتى اتفقنا أن خلافتنا انما هى فقاعه من الهواء بمثابة أن ندخل بيوتنا تتلاشى ومن يومها لم نعد نتعارك

فما أجمل الصفاء وتألف النفوس مع بعضها

zOzO said...

انت تؤمر يا جميل طبعا
ياريت والله
ربنا يسهل ويكون قريب
طب هقولك
انا هاخد رقم واكلمك
هاخده من رحيل
اوكشن كده ؟

منى said...

ganaah
مش عارفه ليه افتكرت دلوقتى بس يمكن لما بلاقى الناس حواليه لم بيختلفوا بينسوا اللى كان بينهم بشكل قاسى جدا

الجميل بقى ان لم افتكرت ، تانى يوم لقيتها بتتصل وتقول انها جايه تقابلنى فقولتلها وقررت انشر الموضوع
الكلمات اللى اختارتيها عجبتنى انا كمان اكتر من اللى كتبته ويمكن فيها السر اللى مجمعنا لحد دلوقتى
ربنا يخليك اصحابك وتفرحم دايما سوا
وتفرحينى بزيارتك الغاليه
تحياتى يا قمر

منى said...

مجداويه

وعليكم السلام ورحمه الله وبركاته
انا طبعا عمرى ما ازعل منك
وزى ما قلت اللى بيحب حد بيتخذ له اعذار وده اللى بعمله
لكن من ناحيه الزياره بجد انا مقدره ظروفك
اقولك على سر
انا اللى كنت خايفه انك تكونى زعلانه منى
وكنت بعلق عندك على استيحاء
وكتير اقرى ومش اعلق
مش عارفه ليه حسيت انك ممكن تكونى زعلانه منى لدرجه ان كان عندى كام استفسار عن الحمله وبرضه اتكسفت اسالك
عموما
ربنا مش يجب زعل خاااااااااالص
ويكرمك على حسن ظنك بيه
ويديم الود والحب فى الله
تحياتى وحبى

منى said...

الفارس الملثم
مساء الخير
ماشى هروح اروح
ومرسيى جدا لاهدائك
تحياتى

منى said...

bedo
عندك حق والله
هو العمر فيه كام 13 سنه
وحتى لو كتير مش بسهوله تلاقى حد بالشكل ده
ربنا يتقبل دعائك
ويبارك لك فى اصحابك واهلك
ويارب تكون احسن دلوقتى
تحياتى

منى said...

eygboy
جميل اوى اتفاقكم ده
بس انكم تتفقوا انكم مش تهتموا بالخلافات معناه انكم شارين بعض اوى وده اللى هيخليكم دايما اصدقاء ان شاء الله

تحياتى

منى said...

zozo
الله يكرمك
طبعا اوكى
خديه من ساره وان كان ضاع منها خدى الايميل وانا ابقى ابعتلك الرقم
عيب لما نبقى بلديات كده ولسه مش شفنا بعض
مستنيه اتصالك
سلام

talagait said...

مااجمل تلك الصداقة المبنية على تلك المشاعر الجميله
فهى خير كل المور
صحابة رسول الله هو خير الامه
وابو بكر هو خاصة الخاصة


كيمو ارجو زيارة مدونتى المتواضعة
http://www.talagait.blogspot.com

زى الهوا said...

جميلة علاقتكم ببعض اوى و تعرفى إن تقريبا نفس الكلام دا كان بيحص بينى وبين صديقة ليا برده , بس الفرق اننا مش لينا فى الكتابة , بس رغم قوتنا ادام الناس بس كنا بنبقى ضعاف اوى لما نتخانق , اعتقد اننا مااتخانقناش غير مرتين تقريبا , على فكرة هيه صحبتى من تانية اعدادى

وليا برده صديقة من ابتدائى واخرى من الكلية , دول اعز اصدقائى وتقريبا نفس احساسى تجاههم هوه الاحساس اللى بتحسيه تجاه صحبتك دى

blue-wave said...

الله على مشاعر الصداقه الصادقه
تحياتى بجد

ياسر said...

قد اقسو وقد ابدو بعيده
احتوينى بعيناك الدفيئه
دموعك تجعلنى غريقه
انتزعينى من دموع حزنك العميقه
والا ساكون شهيده دموعك البريئه
نظراتك اللائمه تجعلنى اتوه
لملمينى ايتها الصديقه
اهدينى اليكى
والا ساضل الطريق
بجد تسلم ايدك يارب
بوست قمة في الجمال والتعبير
تحياتي
ياسر

klmat said...

حبيبتى منى
ازيك يارب تكونى بخير واشكرك جدا على سؤالك عنى .غيابى كان غصب هنى الحمد لله

الصداقه من نعم ربنا علينا وقد نحب اصدقاءنا زى اهلنا وربما نرتاح لهم اكتر لاننا اختارنهم ولما بنزعل بنتمنى نتصالح تانى . انتى اللى تكونى صديقتها بتكون محظوظه لانك انسانه جميله اوى
ربنا يديم المحبه ويحبب فيكى خلقه ويوفقك
ويسعدك يااااااااارب

Anonymous said...

السلام عليكم
نعم المهم اننا اصدقاء
فما اصعب غربة الحياة بدون صديق ومؤنس للوحدة
مااصعب الدموع وهي تنزف بدون تجفيف منة
آدام الله لكى صديقتى وجعلها عونا لكى وسندا
كل التحية..
عــفراء

فارس بلا جواد said...

السلام عليكم ورحمة الله وبركاته
دى اول زياره ليا
مدونه روعه وبوست هايل
تحياتى

منى said...

talagait
معك حق
اجمل الامور
ان يكم لك صديق حق
وابو بكر كان خير الاصدقاء لخير البشر
عسى الله ان يجمعنا بهم فى الفردوس الاعلى
ان شاء الله اتشرف انا بزياره مدونتك
تحياتى

منى said...

زى الهوا
فعلا لما بيحصل اى حاجه تعكر صفو العلاقه بين الاصدقاء
كل واحد منهم بيحس انه وحيد مكسور
ربنا يبارك لك فى اصدقائك ويجمعكم على الخير دايما
تحياتى

منى said...

blue_wave
اشكرك اخى
تحياتى

منى said...

ياسر
يارب تكون احسن دلوقتى
اه الكلمات جميله
دى ش اللى كتباها
وش حبيبتى كل كلامها جميل
تحياتى

منى said...

كلمات الجميله
حمد الله على السلامه
يارب تكونى بالف خير
عندك حق
اجمل ما فى علاقات الصداقه انه اختيار
ورسيى جدا على الكلام الحلو ده
ده كتير عليه بجد
ربنا يكرمك وتنورينى دايما
تحياتى

منى said...

الغير معرف او عفراء
مااقسى الحياه بدون صديق
وونيس
تحتاجه فتجده قبل ان تطلبه
وان عز اللقاء
ففى القلب ما يكفيه من وفاء
تحياتى

منى said...

فارس بلا جواد
وعليكم السلام ورحمه الله وبركاته
اهلا بك
وشكرا لرايك وحسن ظنك
تحياتى

عاشــــــ النقاب ـقــــة"نونو" said...

السلام عليكم حبيبتي
التمس لاخاك سبعين عذرا فان لم تجد فقل ان الذنب عندي
ربنا يديم المحبة والوفاق ما بينكم
يارب
تحياتي

منى said...

نونو
امين يارب العالمين
تسعدنى زياراتك دوما
تحياتى