Tuesday, February 26, 2008

تاج هبههوب

ده تاج احمد الصباغ لكن جالى عن طريق هبههوب حبيبتى

هل توافق على حزف خانة الديانة من البطاقة الشخصية
لا اوافق
3
هل تعتقد بوجود إضطهاد للمسيحين فى مصر ؟
لا اعتقد
4
من هو الشخص الذى تختارة لرئاسة مصر ؟
اختار عصفور المدينه
5
أذا قمت
بتأسيس حزب سياسى .. من هم الأشخاص الذين ستقوم بضمهم فى الحزب ليشاركوك فى حكم مصر حال فوزك فى الإنتخابات ؟
هل توافق على مشاركة كل من : الإخوان المسلمين - الأقباط فى الحكم ؟

اختار من تدل اعمالهم واخلاقهم على اهتمامهم بالمصلحه العامه
ومن اى فئه طالما مصريون
6
فى رأيك الشخصى .. ما هى أفضل مدونة على بلوجر قمت بزيارتها ؟
كتير
بعضهم بحبهم اكتر وبعضهم باحترمهم اكتر
7
للإناث فقط : هل توافقين على الزواج من رجل مطلق ؟
اذا كان على خلق ودين فما المانع؟
8
اذا تزوجت وأنجبت ولدين وبنتين .. أى الأسماء تحب أن تسمى ؟
ماشاء الله اربعه
انا اختار عمر وندى
وسلمى ويحيي
9
هل تعتقد أن توريث الحكم فى مصر . . سيتم فعلا أم لا ؟
لا ادرى
10
رأيك الشخصى : ماهو أفضل إنجاز لحكومة مبارك ؟ وما هو أسوأ عمل قامت به ؟
يكفى ان تقول الفساد ثم تجد عشرات الاعمال السيئه

ده بقى تاج من تاليف هبههوب نفسها

1هل كتبت مرة بوست ف البلوج ومسحته؟امتى وكتبت ايه؟؟؟ لو مش عندك بلوج ...هل كتبت حاجه ف ورقه وقطعتها؟؟؟ او ايميل ومبعتوش؟؟
؟كنت هاكتب بس تراجعت
لانها حاجات شخصيه وحسيت انى هتقل على الناس بحاجه متهمهومش
لكن بحتفظ باى حاجه كتبتها فى ورقه حتى لو نقلتها فى كشكولى لكن الورقه اللى اتكتب فيها لاول مره هى اللى شايله الاحساس
ل2لو حسيت بحد بيتظلم قدامك هتعمل ايه؟؟؟؟اكيد لو اقدر اتدخل وارفع الظلم مش هتردد3لو رايح المريخ وهتاخد حاجات معاك هتاخد ايه؟؟؟ ولو شخص هتاخد مين؟؟؟
؟قلم وكشكول
هاخد بابا وماما ونشوى صاحبتى
بس لاسباب مختلفه
4لو حصل لك ايه ف حياتك هتقول كدا كفايا انا كدا حققت الى بتمناة؟؟؟
لو الدنيا بقت جنه وكل الناس عايشه سعيده
5ماهو الرقم المفضل لديك؟؟
16
من اكثر الشخصيات المؤثرة عليك ف حياتك شخصية عامه و خاصه؟؟؟
حبيبى المصطفى صلى الله عليه وسلم
وسيدنا ابراهيم
وعمر ابن الخطاب
مش بس فى الناحيه الدينيه لاء
يمكن الاجتماعيه اكتر
اما الخاصه ماما
ا7شخص تضحى بحياتك من اجله؟؟؟؟
برضه ماما
8اجمل اغنيه .و...اجمل نشيد ..و...افضل شيخ ..و..افضل منشد..و..افضل مكان؟؟؟؟؟ا
اجمل اغنيه
من نورك يا رب اهدينى
افضل شيخ
العجمى ومشارى
افضل منشد
مشارى العفاسى
افضل مكان
الجنه
9لما تكون سعيد يتعمل ايه ...ولما تكون مخنوق بتعمل ايه او بتروح فين؟؟؟؟
لما اكون سعيده بفضل رايحه جايه ومبطلش كلام وضحك
ولو مخنوقه
اروح فى اى مكان فيه هوا
واقعد لوحدى او مع اطفال
لو عايزه اعيط
بروح اصلى
ى10هل ممكن تتأسف لأنسان ..لو كنت غلطان؟؟
؟ايوه طبعا حتى لو طفل
لان عدم الاعتراف بالخطا اعتقد انه كبر والعياذ بالله11
امتى مريت بموقف مضحك اوى ومكنتش قادر تمسك نفسك من الضحك؟؟
كتير
12لو هتموت بعد ساعة (بعد الشر) ايه اول حاجه هتفتكر انك المفروض تلحق تعملها
حصلت قبل كده
كنت راكبه والعربيه كانت هتقع من على الكوبرى وكانت اول مره اتعرض لحاجه زى كده
لقيتنى عماله اقول سبحان الله وبحمده سبحان الله العظيم علشان ربنا يغفر لى
وقعدت ادعى ان ربنا يصبر ماما ويخلى اخواتى وكل العيله ياخدوا بالهم منها
بس العربيه موقعتش والحمد لله لكن اكتشفت انى مفتكرتش حد غير ماما وانى مبحبش حد قدها
ربنا يبارك فى عمرها ويعافيها ويعفو عنها

32 comments:

ammola said...

ازيك يا منى وحشتينى اوى
الحمد لله على رجوعك بالسلامة
ازاى تتكسفى وتحرجى تقولى ان افضل مدونة هى يوميات أمولة؟مش قلت لك بطلى كسوف واتكلمى براحتك
:)

عصفور المدينة said...

حفظك الله إجاباتك طيبة
ماعدا موضوع الرئاسة ده
:)
أعمل زي الناس اللي بتعلق بقى

اشمعنى الرقم 16
:)

klmat said...

عزيزتى منى
اجابتك جميله
وربنا يحفظ مامتك ويبارك فيكى
ويارب تكون معنوياتك افضل
خالص تحياتى

مدحت محمد said...

الحمد لله انى العربية موقعتش
عشان نشوف تدويناتك الجميلة
بجد اجابات جميلة اوى سواء على تاج الصباغ او هبهوب
حمد الله على سلامتك

الطائر الحزين said...

بارك الله فيك

اما موضوع الرئاسة
انا عمال اتحايل عليه بس هو مش راضى يقبل

مش عاجبة المرتب ياستى وعاوز يزودة 7 جنيه ونصف علشان يبقى اعلى من كادر ال..... ولا بلاش

تحياتى

"النجم القادم" said...

السلام عليكم
على فكرة انا فاكر انى علقت عندك هو التعليق راح فين
على العموم
اجاباتك حلوة وربنا يباركلك يااااارب
بس انتى مختصرة جدا كده ليه انتى خايفه ولا ايه هههههههه
اوعى تخاف خليكى فاكرة

رفقة عمر said...

الف سلامه عليكى شفاكى الله وععافاكى
وفرج كربك وازال همك اللهم امين يارب العالمين

منى said...

اموله
انتى اكتر
الله يسلمك
انا مردتش اقول بس عشان خايفه عليكى من الحسد
و مدونتك مش ناقصه
تحياتى يا جميل

منى said...

عصفور المدينه
الله يكرمك
بس سؤال الرئاسه ده اهم واحد
بس اجمل ما فيه انه مطلب شعبى

اشمعنى رقم 16
مش عارفه
تحياتى

منى said...

klmat
مرسىىى لكى
ربنا يكرمك ويبارك فيكى وفى اولادك
انا الحمد لله احسن
او بحاول اقنع نفسى انى احسن
انا والله مكنتش عايزه تقول انى حزينه عشان مضايقش حد
بس كنت حاسه انى مقصره مع اصحاب المدونات اللى يعرفونى وعايزهم يعرفوا انه غصب عنى
بس انا فعلا احسن والحمد لله
تحياتى وامتنانى

منى said...

مدحت محمد
انت دوحه مش كده؟
ايه اللى حصل فى مدونتك
انا مفتقداها جدا
بيجى عندى صفحه غريبه كده وعشان اختك خيبه فى الكمبيوتر مش عارفه التصرف السليم
هحاول اروح سيبر افتحها هناك عشان حد يساعدنى
مرسسى قوى على تعليقك الرقيق وسؤالك عنى
ربنا يجزيك كل خير

منى said...

الطائر الحزين
ايه ده بقى هو كده
ايه الطمع ده
يعنى نبوظ الميزانيه عشان السبعه جنيه بتوعه
بس الحق هو يستاهل
اقولك
نبيع شركه قطاع عام ونديله السبعه جنيه
ولا بلاش ليه؟؟
تحياتى

منى said...

النجم القادم
وعليكم السلام ورحمه الله وبركاته
بقى كل ده اختصار
يا راجل
دانا رغايه
جزيت خيرا على الدعوه الجميله
ماشى هفضل فاكره
تحياتى

منى said...

رفقه عمر
امين
ربنا يكرمك ويسمع منك
ويوعدك بالخير كله
تحياتى

son's egypt said...

السلام عليكم
اجابات منطقيه جداواعتقد انها ليس بها كثر من الخيال بل كاها تعبر عن واقع

مدحت محمد said...

ايوة برافو عليكى ذكية من يومك
دوحة
انا والله ناس اشتكتلى كتير قمت مسحتها خالص
بس سبت مدونة سيدنا النبى زى ماهى
مسحت مشاعر دافئة
خالص
بس ابتديت فيها من جديد
ياللا قدر الله وماشاء فعل
تحياتى

احمد الجيزاوى said...

مش عرف له حسس انى تاج الصباغ كش شويه
بس عموما تحياتى على الاجبات الرائعه

walaa said...

اجابتك مميزه ومختصره جدا
والحكد لله ان الغربيه موقعتش ورجعت لينا بالسلامه
ولاء

هبههههووب said...

متشكرة انك رديتى على التاج ..رودودك جميله
حبيت فيكى حبك للناس وحبك لمامتك وللأطفال
ربنا يخليلك ماما ويكرمكم ويخليكم لبعض ويخليلك كل الناسالى بتحبيهم
وشكرا على اهتمامك

بحبك يامصر said...

ازيك يا منى
ليكى وحشتينا
اجاباتك مميزه

raspoutine said...

شكرا على الزيارة
وبالنسبة للمدونة فهى جميلة جدا
لكن انا عمى ما حبيت موضوع التاجات ده مش عارف ليه
تقبلى مرورى

منى said...

sons oF Egypt
وعليكم السلام ورحمه الله وبركاته
هى فعلا اجابات واقعيه
لانى جزء من الواقع
شكرا لمرورك وتعليقك
تحياتى

منى said...

مدحت محمد
الحمد لله انا وصلت هناك
مبروك المدونه الجديده

منى said...

احمد الجيزاوى
شكرا ليك
هو كش ؟
هو جالى كده
يمكن عشان معاه تاج هبههههوب
2 فى واحد يعنى
معاهم خصم
تحياتى

منى said...

ميرسى يا ولاء
الحمد لله
ربنا يكرمك وتنورينى دائما
تحياتى

منى said...

هبههههووب
والله وجودك بيسعدنى
ربنا يكرمك على الدعاء الجميل
اللهم تقبل وارزقك مثله
تحياتى يا قمر

منى said...

بحبك يا مصر
الله يسلمك
ويبارك فيك
نحياتى

منى said...

راسبوتين
اهلا بيك
مرسيي لوجودك وتعليقك

ammar said...

ده اول تعليق ليا هنا على المدونه
وزى ماتقولى كده مش عارف اقول
بس برافو عليكى
اجابات متميزة
واسم اميز

سلوى said...

جميله الإحابات يامنى

إنت طيبه يا منى

ربنا يخلي والدتك ويعطيها الصحه
لأنها فعلا شخصيه طيبه

دمتى بكل خير أنت وكل الأسرة

منى said...

ammar
اهلا بك
ومرسىى على تعليقك المميز
ويا ريت متكنش اخر زياره
تحياتى

منى said...

سلوى
ازيك يا سلوى
يا رب تكونى بخير
ربنا يسمع منك
ويبارك فى كل حبايبك
تحياتى