وعند البعاد
يزيد الحنين
تدور الرحايا
تدور الوجوه
ورغما عنى
يبقى الانين
وتبقى دوما
عيونى حزينه
وبالقلب نار
برغم السنين
ذلك انى
وجدت الروح
تحمل عشقا
يفوق الحياه
يفوق المنايا
وانت بقلبى
حينا طفلى
وحينا ابايا
وحين يطول الفراق
اهيم بروحى
لعلى اجد على الدرب الهدايه
لعل مسافر
ضل طريقه
يرشد الروح
الى اغلى غايه
فحبى لك
صار عذابا
كانه توبه
تمحو الخطايا
فاما
واما الحياه لاحد سوايا
واما اللقاء
واما الالام حتى النهايه
skip to main |
skip to sidebar
12 comments:
بداية
مبروك المدونة
واهنىء نفسى على أنى أول تعليق
والآن سأذهب لأتى بمقص من الذهب لأقص شريط أولى تدويناتك والتى تدخلى بها بقوة عالم التدوين
اهلا بك نفع الله بك
فوائد البعد كثيرة تظهر المعنى الحقيقى للارتباط سواء بالارض أو بالحبيب
فبدون بعاد ولو مؤقت تصبح المشاعر اسيرة الوجود دون اختبار حقيقى للرغبة فى العودة
تحياتى
ازيك يامنى
مبروك المدونة
بأه بتضحكى عليا وتقوليلى انك لسه جديدة فى التدوين
لما البداية بالجمال ده حتعملى ايه بعد كده
ربنا معاكى ويوفقك
اخى الطائر الحزين
اتشرف بوجودك كاول تعليق فى مدونتى الوليده
واتمنى ان استحق مقصك الذهبى
اما البعد والحنين فهو قدر البشر فى كل مكان فا اللقاء الوحيد بلا فراق فى الجنه واللهم لا تحرمنا منها جميعا
الله يكرمك يا اموله ده بس من ذوقك
انا بجد خايفه طول عمرى بكتب لنفسى بس اول مره تقريبا افكارى واحاسيسى حد يشوفها
ربنا يوفقنا جيعا لما يحب ويرضى
اولا مبروك المدونه الجديده وعالم التدوين اكتسب مدونه احساسها عالى بجد
ثانيا شكرا على مرورك على مدونتى واتمنى تتكرر تانى ان شاء الله
ثالثا: يا ريت لو تقبلى نصيحه من اخ ليكى انك تحاولى تكبرى الخط شويه وتخليى الكتابه على اليمين او فى المنتصف
رابعا القصيده عاليه بجد وفيها لغه جميله وشدتنى جدا
وانت بقلبى
حينا طفلى
وحينا ابايا
بس اعتقد فى اما ذادت منك فى الاخر مالهاش محل من الاعراب فى وسط القصيده
تمنيتى بدوام التوفيق وفى انتظار القادم
منى
مبروك المدونة الجديدة :) . و كنت عايزة انصحك نفس نصيحة رئيس جمهورية نفسه :) انك تكبري الخط شوية عشان دة هيجذب الناس اكتر انها تقرأ البلوج بتاعك.دي مجرد ملحوظة .. من واحدة برده لسة جديدة نسبيا في البلوجز :) بس عارفة انها مكن تفرق ان شاء الله. ماشي ياجميل؟
Good Luck
السلام عليكم
كثير من الاحيان الفراق يزيد من عشق الانسان ويجعله يهميم ويزداد عشقا لمن يحب
ولكن هناك مثل يقول " بعيد عن العين بعيد عن القلب"
ولكن دايما من يحب ينسي هذا القول لانه يريد ان يحيا ويمون بحب من يحب ولا يريد ان ينساه
روحه متعلقه به وفؤاده لا يوجد سواءه به.
رئيس جمهوريه نفسى
الله يبارك فيك وميرسى جدا على الاشاده
اما النصيحه الخاصه بالكتابه فهى فى محلها عندك حق
اما عن ان الجزء الاخير مالوش لازمه احب اوضح انى دايما كنت بكتب لنفسى يعنى مكنتش باحاول اختار كلمات معينه او اضبط الوزن كنت بكنب اللى يطلع مع القلم لكن بعد كده هحاول اخد بالى وشكرا على النصيحه
هبه_شفتى عرفت اسمك ازاى_ شكرا على النصيحه اللى كنتى عايزه تقوليها ونورتينى بوجودك يا فراشه
sons Egypt
اهلا بك
عندك حق فى كلامك انا كنت زمان بقول انى اعشق الاسفار ولعبه الحنين
وعموما ثروتنا الحقيقيه فى الدنيا هى الناس اللى بنحبهم مهما كانت علاقتنا بيهم يعنى جيران او اهل او حتى ناس ارتحنا لشكلهم من بعيد من غير ما نتكلم معاهم
إيه الكلام الجامد ده
بس لما أشوفك يالولو
جميل يا منى
ربنا يوفقك
اهلا يا لولو وانا اقول المدونه نورت ليه
Post a Comment